Luku 12:19 - Ika

¹⁹ Ogẹn hụ, m k'a sị enwẹn m, “Enwẹn m, y'e nwọngụọ ihiẹn ọda-ọda, o k'e zu i ahụa ole-lẹ-ole lalanị! Eyezilẹ enwẹn i nsọngbu! Ri! Ra! Rimẹ ụwa!” ’

Luku 12:19 Iomraidhean Croise

Jobu 14:1

“Ịhịan okpoho mụ a tọhụ ẹkẹrẹ, a hụnjun ẹnya.

Ẹbụ-ọma 49:18

Ẹghẹẹ, ọsụọn'a nị o te hụ a ja enwẹn ẹ k'ọ rị ndụn kẹ w'a ja onyẹ ihiẹn rị a ghanị,

Ẹbụ-ọma 62:10

Egilẹ mmẹgbu dọn ẹnya; egilẹ ihiẹn wẹ zu dọn ẹnya, makẹni o k'e kpuye i, akụ-lẹ-ụba bawaye, egikwọl'a dọn ẹnya.

Itẹn 10:2

Eje akụ-lẹ-ụba ara ban erere, kanị ezi-omumẹ a gbapụha ịhịan ẹka ọnwụn.

Itẹn 14:24

Amamihiẹn ndị marịn ihiẹn wụ ugọn isi wẹ, kanị nzuzu ndị-nzuzu kẹ wẹ gi a marịn ndị-nzuzu.

Itẹn 18:11

Akụ-lẹ-ụba ndị-ịdanfịn nọ wẹ kẹ obodo wẹ tụnhunmẹ mgbọn zeni, w'e ro n'ọ wụ mgbọn ịhịan ghalẹni as'ẹka e fe.

Itẹn 23:5

I buhụ ẹnya che akụ-lẹ-ụba, a la wẹ; makẹni wẹ k'e purịrị nku, fela kẹ ugọn.

Itẹn 27:1

Egilẹ eki nyan isi, nị y'a marịn ihiẹn eki jẹnkọ d'a mụ.

Ẹkịliziastisi 11:9

Okoro, e nwọn nwan anwịnrịn n'ị rị okoro; obi ya sụọma ị ụsụọ hụnnị ị rị okoro. Sọnmẹ ihiẹn ọwụlẹ obi i ye i lẹ ihiẹn ọwụlẹ ẹnya ị legha; ka nyanhankwọ nị Chuku jẹnkọ d'a ju ị ukwere ihiẹn ndịnị ile.

Ẹkịliziastisi 2:24

Ya wụ, onwọnzini ihiẹn ẹfọ e gi jun ịhịan karị nị ọ hụ e ri, a ra, a nị ọrụn a a sụọ a ụsụọ. A hụngụọ m'a nị ọnwan wụzịkwọ ẹka Chuku.

Azaya 22:13

Kanị, ịghọghọ lẹ okẹn mmẹmmẹ kẹ w'a hụn, igburi efin lẹ igburi atụnrụn, iri-anụ lẹ ịra-manya! A sị, “Nị ẹnyi ri, ra — makẹni ekile kẹ ẹnyi jẹnkọ d'a nwụn!”

Azaya 5:11

Nsọngbu rị e che ndị hụn a zọpụ ụz'ọtụntụn d'a ra manya ahụn w'a ra, a ra manya d'e ru imẹ abalị, d'e ru n'ọ tụma wẹ.

Azaya 5:8

Nsọngbu rị e che ụnụ ndị rị e nwọnrin ụlọ e cheni ụlọ, e nwọnrin ọfịa e cheni ọfịa d'e ru n'o nwọnzini ebe họdụnị ndị ọzọ, ụnụ sụọ e biri nwan alị nwẹn.

Azaya 56:12

Onyẹ-onyẹ hụ a sị, “Bịa nị, nị ẹnyi ra manya! Nị ẹnyi gi manya e nwunye ẹnya rajungụdẹ ẹfọ! N'o nwọnni ihiẹn k'e mẹni — ekile k'a nọzị kẹ tannị, mọbụ kadẹ tannị mma!”

Hosia 12:8

Ifrem sị enwẹn ẹ, ‘Ẹhẹn, e higụọ m ọdanfịn! Ẹka m e mẹgụọnị m. Onwọnni ebe m nọ kpa eje-egho.’

Emọsụ 6:13

ụnụ ndị gi alị Lo-Dẹba wụlẹni alị a ghọghọ, a sị “Ẹlẹ ikẹn hi ogbe ẹnyi nwọn kẹ ẹnyi gi mẹri alị Kanaịm a kpa ikẹn?”

