Luku 11:24 - Ika

²⁴ “Eje-mmọn ghagụ imẹ ịhịan pụ, ọ ghahunmẹmẹ ebe mirin rịlẹni, a chọ ebe o k'a nọ zu ikẹn. Omẹni ọ hụnnị, o k'a sị enwẹn ẹ, ‘M sikọ d'a lakin ụlọ m gha pụha.’

Luku 11:24 Iomraidhean Croise

Jobu 1:7

Osolobuẹ nọ jụ Ekwensụ, “Ebe ị gha bịa?” Ekwensụ nọ sị, “M rị a ghahunmẹ imẹ ụwa ile, e jẹnjẹn, e jẹnlụa — ebahụn kẹ m gha bịa.”

Jobu 2:2

Osolobuẹ nọzị sị Ekwensụ, “Ebe ị gha bịa?” Ekwensụ nọ sị, “M rị a ghahunmẹ imẹ ụwa ile, e jẹnjẹn, e jẹnlụa — ebahụn kẹ m gha bịa.”

Ẹbụ-ọma 63:1

Osolobuẹ, ịyụ wụ Chuku m; m rị a chọ ị. Ẹgụn ị rị a gụn m rịkẹ mirin, ẹgụn ị rị a gụn ẹhụ m rịkẹ onyẹ rị alị ọkpọ-nkụn hụnlẹni mirin ra!

Itẹn 4:16

Makẹni wẹ ara s'ẹka ranhịn mmanị wẹ mẹgụ eje-ihiẹn; ụran ara tụ wẹ mmanị wẹ mẹgụ ịhịan dan.

Azaya 35:7

Alị te kpọgbu enwẹn ẹ nkụn k'e họnrin ọgbọ-mirin, alị nwẹn mirin te rịlẹni kaka k'e mẹ isi-mirin isi-mirin. Atụ nwẹn eje-anụ te weri k'e họnrin alị irurue lẹ achara-mirin lẹ achara-papirọsụ jun.

Azaya 44:3

M jẹnkọ d'e hu mirin ye akpakalị ẹgụn mirin rị a gụn, mẹ iyi rịsọnmẹ alị mirin te rịlẹni; m k'e hu mmọn m kpu ụmụ ị, hu ngọzi m kpu ẹbozo i.

Azaya 48:22

Osolobuẹ sị, “Obi erukọ onyẹ-njọ alị.”

Makị 5:10

Ya ọ nọ rịọ Jesu ọda-ọda y'a chụpụlẹ wẹ ẹgbẹrẹ hụ.

Makị 9:25

Ogẹn Jesu gi hụn nị igunrun rị a gbaha, ọ nọ jụgbọ eje-mmọn hụ, sị a, “Ịyụ wụ eje-mmọn odin ghalẹni a nị nwatanị e ku oku mọbụ a nụ ihiẹn, m sị ị gha imẹ ẹ pụ! Abanzilẹ imẹ ẹ!”

Luku 11:25

O kinhẹn, hụn a nị a zachangụọ w'a dọnkwama,

Ndị Ẹfẹsọsụ 2:2

Ụnụ e mẹ njọ, e mẹfie nọkẹ ndị ụwanị, e sọn onyẹ hụn a kị eje-mmọn ile rị imẹ elu, mmọn ahụn rị nwan ọrụn imẹ igunrun ndị rị e nupụ isi okpuru Osolobuẹ.

Pita Ibuzọ 5:8

E dọnrin ni ẹnya; e che ni nche. Makẹni eṅẹnrẹn ụnụ wụ Ekwensụ rị a ghahunmẹ nọkẹ ẹwọrọ rị e dẹnni, a chọ onyẹ o k'a nwụn ri.