Luku 13:35 - Ika

³⁵ Lee ẹ, a la wẹ nwan Ụlọ ị tọn'ị! M rị a gwa ị, y'a hụnkọzị m d'e ru ogẹn i jẹnkọ d'a sị ‘Ngọzi ya rịnị onyẹ ahụn gi ẹfan Di-nwọnni-ẹnyi lala.’ ”

Luku 13:35 Iomraidhean Croise

Ẹbụ-ọma 118:26

Ngọzi ya rịnị onyẹ hụn gi ẹfan Osolobuẹ bịa! Ẹnyi gha Ụlọ-nsọ Osolobuẹ e kele ụnụ.

Ẹbụ-ọma 69:25

Ebe wẹ bi ya gba okpokoro! Ịhịan ya ebilẹ iwe wẹ,

Azaya 52:7

Ụkụ ndịnị fetula ugu arịka mma-o! Ụkụ ndị ahụn wela ozi rị mma! Ndị bịa d'e ku ni ihiẹn a rịgụọ mma, ndị wẹhẹ ozi rị mma, ndị rị a hị nị nzụọpụha a bịagụọ, ndị rị a sị ndị Zayọnụ, “Chuku ụnụ wụ eze!”

Jerimaya 22:5

“ ‘Kanị omẹni ụnụ emẹni ihiẹn ndịnị m sị ụnụ mẹ, ma isi m, obi-ezeni jẹnkọ d'e họnrin mkpọkọ-ụlọ.’ ”

Jerimaya 35:17

“Ufiri ẹ, Osolobuẹ ihiẹn ile rị okpuru ẹ, hụn wụ Chuku Izrẹlụ, rị nwan a sị, ‘Gọn nị ntịn! M jẹnkọ d'e mẹ alị Juda lẹ ndị ile bi imẹ Jerusalẹm eje-ihiẹn ile m sị nị m jẹnkọ d'e mẹ wẹ. Makẹni kẹ m gwa wẹ oku, egọnni wẹ ntịn; a kpọ m wẹ oku, azanị wẹ.’ ”

Maịka 3:12

Ufiri ẹ, obodo Zayọnụ jẹnkọ d'a nọ kẹ ọfịa wẹ sụn dụkpọ, Jerusalẹm jẹnkọ d'e mẹ mkpọkọ-mkpọkọ; uguni ụlọ-nsọ rị elu ẹ jẹnkọ d'e họnrin ẹgboko rị elu ugu.

Zẹkaraya 12:10

M k'e hu mmọn omikẹn lẹ arịrịọ ye ebọn eze-Defidi lẹ ndị bi Jerusalẹm obi, nke wụnị, wẹ k'e lee m ẹnya, onyẹ hụn wẹ dụn ihiẹn, a kwannị w'a ẹkwan kẹ ịhịan a kwan akpụ nwa ohu ọ mụ; wẹ k'a kwangbu enwẹn wẹ nọkẹ onyẹ okẹnnyẹ ibuzọ a nwụnnahịn.

Zẹkaraya 14:2

Makẹni, m k'a kịha alị ile d'a lụsọn Jerusalẹm agha, e mẹri wẹ obodo ahụn. Wẹ sikọ d'a kwarị ihiẹn rị ụlọ ndị rịn'a, kwọn ikpoho rịn'a, mẹ mgba wẹ, kebe ndị rịn'a ụzọ ẹbụọ, kpụnrụn ụzọ ohu shi alị ọzọ; kanị e wepụkọ wẹ ndị họdụnị imẹ obodo hụ.

Matiu 21:9

Igunrun hụ rị a ihun lẹ ndị sọnkọn'a hụ e yi oro, a sị, “Ọjịja-mma ya rịnị Nwa Defidi! Ngọzi ya rịnị Onyẹ hụ gi ẹfan Di-nwọnni-ẹnyi lala! Ọjịja-mma ya rị nị Osolobuẹ imẹ ebẹhụ kachanrịn elu-igwee.”

Matiu 23:37

“Euu Jerusalẹm! Jerusalẹm!! Obodo hụn e gbu ndị-amụma, e gi ọmụma a magbu ndị wẹ zihẹn'ẹ! Mgbe ole-lẹ-ole kẹ m chọpụ nị m kpumẹ ụmụ ị kẹ nneku-ọhụhụ dọn e gi nku e kpumẹ ụmụ a, bụ y'a nịnị m!

Luku 19:41

Ogẹn Jesu gi nwan ru ẹhụ Jerusalẹm, ọ hụn a, ọ nọ kwanman'a ẹkwan,

Luku 21:24

Wẹ k'e gi ọpịa-agha gbu wẹ, kpụnrụn wẹ shi alị ile rị ichẹn-ichẹn. Alị ndị ọzọ jẹnkọ d'a zọ Jerusalẹm ụkụ d'e ru nị ogẹn alị ndị ọzọ e zu.

Jọnụ 12:13

ya wẹ nọ werisọnmẹ iguru, jẹnmẹ d'e kunrun ẹ, e yi, “Ja nị Osolobuẹ mma; ngọzi ya rịnị onyẹ ahụn gi ẹfan Di-nwọnni-ẹnyi lala, ọjịja-mma ya rịnị Chuku hụn wụ Eze Izrẹlụ.”