Luku 10:21 - Ika

²¹ Ogẹn hụzịkwọ, Jesu nọ ghọghọ imẹ Mmọn-nsọ, sị, “Baba, Onyẹ nwọn elu-igwee lẹ ụwa! M rị a ja ị mma ni y'e zuemẹgụọnị ndị marịn ihiẹn lẹ ndị nwọn nghọta ihiẹn ndịnị, we wẹ ghọsị ụmụ-ndu. Ẹghẹẹ Baba, ẹnịna k'ị chọ n'ọ rị.

Luku 10:21 Iomraidhean Croise

Ẹbụ-ọma 24:1

Elu ụwa wụ nke Osolobuẹ, ịya lẹ ihiẹn ile rịn'a; elu-ụwa lẹ ndị ile bin'ẹ;

Ẹbụ-ọma 25:14

Ndị a tụ egun Osolobuẹ k'ọ gwa uche ẹ, o mẹ wẹ a ghọta Iwu ẹ.

Ẹbụ-ọma 8:2

Y'e bugụọ ẹbụ ọghọ ị che ọnụ ụmụ-ẹka lẹ ndị rị a ra ẹran — makẹ ufiri ndị-iṅẹnrẹn i, n'i gi ẹ kpukin eṅẹnrẹn lẹ onyẹ-mmẹgwarị ọnụ.

Azaya 29:14

M jẹnkọ d'e mẹzi ndịnị ihiẹn k'a tụ wẹ ẹnya, mẹsọnmẹ wẹ ihiẹn a tụ ẹnya — amamihiẹn ndị marịn ihiẹn a la iwi, nghọta ndị a ghọtanị a la.

Azaya 35:8

Okẹn ụwaya k'a rị nwan alị hụ. Ẹfan a k'a wụ “Ụwaya-nsọ.” Ndị rịlẹni ọchan aghakọ a. Ndị hụn a gha ụzọ Osolobuẹ sụọ k'a gha a. Ndị marịnlẹni Chuku aghakọ ebẹhụ.

Azaya 53:11

Ọ tagụ afụnfụn, nwụnhụn, ọ k'a hụn ihiẹn ọ rụn, ẹfọ e jun ẹ. Odibo m k'e mẹ wẹ hatu ndị bu ọda ikpe ma hụn sikọ d'a marịnn'a — o k'e buru njọ wẹ.

Azaya 62:5

Kẹ okorọbịa e mẹ nwagbọọ ọ rị a lụ, ẹrịra kẹ mmụ ị ikẹnnyẹ k'a dọn mẹ i; kẹ obi dọn a sụọ okẹnnyẹ rị a gba ẹhụhụọ ụsụọ makẹ nwunyẹ ẹ, ẹrịra kẹ obi k'a gha a sụọ Chuku i ụsụọ makẹ yụ.

Azaya 66:1

Lee ni ihiẹn Osolobuẹ ku, ọ sị, “Elu-igwee wụ ukpo-eze m; elu-ụwa wụ ebe m'a tụkwasị ụkụ. Elee ụlọ k'i k'a tụnnị m nwan? Elebe wụ ebẹhụ m k'e bi?

Zẹfanaya 3:17

Osolobuẹ hụn wụ Chuku ụnụ nọyeni ụnụ anọyeni! Odogun hụn a zụọnị k'ọ wụ! Yụ wụ Jerusalẹm k'a rị a sụọ a, e mẹ ẹ a ghọghọ. O k'e gi ihiẹn-ọsụsụọ a gba Jerusalẹm umẹ. O k'e gi i a ṅan, a bụshi ẹbụ elu.”

Matiu 16:17

Jizọsị nọ sị a, “Onyẹ wẹ gọzi agọzi k'ị wụ Saịmọnụ nwa Jona! Makẹni ẹlẹ ịhịan ghọsị ị ihiẹnni; Nẹdi m rị elu-igwee ghọsị ị ya.

Matiu 21:16

Wẹ nọ sị a, “Ị hụ a nụ ihiẹn ụmụ-nduni rị e ku?” Jizọsị nọ sị wẹ, “Ẹghẹẹ, m hụ a nụ. Ụnụ e ke gụntu ebẹhụ Ẹkụkwọ-nsọ nọ sị, ‘Y'e gigụọ ọnụ ụmụẹka lẹ ndị rị a ra ẹran kwademẹ ịja-mma zu oke’?”

Matiu 3:7

Kanị, ogẹn o gi hụn kẹ ndị bu ọda imẹ ndị itu-Farisi lẹ ndị itu-Sadusi rị a bịa n'o mẹ wẹ mirin-Chuku, ọ nọ sị wẹ, “Igunrun agwọ! Onyẹ sị ụnụ gba nị iwe lẹ ọnụma Osolobuẹ lalanị ọsọ?!

Makị 10:15

Ezioku kẹ m rị a gwa ụnụ, onyẹ nabanhanlẹni Alị-eze Chuku nọkẹ nwa-ndu, abanyekọ a.”

Luku 15:5

Ọ hụn a, o k'a pa che uvun, a ghọghọ;

Luku 15:9

Ọ hụn a, ọ kpọkikomẹ ndị ọwụ a lẹ ndị bikunmẹn'ẹ, sị wẹ, ‘Sọn ni m ghọghọ, n'a hụngụọ m egho m tuhuni.’

Jọnụ 11:41

E nupụ wẹ ọmụma hụ; ya Jizọsị nọ weshi ẹnya elu, sị, “M rị a kpanmịn ị Baba, makẹni y'a nụgụọ ekpere m.

Ndị Kọrẹntị Nke Ẹbụọ 4:3

Omẹni echẹn kẹ oziọma ẹnyi rị e zi zueri ezueri, ndị rị a la iwi sụọ k'o zueri ẹnya.

Ndị Ẹfẹsọsụ 1:11

Makẹni ẹnyi rị imẹ Kraịstị, ihiẹn Osolobuẹ a wụrụgụọ nke ẹnyi, makẹni Osolobuẹ hụn e mẹ ihiẹn ile n'o gi ẹ mẹzu uche ẹ gi ẹka a họtọ ẹnyi n'o gi ẹnyi mẹzu uche ẹ.

Ndị Ẹfẹsọsụ 1:5

Ọ katọ a n'o k'a mụnrụn ẹnyi ghahanị Jesu Kristi makẹni ọ sụọghọ a, makẹni uche ẹ rọ.