Luku 12:32 - Ika

³² “Ụmụ-atụnrụn m, atụlẹ ni egun, makẹni ọ sụọghọ Nẹdi ụnụ n'o ye ụnụ Alị-eze.

Luku 12:32 Iomraidhean Croise

Azaya 40:11

O k'e lepụ atụnrụn a ẹnya lekẹ onyẹ e du atụnrụn; ọ pa ụmụ atụnrụn rịn'a, a pa wẹ e che obi; o tu udọn e du ndị kị ụmụ.

Azaya 41:14

Jekọpụ, ndidọn zelẹni, atụlẹ egun — Izrẹlụ ụjọ! Makẹni mmẹ lẹ enwẹn m k'e yeni i ẹka ya kẹ mmẹ wụ Osolobuẹ ku — mmẹ, Onyẹ a gbapụhan'ị, Onyẹ-nsọ Izrẹlụ.

Azaya 53:6

Ẹnyi ile a kpahugụọ nọkẹ atụnrụn; onyẹ-onyẹ a warị ẹbụ a — Osolobuẹ e bukwasị a njọ ẹnyi ile.

Jerimaya 3:19

“Mmẹ nwẹn, m te sị enwẹn m, ‘Nkẹ ọ sụọka m nị m mẹ ụnụ kẹ ụmụ, ye ụnụ alị rị mma, alị manahịn nke ndị alị ọzọ ile mma.’ M te ro ni ụnụ k'a kpọ m, ‘Baba’; nị ụnụ esọnbehikọ m.

Matiu 14:27

Kanị, Jizọsị nọ kuyeni wẹ oku ozigbo, sị, “Kwọndọn ni obi ụnụ, mmẹ rọ; atụlẹ ni egun.”

Matiu 20:16

“Ẹrịra kẹ ndị kpan azụụn k'a dọn bu ụzọ, ndị bu ụzọ a kpanrịn azụụn.”

Matiu 25:34

“Ogẹn hụ, Eze wụ Nwa nke Ịhịan, jẹnkọ d'a sị ndị hụ rị a ẹka-nni, ‘Bịa nị, ndị Nẹdi m gọzi, weri ni Alị-eze hụ wẹ kwademẹni ụnụ kete wẹ gbelẹ iyetọ ụwa.

Matiu 7:15

“Kpachanpụ nị nị ndị amụma-ntụ ẹnya: w'e kọnrin kẹ atụnrụn, a bịa d'e kunrun ụnụ, kanị, eje-ẹwọrọ kẹ wẹ wụ imẹ.

Luku 10:21

Ogẹn hụzịkwọ, Jesu nọ ghọghọ imẹ Mmọn-nsọ, sị, “Baba, Onyẹ nwọn elu-igwee lẹ ụwa! M rị a ja ị mma ni y'e zuemẹgụọnị ndị marịn ihiẹn lẹ ndị nwọn nghọta ihiẹn ndịnị, we wẹ ghọsị ụmụ-ndu. Ẹghẹẹ Baba, ẹnịna k'ị chọ n'ọ rị.

Jọnụ 18:36

Jesu nọ sị, “Alị-eze m ẹlẹ nke ụwanị. Omẹni alị-eze m te wụ nke ụwanị, nkẹ ihu m a lụ ọgụn gbọndọn wẹ ebulẹ m che ẹka ndị-ndu ndị Ju. Mba, alị-eze m ẹlẹ nke ebeni.”

Ọrụn Ndị-ozi 20:28

Lepụ nị nwan enwẹn ụnụ lẹ igunrun atụnrụn Mmọn-nsọ buche ụnụ ẹka ẹnya. O tumẹgụọ ụnụ ndị-ndu kẹni ụnụ du ụka Osolobuẹ, hụn Osolobuẹ gi ẹdeke ẹ nwọnhẹn.

Ọrụn Ndị-ozi 20:29

A marịnghọ m nị m pụgụ, eje-ẹwọrọ k'a bịa imẹ igunrun ụnụ d'e ripụ atụnrụn.

Ndị Rom 6:23

Makẹni, ụgwọ njọ wụ ọnwụn, kanị ihiẹn-ọfẹ Osolobuẹ e ye wụ ndụn itẹbitẹ hụn rị imẹ Jizọs Kraịstị Di-nwọnni-ẹnyi.

Ndị Kọrẹntị Ibuzọ 1:21

Makẹni ụwa asanị ẹka gi amamihiẹn marịn Osolobuẹ ebe ọ nọ e gi amamihiẹn ẹ e mẹ ihiẹn, ọ sụọ Osolobuẹ n'o gi “nzuzu” rị ozi ẹnyi rị e zi zụọpụha ndị hụn k'e kwerini.

Ndị Filipi 2:13

Makẹni Osolobuẹ ya rị ọrụn imẹ ụnụ ogẹn ile, e mẹ ụnụ a sa ẹka a họrị uche ẹ, e mẹzikwọ uche ẹ.

Ndị Tẹsalonika Nke Ẹbụọ 1:11

Ya haịn ẹnyi gi e mẹni ụnụ ekpere ogẹn ile, a rịọ Osolobuẹ ẹnyi n'o mẹ ụnụ a ghọsị nị oku ọ kpọ ụnụ alanị iwi; n'o gi ikẹn ẹ mẹ ihiẹn-ọma ile ụnụ chọ lẹ ọrụn ọwụlẹ ụnụ gi okukwe a rụn;

Ndị Tẹsalonika Nke Ẹbụọ 1:5

Ọ hụ a ghọsị nị okinkin-ikpe Osolobuẹ wela furu efuru; ụnụ hụzị e gi ẹ a wụrụ ndị furu ịbanye Alị-eze Osolobuẹ hụ ụnụ rị a tanị afụnfụn.

Hibru 12:28

Ebe o mẹ nwan nị ẹnyi rị e nwọnhẹn alị-eze wẹ ghalẹni a saẹka e zinzinpụ, nị ẹnyi kpanmịn nị Osolobuẹ, gi egun Osolobuẹ lẹ mgbaye fe Osolobuẹ ofufe ọ k'a nabanhan;

Jemisi 2:5

Ezigbo umunẹ m m bu obi, gọn ni ntịn! Osolobuẹ a họrịgụọnị ndị wụ igbẹnnyẹ imẹ ụwanị mẹ wẹ wụrụ ndị-ịdanfịn imẹ okukwe, wụrụzị ndị k'a banye Alị-eze hụ o kwe nkwa n'o k'e ye ndị ihiẹn ẹ a sụọ?

Pita Nke Ẹbụọ 1:11

Ụnụ jẹnkọ d'e gi ẹ ru ogo ndị wẹ k'a nabanhan ọhụnma-ọhụnma imẹ Alị-eze itẹbitẹ Jesu Kristi, Di-nwọnni-ẹnyi lẹ Onyẹ-nzụọpụha ẹnyi.

Rẹvẹleshọnụ 1:6

ọ nọ nwan mẹ ẹnyi wụrụ alị-eze, mẹ ẹnyi wụrụ ndị nchụn-ẹjan Osolobuẹ ẹ hụn wụ Nẹdi ẹ. Ọghọ lẹ ọkịkị ya wụrụ nke ẹ jẹnrin ejẹn! Isẹẹ.

Rẹvẹleshọnụ 22:5

Eki egikọzị; achọkọzị wẹ ukpẹ-ẹka mọbụ ukpẹ ẹnyanwụn, makẹni Di-nwọnni-ẹnyi wụ Osolobuẹ jẹnkọ d'a wụ ukpẹ wẹ. Wẹ k'a kị jẹnrin ejẹn.