Luku 10:42 - Ika

⁴² kanị ihiẹn ohu sụọ rị mkpa; Meri a họrịgụọ hụn ka mma; anapụkọ w'a ya.”

Luku 10:42 Iomraidhean Croise

Ẹbụ-ọma 119:111

Oku-ọnụ ị wụ ukuu m jẹnrin ejẹn; uwẹ e mẹ obi a sụọ m ụsụọ.

Ẹbụ-ọma 119:173

Dodo, tịnpụ ẹka ị yeni m ẹka makẹni iwu i kẹ m hanrịn.

Ẹbụ-ọma 119:30

A họrịgụọ m nị m k'e bi obibi wẹ gi e dọn ẹnya; e bugụọ m uhi i yisọnmẹni ẹnyi che ihun m.

Ẹbụ-ọma 142:5

Dodo Osolobuẹ, m rị a kpọku i; a sị, “Ịyụ kẹ m gbọnni, ịyụ sụọ kẹ m nwọn elu-ụwa.”

Ẹbụ-ọma 17:15

Kanị mmẹ nwẹn, m jẹnkọ d'a hụn ihun i makẹni m rị ọchan; m tẹnhin, a hụn m ihun i, ẹfọ e jun m.

Ẹbụ-ọma 27:4

Ihiẹn ohu kẹ m'a rịọ Osolobuẹ, ịya kẹ m'a chọkẹnmẹ: ibiri imẹ Ụlọ Osolobuẹ ndụn m ile: e lee kẹ Osolobuẹ mahan mma, a nọ Ụlọ-NSỌ a e ro ẹ, e fe ẹ.

Ẹbụ-ọma 73:25

Onyẹ kẹ m nwọnzi nwan elu-igwee wezụka ị? Onwọnzikwọnị ihiẹn a sụọ m elu-ụwa wezụka ịyụ!

Ẹkịliziastisi 12:13

Ẹnyi a nụgụọ nwan ihiẹnni ile; lee nwan nkịkwama ihiẹn ile: Tụ egun Chuku; e mẹ ihiẹn o ku — ịya wụ ogbo ịhịan ile.

Makị 8:36

Elee erere k'o k'a bannị ịhịan n'o nwọnringụ ụwa ile, tuhu umẹ-ndụn a?

Luku 10:39

Mata nwọn nwẹnẹ w'a kpọ Meri. Mẹri nọ nọdị alị ebe ụkụ Di-nwọnni-ẹnyi rị, e gọn ntịn ihiẹn ọ rị e ku.

Luku 11:1

O nwọn ebe Jizọsị rị e mẹ ekpere; ogẹn o gi mẹgụ, onyẹ nsọnmazụụn a ohu nọ sị a, “Di-nwọnni-ẹnyi, kuzi ẹnyi kẹ wẹ dọn e mẹ ekpere kẹ Jọnụ dọn kuzi ndị nsọnmazụụn a.”

Luku 12:20

Kanị Osolobuẹ nọ sị a, ‘Onyẹ nzuzu! Uhinhinni kẹ wẹ jẹnkọ d'a napụ ị ndụn ị! Onyẹ jẹnkọ nwan d'e nwọnrin ihiẹn ndịnị ile i rụntọ?’ ”

Luku 12:33

Repụ nị ihiẹn ụnụ nwọn, we egho ẹ ye ndị igbẹnnyẹ, ya kẹ ụnụ e gi kwarị ẹkpa ghalẹni a kahị, nwọnferi akụ-lẹ-ụba imẹ elu-igwee. Ohin asakọ ẹka ru ebahụn; ẹkịka asakọ ẹka ri ihiẹn rị ebẹhụ.

Luku 16:2

Ya ọ nọ kpọ a, sị a, ‘Kị wụ ihiẹnni m rị a nụ? Kọwachanrịnnị m k'i dọn rụn, makẹni y'e lepụkọzịnị m ihiẹn m ẹnya.’

Luku 16:25

“Ebraham nọ sị a, ‘Nwa m, nyanhan nị k'ị rị ndụn, ị hụ e nwọnhẹn ihiẹn rị mma, kanị Lazarọsụ hụ e nwọnhẹn ihiẹn ile jọ njọ. Ẹhụ fu ẹ nwan ebeni, yụ nwẹn hụ a ta afụnfụn.

Luku 18:22

Jizọsị a nụ ihiẹn ọ za, ọ nọ sị a, “O nwọn ihiẹn ohu i kelẹni mẹ: repụ ihiẹn ile i nwọn, y'e we egho ẹ ye ndị igbẹnnyẹ, gi ẹ nwọn akụ-lẹ-ụba imẹ elu-igwee; y'a bịa d'e sọnmẹ m.”

