Luku 13:34 - Ika

³⁴ “Heuu Jerusalẹm! Jerusalẹm!! Obodo hụn e gbu ndị-amụma, e gi ọmụma a magbu ndị wẹ zihẹn'ẹ! Mgbe ole-lẹ-ole kẹ m chọpụ nị m kpọnkikomẹ ndị rị imẹ i kẹ nneku-ọhụhụ dọn e kpọnkikomẹ ụmụ a e ye okpuru nku ẹ, kanị y'a nịnị m!

Luku 13:34 Iomraidhean Croise

Nehemiah 9:26

“Kanị e nupụkwọnị wẹ i isi; e nu wẹ Iwu i ye ụsụọ; e gbu wẹ ndị-amụma ị hụn gwa wẹ njọ wẹ kẹni wẹ gi ẹ rogharị buruhẹz'i; e mẹsọnmẹ wẹ ihiẹn bu ọda wẹ gi kpari i.

Nehemiah 9:30

Ị nọ gi ndidin sọn wẹ ahụa bu ọda, gi Mmọn ị dọsọnmẹ wẹ ẹka-ntịn ghahanị ndị-amụma ị. Kanị egọnni wẹ ntịn. Ya ị nọ bu wẹ che ẹka ndị alị ọzọ nọhunmẹni wẹ.

Ẹbụ-ọma 149:2

Ndị Izrẹlụ wẹ ghọghọma makẹ Onyẹ hụn keni wẹ; ẹfọ ya sụọma ndị Zayọnụ ụsụọ makẹ Eze wẹ.

Ẹbụ-ọma 17:8

Chemẹ m rịkẹ nwa-ẹnya ị; bu m zuemẹ okpuru ẹka-nku i

Ẹbụ-ọma 36:7

Ihiẹn-ọsụsụọ ị enwọn ihiẹn wẹ e gi jen'ẹ! Kẹ ndị uku kẹ ndị-nta a gbaban igungun nku i.

Ẹbụ-ọma 57:1

Chuku, dodo mẹ omikẹn m, dodo mẹ omikẹn m, nị ịyụ kẹ m gbọnni. Okpuru nku i kẹ m k'a nọdị d'e ru ni ntikpọnị a ghafegụ!

Ẹbụ-ọma 81:13

Omẹni ndị nke m te k'e gọn m ntịn! Omẹni ndị Izrẹlụ te k'e sọn ụzọ m!

Ẹbụ-ọma 91:4

O k'e gi ugbele ẹka-nku ẹ kpumẹ i, ya nọdị okpuru nku ẹ, ihiẹn e mẹkọ ị. Akpaịn uku lẹ akpaịn nta wẹ gisọnmẹ e che ịhịan nche k'ọ wụ makẹni o furu w'a tụkwasị obi.

Azaya 30:15

Di-nwọnni-ẹnyi, hụn wụ Osolobuẹ, Onyẹ-nsọ Izrẹlụ, sị: “Ibihutọ ẹka lẹ igi ndidin cheri m kẹ ụnụ k'e gi wanahịn, ịgba-nkịtịn lẹ igi m dọn ẹnya a wụrụ ikẹn ụnụ, kanị ụnụ ekwerini.

Azaya 50:2

Kẹ m bịa, kị haịn o gilẹni nwọn onyẹ rịn'a? Kẹ m kpọ oku, kị haịn o gilẹni nwọn onyẹ zanị? Ẹka m e mẹkẹ nkpụrụ nị asa m ẹka zụọpụha ụnụ ra enwọn m ndụn m'e gi zụọpụha ụnụ? Bụ ọjụgbọ mmaka kẹ m gi e mẹ ohimin a tahị, e mẹ iyi ichẹn-ichẹn e họnrin alị ọkpọ-nkụn azụn rị imẹ wẹ a nwụnhụn, shinkpo, makẹni mirin arịa; ẹgụn-mirin e gbu wẹ!

