Luku 13:17 - Ika

¹⁷ Ogẹn o gi ku ihiẹnni, ifẹnrẹn nọ mẹ ndị iṅẹnrẹn ẹ. Kanị igunrun ahụn rị ebẹhụ hụ a ghọghọ makẹ ihiẹn atụmẹnya ile ọ rị e mẹ.

Luku 13:17 Iomraidhean Croise

Ẹbụ-ọma 109:29

Ifẹnrẹn ya kpumẹ ndị rị e buokin m ọnụ kpumẹ wẹ nọkẹ ẹkwa, ezigbo ifẹnrẹn ya kpumẹchanrịn wẹ rịkẹ ẹwuru tueru alị!

Ẹbụ-ọma 111:3

Ihiẹn ile o mẹ nwọn mgbaye lẹ ọghọ; o mẹsọnmẹ ihiẹn furuni jẹnrin ejẹn.

Ẹbụ-ọma 132:18

M k'e yimẹ ndị-iṅẹnrẹn ẹ ifẹnrẹn nọkẹ ẹwuru, kanị okpu-eze rị ya nwẹn isi k'a gha e gbuke.”

Ẹbụ-ọma 40:14

Ndị ile chọkọ nị wẹ gbu m, ifẹnrẹn ya mẹ wẹ, w'a marịnzịlẹ hụn w'e mẹ; ndị ọ rị a sụọ nị wẹ tikpọ m wẹ gi ifẹnrẹn kin azụụn.

Ọpụpụ 15:11

“Euu Osolobuẹ, elee mmọn nọ kẹ yụ? Onyẹ nọ kẹ yụ — hụn rị nsọ pụ-ichẹn; hụn e mẹ ihiẹn a tụ egun w'a ja mma; hụn a rụn ọrụn atụmẹnya?

Azaya 4:2

O ru ogẹn ahụn, agalaba Osolobuẹ k'e mẹ n'o suepụha jẹnkọ d'a ma mma, nwọn ọghọ; alị ugbo k'e mẹ ihiẹn ọda-ọda, ndị Izrẹlụ họdụnị k'a rị e gi ẹ a dụ ẹka obi, gi ẹ nwọn ọghọ.

Azaya 45:24

Wẹ k'a gha a sị, ‘Osolobuẹ sụọ e mẹ ihiẹn furuni, ikẹn wụzịkwọ nke ẹ.’ Wẹ ile hụn bun'ẹ olulu k'a bịa d'a rịọ a, ifẹnrẹn e mẹgbu wẹ.

Azaya 66:5

Nụ nị nwan oku Osolobuẹ, ụnụ ndị a nụ oku ẹ, e mẹhunmẹ! Umunẹ ụnụ hụn rị e ze ize ụnụ, e nu ụnụ e ye ụsụọ makẹ ufiri ẹfan m, a sịgụọ, “Osolobuẹ ya ghọsịkwọ ikẹn ẹ, kẹni ẹnyi hụn ịghọghọ ụnụ!” Kanị, uwẹ kẹ ifẹnrẹn jẹnkọ d'e mẹ.

Luku 14:6

Kanị, asanị wẹ ẹka za ihiẹn ọwụlẹ.

Luku 18:43

Ozigbo, ọ nọ leghama ụzọ; ọ nọ sọnmẹ Jizọsị, a ja Osolobuẹ mma. Ịhịan ile hụnn'a nọzịkwọ ja Osolobuẹ mma.

Luku 19:48

kanị, ahụnnị wẹ ụzọ mẹ ẹ, makẹni nkuzi ẹ e werigụọ igunrun ahụn ile.

Luku 20:40

Egun anịnị wẹ jụzị a ajụjụ.

Ọrụn Ndị-ozi 4:21

Ogẹn wẹ gi rọngụzị Pita lẹ Jọnụ egun, wẹ nọ hapụ wẹ, ebe o mẹni ahụnnị wẹ ihiẹn wẹ e kwọndọn ẹka ye wẹ afụnfụn, makẹni ịhịan ile rị a ja Osolobuẹ mma yeni ihiẹn mẹni,

Timoti Nke Ẹbụọ 3:9

Kanị, ọ ghabiekọnị wẹ, makẹni nzuzu wẹ k'a pụha ihun ịhịan ile kẹ nke madụ ẹbụọ ahụn wụ Janesi lẹ Jambresi.

Taịtọsụ 2:8

onyẹ gi oku kụrụ ọtọ nwọnlẹni nkọrịanị a kuzi, kẹni ifẹnrẹn mẹ ndị iṅẹnrẹn makẹni ahụnnị wẹ eje-ihiẹn wẹ e gi kuja oku ẹnyi.

Pita Ibuzọ 3:16

Ka e gi ni nwayọ lẹ mgbaye e mẹ ẹ. E dọnmẹ ni obi ụnụ ọchan, kẹni ifẹnrẹn mẹ ndị hụn e kuja ihiẹn rị mma ụnụ rị e mẹ imẹ Kraịstị.