Luku 8:18

E kwọnkẹnmẹkwọ nị nwan ihiẹn ụnụ rị a nụ; makẹni ndị nwọnni kẹ wẹ sikọ d'e yecheni; kalẹ, ndị nwọnlẹni, a napụdẹ wẹ wẹ hụn nta wẹ te ro nị ya kẹ wẹ nwọn.”

Jọnụ 11:1

O nwọn okẹnnyẹ ohu emu rị a kụ. Ẹfan a wụ Lazarọsụ. Onyẹ Bẹtani rọ. Ebẹhụ kẹ ya lẹ umunẹ ẹ wụ Meri lẹ Mata bi.

Jọnụ 11:19

Ndị Ju bu ọda a bịaọlẹ d'a rọkọ Meri lẹ Mata obi yeni ọnwụn nwẹnẹ wẹ Lazarọsụ.

Jọnụ 12:3

Ya kẹ Meri nọ wẹhẹ udẹn e kun fuẹin ṅanrannị wẹ gi mirin osisi nadị wẹ buchelẹni ihiẹn ọzọ mẹmẹ. Udẹn hụ k'e jun ihiẹn nọ kẹ ọgọ-nta ohu lẹ nkirishi. Ọ nọ hu ẹ ye Jesu ụkụ, e gi ntutu ẹ a lọgbu ẹ; udẹn hụ e kungbarị ụlọ hụ ile.

Jọnụ 17:3

Ọnwan wụ ndụn itẹbitẹ: ịmarịnn'ị, Chuku hụn ya sụọ wụ Chuku nke-esi lẹ ịmarịn Jizọsị Kraịstị hụn i zihẹ.

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Jọnụ 5:24

“M rị a gwa ụnụ ezioku, nị onyẹ nụ oku m kweyeni onyẹ zihẹni m, hụnyẹ e nwọngụọ ndụn itẹbitẹ. Amakọ w'a ikpe, kama, ọ ghagụọdẹ ọnwụn banye ndụn.

Jọnụ 6:27

Egizilẹ ni ufiri ihiẹn-oriri e wiwini a rụngbu enwẹn ụnụ, kanị ihiẹn-oriri hụn sikọ d'a rị jẹnrin ejẹn, e ye ndụn itẹbitẹ, ihiẹn-oriri ahụn Nwa nke Ịhịan jẹnkọ d'e ye ụnụ, makẹni Nwa nke Ịhịan kẹ Chuku-Nẹdi tumẹ.”

Ndị Kọrẹntị Ibuzọ 13:3

Ọsụọn'a nị m wechanrịn ihiẹn ile m nwọn ye ndị igbẹnnyẹ, ọ sụọkwọn'a nị e kweridẹ m nị wẹ kpọ m ọkụn yeni okukwe m kẹni m gi ẹ nyan isi, omẹni enwọn m ihiẹn-ọsụsụọ, onwọnni erere o bannị m!

Ndị Galeshịa 5:6

Makẹni, imẹ Kraịstị wụ Jizọsị, ịkwa-ugun lẹ akwanị-ugun enwọnni ihiẹn ọ wụ. Ihiẹn rị mkpa wụ okukwe rị e gi ihiẹn-ọsụsụọ a ghọsị enwẹn ẹ.

Ditrọnọmi 30:19

M ri a kpọ elu-igwee lẹ elu-ụwa ọshẹri tannị nị e butọgụọnị m ụnụ ndụn lẹ ọnwụn, ngọzi lẹ ọnụ-ẹsọn. Hanrịn nị nwan ndụn nị ụnụ lẹ ụmụ ụnụ hụn ụzọ rị ndụn

Joshụa 24:15

Kanị, omẹni ife Osolobuẹ a sụọnị ụnụ, hanrịn nị nwan tannị onyẹ ụnụ sikọ d'e fe: kẹ mmọn-lẹ-iyi ndị nẹdi ụnụ kanị fe nfetu Iyi Yufretisi kẹ ụnụ k'e fe ra mmọn-lẹ-iyi ndị Amọ hụn ụnụ bi alị wẹ. Kanị, nke mmẹ lẹ ezi-lẹ-ụlọ m, Osolobuẹ kẹ ẹnyi k'e fe.”

Joshụa 24:22

Ya Joshụa nọ sị wẹ, “Ụnụ wụ nwan ọshẹri jẹnkọ d'a shịagbu enwẹn ụnụ ẹri, nị ụnụ hanrịn nị ụnụ k'e fe Osolobuẹ.” Wẹ nọ sị, “Ẹnyi wụ ọshẹri.”