Jerimaya 2:30

Afụnfụn ile m ye ndị nke i la iwi; egini wẹ mkpịnsịn m fịan wẹ bihutọ ẹka. Ụnụ e gigụọ ọpịa-agha gbu ndị-amụma wẹ zihẹni ụnụ kẹ eje-ẹwọrọ e gburi anụ.

Jerimaya 26:23

Wẹ nọ gha Ijiptu nwụnlụa Yuria, w'ẹ ye eze wụ Jehoyakim. Jehoyakim nọ gi ọpịa-agha gbu ẹ, tụ ozun ẹ ye ikpẹkpẹ ndị mmaka.

Jerimaya 35:14

Jonadabụ nwa Rekabụ sị ebọn ẹ aralẹ manya, wẹ nọ gi ihiẹn hụ ọ gwa wẹ dọn: d'e rukwọ nwan tannị w'a ra ra manya, makẹni wẹ rị e mẹ ihiẹn nẹdi wẹ kanị sị wẹ mẹ. Kanị, mmẹ nwẹn wụ Osolobuẹ hụ nwan a gwa ụnụ oku ọgụgwa-ọgụgwa, ụnụ arị e gi oku m e dọn.

Jerimaya 35:17

“Ufiri ẹ, Osolobuẹ ihiẹn ile rị okpuru ẹ, hụn wụ Chuku Izrẹlụ, rị nwan a sị, ‘Gọn nị ntịn! M jẹnkọ d'e mẹ alị Juda lẹ ndị ile bi imẹ Jerusalẹm eje-ihiẹn ile m sị nị m jẹnkọ d'e mẹ wẹ. Makẹni kẹ m gwa wẹ oku, egọnni wẹ ntịn; a kpọ m wẹ oku, azanị wẹ.’ ”

Jerimaya 6:16

Osolobuẹ sị, “Turu ni nwan ẹbụ-ẹnọ lehunmẹ ẹnya; jụ nị kẹ elee hụn wụ ụzọ ahụn rị ẹdẹi — jụ nị ukwere ụzọ hụ rị mma, ụnụ a gha a, kẹn'ọ rịnị ụnụ mma. Kanị ụnụ sị, ‘Ẹnyi aghakọ a.’

Ẹkwan 1:16

Ihiẹn ndịnị kẹ m rị a kwannị, ẹnya-mirin gi e jun m ẹnya. Onwọnni onyẹ a nọkunmẹni m n'ọ hụhụ m, enwọn m onyẹ e mẹ ndụn banzị m. Ụya rị nwan e ri ụmụ m makẹni eṅẹnrẹn e mẹrigụọ.

Ẹkwan 4:13

Kanị, o mẹghọ — makẹ njọ ndị-amụma a lẹ ụrụ ndị nchụn-ẹjan a, hụn nọsọnmẹ imẹ ẹ gbu ndị ezi-omumẹ.

Hosia 11:2

Kẹ m dọn rị a kpọ wẹ, kẹ wẹ dọn rị a gbanị m ọsọ; a tọ wẹ a chụnyeni Baalụ ndị ahụn ẹjan, a mụnị mmọn ichẹn-ichẹn nsẹnsi.

Hosia 11:7

Ndị nke m sị wẹ k'a larịrị m tọ. Wẹ kpọku onyẹ wẹ sị ya kẹ wẹ rị e fe n'o d'e yeni wẹ ẹka, kanị onwọnni onyẹ k'e yeni wẹ ẹka, onwọnni onyẹ k'e welini wẹ.

Juwẹlụ 2:23

Ẹfọ ya sụọma ụnụ ụsụọ, ndị Zayọnụ; ghọghọma nị makẹ Osolobuẹ wụ Chuku ụnụ, makẹni o yegụọ ụnụ mirin-ahụa gi tụnị ụnụ ụya; o mẹgụọ mirin zue ni ụnụ ọda-ọda, kẹ mirin-ahụa kẹ mirin ikpanzụụn kẹ o dọn e mẹ mbu.

