Luku 13:8 - Ika

⁸ Kanị, onyẹ e lepụ ugbo hụ ẹnya nọ sị a, ‘Diọkpa, dodo hapụzị a ahụa ohu sụọ, nị m hụn ụzọ guhunmẹ ukun ẹ, buche ẹ fẹtalaịza.

Luku 13:8 Iomraidhean Croise

Ẹbụ-ọma 106:23

Ya kẹ Osolobuẹ nọ sị n'o tikpọ wẹ; omẹni ẹlẹ hụn onyẹ ahụn ọ họrị wụ Mozizi wuzo ẹgbata ya lẹ uwẹ, rịọma a, amamgbe o gi olulu tikpọ wẹ, nkẹ o tikpọ wẹ.

Ọpụpụ 34:9

sị, “Euu Di-nwọnni ẹnyi, omẹni ihiẹn m a sụọghọ ị, dodo Di-nwọnni ẹnyi, sọnjẹn ẹnyi nwan. Ezioku-ezioku ndịnị wụ ndị isi-akwanran, ka gbagharị ẹnyi eje-ihiẹn lẹ njọ ẹnyi mẹ, y'e weri ẹnyi nọkẹ ndị nke i.”

Jerimaya 15:1

Osolobuẹ nọ sị m: “Ọsụọn'a nị Mozizi lẹ Samuẹlụ turu ihun m a rịọ m, omikẹn ndịnị emẹkọ m. Sị wẹ gha m ihun pụ! Wẹ jẹnmẹ!

Jerimaya 18:20

W'e gidẹ nwan njọ a kụ mma ra? E gutọgụọnị wẹ m olu kẹni m danye. Nyanhankwọ kẹ m dọn nọ ihun i a rịọdọnni wẹ, a rịọ ị n'i mẹyeni wẹ, makẹ ị gha e gi ọnụma e sọn wẹ!

Juwẹlụ 2:17

Ndị nchụn-ẹjan, ndị ọrụn Osolobuẹ, wẹ kwanma ẹkwan ẹgbata ukpo nchụn-ẹjan lẹ ẹtu-ụlọ Ụnọ-NSỌ! Wẹ sị Osolobuẹ, “Osolobuẹ dodo, mẹ omikẹn ndị nke i! Emẹkwọlẹ ndị nke i wụrụ ihiẹn ẹmụ, ihiẹn ndị alị ọzọ e legberi! Amamgbe alị ndị ọzọ a jụma, ‘Elebe kẹ Chuku wẹ rị?’ ”

Luku 13:7

Ọ nọ sị onyẹ hụn e lepụn'a alị vaịnị hụ ẹnya, ‘Lee ẹ, kete ahụa ẹtọ ịnwaịn kẹ m bịama d'a chọ mkpụrụ elu figini, ahụnnị m. Gbutu ẹ! K'ọ rị e wiwini alị?’

Luku 13:9

Ọ mị mkpụrụ akan-ile, ọ hụ mma; kanị, omẹni ọ mịnị, n'i sikọ d'e gbutu ẹ, y'e gbutu ẹ.’ ”

Luku 14:35

Onwọnni erere ọ ban: ọ rịkọ mma alị; ọ rịkọ mma wẹ e gi mẹmẹ fẹtalaịza. W'e kpọn ẹ hụ e tuhu. Onyẹ nwọn ntịn o gi a nụ ihiẹn, y'a nụ.”

Ndị Rom 10:1

Umunẹ m, ihiẹn a gụnnị m lẹ ihiẹn m'a rịọ Osolobuẹ wụ n'ọ zụọpụha ndị alị m.

Ndị Rom 11:14

ikẹnkwọ nị m saẹka gi ẹ mẹ ẹnya fụma ndị alị m, kẹni m saẹka zụọpụhadẹ ụfọdụ.

Pita Nke Ẹbụọ 3:9

Ẹlẹni Di-nwọnni-ẹnyi rị e bie mbie imẹzu nkwa a kẹ ndị hụ dọn a ghọha ibie-mbie; mba, o gi ndidin e sọn ụnụ. Onwọnni onyẹ ọ chọ n'ọ la iwi, kama, ọ chọkọ nị ịhịan ile rogharị.