Luku 12:33 - Ika

³³ Repụ nị ihiẹn ụnụ nwọn, we egho ẹ ye ndị igbẹnnyẹ, ya kẹ ụnụ e gi kwarị ẹkpa ghalẹni a kahị, nwọnferi akụ-lẹ-ụba imẹ elu-igwee. Ohin asakọ ẹka ru ebahụn; ẹkịka asakọ ẹka ri ihiẹn rị ebẹhụ.

Luku 12:33 Iomraidhean Croise

Itẹn 13:7

Onyẹ ohu e mẹ kẹ ọdanfịn bụ onwọnni ihiẹn o nwọn; hụn ẹbọ e mẹ kẹ ogbẹnnyẹ bụ o nwọnghọ ihiẹn ọda-ọda.

Hagaị 1:6

Ụnụ ahụnnị nị ụnụ kụngụ ọda, ẹkẹrẹ sụọ kẹ ụnụ a hụn a ghọrị; ụnụ hụ e ri, kanị ụnụ arị a hụn hụn e jun ụnụ ẹfọ; ụnụ hụ a ra, kanị ụnụ arị a hụn hụn e jun ụnụ ẹfọ; ụnụ hụ e yi ẹkwa, kanị ụnụ arị a hụn hụn e zu ụnụ a chụ oyi; ụnụ hụ a kpa egho a kpaye ẹkpa e hini.

Matiu 19:21

Jizọsị nọ sị a, “Ị chọ n'i zu oke, jẹnmẹ, repụ ihiẹn i nwọn, y'e we egho ẹ ye ndị igbẹnnyẹ, gi ẹ nwọn akụ-lẹ-ụba imẹ elu-igwee, y'a bịa d'e sọnmẹ m.”

Luku 11:41

Ka we ni nwan ihiẹn rị imẹ ẹ ye ndị igbẹnnyẹ, ogẹn ahụn ihiẹn ile a rịchanrịnnị ụnụ ọchan.

Luku 12:21

Igi mẹkin iluni, Jizọsị nọ sị, “Ẹnịna k'o k'a rịnị ndị hụ a kpatọnị enwẹn wẹ akụ-lẹ-ụba kanị ẹlẹ wẹ ọdanfịn imẹ ihiẹn Osolobuẹ.”

Luku 16:9

“M rị a gwa ị: gi akụ-lẹ-ụba ụwanị han ọwụ, omẹni ọ gụ, kẹni ị hụn onyẹ jẹnkọ d'a nabanhan ị iwe ẹ biri jẹnrin ejẹn.

Luku 18:22

Jizọsị a nụ ihiẹn ọ za, ọ nọ sị a, “O nwọn ihiẹn ohu i kelẹni mẹ: repụ ihiẹn ile i nwọn, y'e we egho ẹ ye ndị igbẹnnyẹ, gi ẹ nwọn akụ-lẹ-ụba imẹ elu-igwee; y'a bịa d'e sọnmẹ m.”

Jọnụ 12:6

(Ẹlẹ ni ndị igbẹnnyẹ rị a mkpa haịn o gi ku ihiẹnni. Kanị, onyẹ-ohin k'ọ wụ: ịya e dọnmẹni Jesu wẹ egho; o werisọnmẹ egho wẹ ye ẹ dọnmẹ.)

Ọrụn Ndị-ozi 2:45

W'e re alị lẹ ihiẹn ndị ọzọ wẹ nwọn, e ke egho ẹ e ye onyẹ-onyẹ kẹ mkpa wẹ dọn rị.

Ndị Kọrẹntị Nke Ẹbụọ 8:2

ọsụọn'a nị wẹ rị imẹ okẹn nsọngbu cheni ogbẹnnyẹ mgbeleke wẹ wụ, okẹn ịghọghọ wẹ nwọn imẹ Di-nwọnni-ẹnyi anịnị ụya wẹ rị imẹ ẹ gbọndọn wẹ, wẹ nọ ye, ye ọda-ọda!