Habakọkụ 1:16

Ya haịn o gi a chụnyeni ọga a ẹjan, e ye ụkpalị a oyiye nị uwẹ k'o gi e rijun ẹfọ, uwẹ k'o gi e ri kẹ eze!

Luku 12:18

Ọ sị enwẹn ẹ, ‘Lee ihiẹn m sikọ d'e mẹ: m k'a tọtuchanrịn ọban m ile, a rụn m ndị ka wẹ e sue; ebẹhụ kẹ m jẹnkọ d'e dọnmẹ ọka m lẹ ihiẹn m ndị ọzọ.

Luku 16:19

“O nwọn ọdanfịn ohu, hụn e kẹn ekikẹn ọdanfịn, e ri kẹ eze ụhụọhịn ile.

Luku 21:34

“Kpachanpụ nị nwan ẹnya, amamgbe iri-ụwa lẹ ịra-manya lẹ oku-elu e mẹ ụhụọhịn hụ kunrun ụnụ idẹnmizi nọkẹ ọnyan.

Ndị Kọrẹntị Ibuzọ 15:32

Omẹni olilẹnya ịhịan-mmaka sụọ, olilẹnya ndụnnị sụọ, kẹ m gi kweri lụsọn eje-anụ ndị hụ ọgụn imẹ alị Ẹfẹsọsụ, elee erere k'ọ bannị m? O mẹ nwan nị Osolobuẹ ara weli ndị nwụnhụnnị, “Nị ẹnyi ri nwan, ra — makẹni o ru eki, ẹnyi a nwụnhụn!”

Ndị Filipi 3:19

Wẹ shikọ ntikpọ; ẹfọ wẹ wụ Chuku wẹ; ihiẹn nkẹ e mẹ wẹ ifẹnrẹn kẹ wẹ gi a nyan isi; ihiẹn-ụwa ihiẹn-ụwa kẹ wẹ e ro.

Timoti Ibuzọ 5:6

Kanị, hụn rị e bi obibi ẹhụ-ufu anwụnhụngụọ, ọsụọn'a nị ọ rị ndụn.

Timoti Ibuzọ 6:17

Nke ndị wụ ọdanfịn elu ụwanị, gba wẹ mkpịnsịn-ẹka, sị wẹ apachelẹ mọbụ gi ẹfe (akụ-lẹ-ụba) ụwanị ghalẹni a tọ dọn ẹnya. Kama, wẹ gi Osolobuẹ dọn ẹnya, onyẹ hụn e yechanrịn ẹnyi ihiẹn ile e yekwasị kẹni ẹfọ a sụọ ẹnyi ụsụọ.

Timoti Nke Ẹbụọ 3:4

Wẹ k'a wụ ndị ghẹrẹ-ghẹrẹ-ghẹrẹ, ndị a sị “ihiẹn chọ n'o mẹ ya mẹ”, ndị enwẹn wẹ jun ẹfọ, ndị ihiẹn a sụọnị ka mkpa karị Osolobuẹ.

Jemisi 5:5

Ụnụ e bigụọ elu ọdanfịn lẹ iri-ụwa elu ụwanị; ụnụ a zụngụọ akpobi ụnụ tọnị ụhụọhịn ogbugbu.

Pita Ibuzọ 4:3

Ẹghẹẹ, nị ụnụ e tuhuọlẹ ogẹn ọda-ọda ogẹn ụnụ gi rị e bi kẹ ndị ghalẹni e fe Chuku, e bi obibi ifẹnrẹn, adụdụ eje-ihiẹn hụ a dụ ụnụ, ụnụ hụ a ra manya a tụ, e mẹ eje-mmẹmmẹ, e jẹn ọgbọ manya, a rụa mmọn ụnụ a marịnzị hụn ụnụ rụakọ.

Rẹvẹleshọnụ 18:7

Ye ẹ afụnfụn lẹ ẹkwan han kẹ ọghọ o ye enwẹn ẹ lẹ obibi mmẹ-nwọn-enwẹn-m o bi. “Ebe o mẹni ọ sị enwẹn ẹ, ‘Mmẹ wụ eze; di anwụnnahịnnị m; ihiẹn-ẹkwan emẹkọ m!’

Samuẹlụ Nke Ibuzọ 30:16

Ya ọ nọ wejẹn Defidi ebe wẹ rị: e lee wẹ kẹ wẹ rujun ụzọ ile azụụn wẹ nọ a rụn ugbo, e ri, a ra, ẹhụ hụ a tụ wẹ makẹ okẹn-ihiẹn wẹ kwarị imẹ alị ndị Filistia lẹ imẹ Juda.