Luku 10:28 - Ika

²⁸ Jesu nọ sị a, “Y'a zagụọ ọhụnma; mẹ ẹ nwan kẹni i rị ndụn.”

Luku 10:28 Iomraidhean Croise

Nehemiah 9:29

“Ị nọ gba wẹ mkpịnsịn ẹka, sị wẹ dọnmẹmẹzi Iwu i; kanị wẹ nọ mẹkarịma enwẹn wẹ, femẹn'i isi, pama iwu i tumẹsọnmẹ hụn o mẹ ni, onyẹ dọnmẹ wẹ, o gi ẹ rị ndụn. Wẹ nọ bọnmẹmẹ gbakitọ ị azụụn; bu isi-ikẹn, jụ n'e gọnkọ wẹ i ntịn.

Itẹn 19:16

Onyẹ e mẹ ihiẹn Iwu-Osolobuẹ ku rị e che ndụn a nche, kanị onyẹ hụn gi ẹ e gu egu k'a nwụnhụn.

Izikẹlụ 20:11

M nọ yini wẹ uhi m, mẹ wẹ marịn ihiẹn m chọ nị wẹ e mẹ, hụn o mẹni onyẹ mẹ wẹ ọ rị ndụn.

Izikẹlụ 20:13

“Kanị ndị Izrẹlụ nọ pazịkwọ oku m imẹ atụ. Esọnni wẹ uhi m; a jụ wẹ ihiẹn ndị m sị wẹ e mẹ, hụn o mẹni onyẹ dọnmẹ wẹ ọ rị ndụn; e mẹrụ wẹ Ogẹn Ezumikẹn m ile, mẹrụ wẹ ọda-ọda. Ya m nọ sị nị m gi ọnụma sọn wẹ imẹ atụ, tikpọ wẹ.

Izikẹlụ 20:21

“Kanị ụmụ wẹ nọ pazịkwọ oku m: Esọnni wẹ uhi m, emẹni wẹ ihiẹn ndị hụ m sị wẹ mẹ hụn o mẹni onyẹ mẹ wẹ ọ rị ndụn; e mẹrụ wẹ Ogẹn Ezumikẹn m rị ichẹn-ichẹn. Ya m nọ sị nị m gi ọnụma sọn wẹ, gi olulu mẹ wẹ ihiẹn imẹ atụ ebahụn.

Lẹvitikọsụ 18:5

E mẹ ni ihiẹn ndị m sị ụnụ mẹ, e dọnmẹ iwu m, makẹni onyẹ hụn dọnmẹni wẹ k'e gi wẹ rị ndụn. Mmẹ wụ Osolobuẹ.

Matiu 19:17

Jizọsị nọ sị a, “Kị rị a jụnị m oku ihiẹn rị mma? Onyẹ ohu sụọ rị mma. Kanị ị chọ n'ị banye ndụn, mẹ ihiẹn ndị hụ Iwu ku.”

Makị 12:34

Jizọsị a hụn a n'ọ za ọhụnma, ọ nọ sị onyẹ-nkuzi Iwu hụ, “Y'a nọkunmẹgụọ Alị-eze Osolobuẹ.” Ọnwan e mẹgụ, onwọnzini onyẹ egun nị jụ Jesu ajụjụ.

Luku 7:43

Saịmọnụ nọ sị, “Ẹnya m, onyẹ hụn ọ gbagharị hụn kanị rọ.” Jesu nọ sị a, “Y'a zagụọ ọhụnma.”

Ndị Rom 10:4

Makẹni ẹka Kraịstị kẹ Iwu nọ bi, kẹni Osolobuẹ hụn ụzọ kpọ ndị ile sikọ d'e kwerini Kraịstị ndị ezi-omumẹ.

Ndị Rom 3:19

Ẹnyi a marịnghọ nị ihiẹnni ile Iwu ku, nị ndị rị okpuru Iwu k'ọ rị a gwa, kẹni ịhịan ile kinbehi, ụwa ile a rịọma Osolobuẹ dodo.

Ndị Rom 7:10

m nọ nwụnhụn. Iwu hụn nkẹ e ye ndụn nọ buhẹni m ọnwụn!

Ndị Galeshịa 3:12

bụ ẹlẹ okukwe kẹ Iwu gi a rụn, makẹni, Iwu lẹ enwẹn ẹ e kugụọ nị, “Onyẹ e mẹ ihiẹn Iwu ku k'e gi wẹ rị ndụn.”

Ditrọnọmi 6:24

Osolobuẹ sị ẹnyi sọnchanrịn iwuni ile, ẹnyi tụ egun Osolobuẹ wụ Chuku ẹnyi nị ẹnyi hụn ụzọ a gha ihun, a rị ndụn, k'o dọn nwan rị tannị.