Luku 14:11 - Ika

¹¹ “Makẹni onyẹ weshi enwẹn ẹ elu, e welụa w'ẹ alị; onyẹ welụa enwẹn ẹ alị, e weshi w'ẹ elu.”

Luku 14:11 Iomraidhean Croise

Samuẹlụ Nke Ẹbụọ 22:28

Y'a zụọpụha ndị e wetu enwẹn wẹ alị, kanị ị rị e ke ndị mpache nke, n'ị hụn ụzọ wetu wẹ alị.

Ẹsta 6:10

Ịya kẹ eze nọ sị Hamanị, “Jẹnmẹ ozigbo: d'e wẹhẹ ẹwuru hụ lẹ ẹshin ahụn, n'i mẹni Mọdikaya onyẹ Ju hụn a rụn ọrụn ọnụ-mgbọn m k'i dọn ku. Y'e nwọnkwọlẹ hụn k'a pụn'a imẹ ihiẹn ile i ku.”

Jobu 22:29

Wẹ wetu ịhịan alị, nị y'a sị, ‘Weli wẹ!’ Chuku a zụọ onyẹ ahụn wẹ welụa alị.

Ẹbụ-ọma 138:6

Ọsụọn'a nị Osolobuẹ rị elu-igwee, ọ nyanhanzị ndị e welụa enwẹn wẹ alị; kanị, ọ ghadẹ ebe teni a hụnchanrịn ndị nhọnrọn kẹ wẹ nọ.

Ẹbụ-ọma 18:27

Y'a zụọpụha ndị e welụa enwẹn wẹ alị, kanị y'e wetu ndị weshi enwẹn wẹ elu.

Itẹn 15:33

Egun Osolobuẹ e zin ịhịan amamihiẹn, onyẹ welụagụ enwẹn ẹ alị kẹ wẹ e ye ọghọ.

Itẹn 18:12

Ịhịan pachemẹ, ọ dan kanị ịhịan welụama enwẹn ẹ alị ọghọ a bịan'a.

Itẹn 25:27

Ọrịnị mma nị ịhịan raghafe mirin-ẹnwụn okẹn, mọbụ nị ịhịan a chọsọnmẹ onyẹ k'e yen'ẹ ọghọ.

Itẹn 29:23

Mpache ịhịan e budan a, kanị onyẹ e welụa enwẹn ẹ alị k'e nwọnrin ọghọ.

Azaya 2:11

Wẹ sikọ d'a kwa ndị nhọnrọn nku, welụa ndị mpache alị; Osolobuẹ sụọ kẹ wẹ k'e ye ọghọ ụhụọkịn ahụn.

Azaya 2:17

Wẹ sikọ d'a kwa ndị nhọnrọn nku, welụa ndị mpache alị; Osolobuẹ sụọ kẹ wẹ k'e ye ọghọ ụhụọkịn ahụn,

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Matiu 23:12

Onyẹ bushi enwẹn ẹ elu, e wetu w'ẹ alị; kanị onyẹ welụa enwẹn ẹ alị, e bushi w'ẹ elu.

Luku 1:51

Ọ tịnpụgụọ ẹka a, kpa ikẹn, kpọnyịya ndị mpache lẹ ihiẹn wẹ rị e ro.

Luku 1:52

O wetugụọ ndị-ọkịkị ukpo wẹ, bushi ndị nwọnlẹni ihiẹn wẹ wụ elu.

Luku 14:12

Ya Jizọsị nọ sị onyẹ hụn kpọ a oriri, “Ị gha kpọ oriri, akpọlẹ ndị ọwụ ị mọbụ nwẹnẹ i mọbụ ndị nke ụnụ mọbụ ndị-ịdanfịn ibe i amamgbe w'a kpọgwarị ị, ọhụn a wụrụ ụgwọ-ọrụn ị.

Luku 18:14

“Jesu nọ sị: M rị a gwa ụnụ nị onyẹ ụgwọ-isi hụ kẹ Osolobuẹ kuni ọhụnma n'o d'a lama iwe ẹ, ẹlẹ onyẹ Itu-Farisi hụ. Makẹni, onyẹ bushi enwẹn ẹ elu, e welụa w'ẹ alị; onyẹ welụa enwẹn ẹ alị, e bushi wẹ ẹ elu.”

Jemisi 1:9

Ogbẹnnyẹ kwerini Kraịstị ya ghọghọma nị Osolobuẹ e bushigụọ a elu;

Jemisi 4:10

Welụa nị enwẹn ụnụ alị ihun Di-nwọnni-ẹnyi kẹni o bushi ụnụ elu.

Jemisi 4:6

Kanị Osolobuẹ e ye ẹka ọda-ọda; ya haịn Ẹkụkwọ-nsọ gi sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”

Pita Ibuzọ 5:5

Ẹrịrazịkwọ, ụnụ ndị rị ibe alị, e humẹni ni ndị-isi ụnụ isi. Ụnụ ile, e welụanị enwẹn ụnụ alị ebe ibe ụnụ rị. Makẹni, Ẹkụkwọ-nsọ sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”

Pita Ibuzọ 5:6

E welụanị nwan enwẹn ụnụ alị ebe Osolobuẹ nọ e gi ẹka zeni e sọn ụnụ, kẹn'o bushi ụnụ elu ogẹn ru —

Samuẹlụ Nke Ibuzọ 15:17

Samuẹlụ a sị, “Ọsụọn'a nị y'e te werighọ enwẹn i n'i mẹ ẹkẹrẹ, y'e họnrinni nwan onyẹ-isi ebọn ile rị Izrẹlụ? Osolobuẹ we i tumẹ eze Izrẹlụ.