Zẹkaraya 1:4

“Anọkwọlẹ ni kẹ ndị nẹdi ụnụ kanị hụn ndị-amụma mbụ gwa oku, sị, ‘Osolobuẹ ihiẹn ile rị okpuru ẹ sị: Bibehi ni eje-obibi ụnụ rị e bi, ụnụ e mẹbehi eje-ihiẹn ụnụ rị e mẹ.’ Kanị, anụnị we, emẹni wẹ ihiẹn m sị wẹ mẹ. Ya kẹ Osolobuẹ ihiẹn ile rị okpuru ẹ ku.

Matiu 22:3

O zi idibo ẹ d'a kpọ ndị wẹ kpọ oriri-agbamẹkụkwọ hụ, kanị achọnị wẹ nị wẹ bịa.

Matiu 22:6

ndị họdụnị nọ nwụnrụn ndị idibo ẹ, gbe ifẹnrẹn ye wẹ ihun, gbu wẹ.

Luku 15:28

Iwe nọ wemẹ nwẹnẹ ẹ hụn kanị, o kwerini ban mmụlọ. Ya kẹ nẹdi ẹ nọ pụha, rịọma a.

Luku 19:44

Wẹ jẹnkọ d'e tikpọ ị ru alị, yụ lẹ ndị rị imẹ i: onwọnni ogbe ọmụma ohu wẹ gi tụn ị hụn wẹ jẹnkọ d'a latọ elu ibe ẹ, makẹni y'a marịnnị ogẹn Osolobuẹ gi bịa d'e mẹni i ọhụnma.”

Luku 23:28

Jesu nọ gbehutọ, sị wẹ, “Ikpoho Jerusalẹm! Akwanlẹ ni ni m ẹkwan, ka kwanmanị nị enwẹn ụnụ lẹ ụmụ ụnụ ẹkwan.

Ọrụn Ndị-ozi 7:52

Elee onyẹ-amụma kẹ ndị nẹdi ụnụ kpokpolẹni? Uwẹ gbu ndị hụn ku oku ọbịbịa Kraịstị Onyẹ Ezi-omumẹ, ụnụ nwẹn wụ nwan ndị ren'ẹ lẹ ndị gbun'ẹ!

Ọrụn Ndị-ozi 7:59

Ogẹn wẹ gi rị a ma Stivini ọmụma, ọ nọ mẹ ekpere, sị, “Di-nwọnni-ẹnyi wụ Jesu, dodo nabanhan mmọn m!”

Ọrụn Ndị-ozi 8:1

Sọlụ a kwadọnghọ wẹ kẹ wẹ rị e gbu Stivini. Gha ụhụọhịn hụ jẹnmẹ, wẹ nọ kpokpomẹ ndị ụka rị Jerusalẹm ọda-ọda. Wẹ ile nọ gbayịya, gbashisọnmẹ ẹgbẹrẹ Judia lẹ Sameria — wezụka ndị-ozi hụ pụ-ichẹn.

Ditrọnọmi 32:29

K'ọ rị m wẹ nwọn uche hụn w'e gi ghọta ihiẹnni, marịn ihiẹn jẹnkọ d'e mẹ wẹ:

Ditrọnọmi 5:29

K'o furu egun m a rịsọnmẹ wẹ nwan obi ẹnịna, e gi w'ẹ e mẹ ihiẹn ile m sị wẹ mẹ, n'ọ hụn ụzọ masịnị wẹ lẹ ụmụ wẹ jẹnrin-ejẹn.

Rẹvẹleshọnụ 11:8

Ozun wẹ k'a rị ụzọ ụwaya kanị rị obodo uku hụ wẹ gi “Sodọm” lẹ “Ijiptu” marịn imẹ-mmọn, obodo ohu hụ wẹ nọ kpọgbu Di-nwọnni wẹ.

Rutu 2:12

Osolobuẹ ya kụ ị ụgwọ ihiẹn-ọmanị ile i mẹ; ẹghẹẹ, Osolobuẹ wụ Chuku ndị Izrẹlụ, hụn i gbabanhan okpuru nku ẹ, ya kụ ị ụgwọ zu òke.”