Luku 10:2 - Ika

² Ọ nọ sị wẹ, “Ihiẹn-ugbo wẹ jẹnkọ d'a ghọ e bukẹ, kanị ndị ọrụn ebuni ọda. Mẹ ni nwan ekpere rịọ onyẹ nwọn ugbo n'o zi ndị ọrụn d'a ghọn'a ihiẹn-ugbo ẹ.

Luku 10:2 Iomraidhean Croise

Ndị-nze Nke Ibuzọ 18:22

Ya Ẹlaịja nọzị sị wẹ, “Mmẹ sụọ wụ nwan onyẹ-amụma Osolobuẹ họdụnị, kanị ndị-amụma Baalụ rị iri-kwasị-ọgụnnaị kwasị nnụ (450).

Ẹbụ-ọma 68:11

Osolobuẹ zi ozi, ndị bu ọda nọ weri ozi ahụn ghagbarị, a sị,

Jerimaya 3:15

E tumẹni m ụnụ ndị-ndu hụn k'e du ụnụ kẹ m chọ. Wẹ k'e gi amamihiẹn lẹ nghọta du ụnụ.”

Zẹkaraya 11:17

O k'a jọ eje onyẹ-ndu atụnrụn hụ njọ, onyẹ hụn a la igunrun atụnrụn a tọ! Ọpịa-agha ya bepụ a ẹka, gụpụ a ẹnya ẹka-nni! Ẹka ya lịlọhịchanrịn a; ẹnya ẹka-nni ẹ ya kpuchanrịn ishi!

Zẹkaraya 11:5

W'e ṅọn wẹ e gbu, oku arịa; onyẹ re wẹ, ọ kpanmịn Osolobuẹ, sị, ‘Osolobuẹ e mẹkẹ, e higụọ m nwan ọdanfịn!’ Omikẹn wẹ arịdẹ e mẹ ndị rị e duni wẹ.

Ọgụngụn 11:17

M k'e hidan d'a gwa ụnụ oku ebẹhụ. M k'e weribelụa mmọn hụn nọkwasịn'ị, bu ẹ kwasị wẹ kẹni wẹ sọn i bu ibu igunrunni, makẹ ịyụ sụọ a ghazị e bu ẹ.

Ọgụngụn 11:29

Kanị Mozizi nọ sị a, “Ọ rị a fụ ị nị eyeni wẹ m ọghọ runi m? K'ọ rịdẹ m ndị nke Osolobuẹ ile wụ ndị-amụma ndị-amụma, Osolobuẹ e bu Mmọn a che imẹ wẹ!”

Matiu 20:1

“Makẹni Alị-eze elu-igwee nọ kẹ ebe onyẹ ohu nọ pụ ụzụtụntụn d'e we ndị k'a rụnn'a ọrụn imẹ ugbo-vaịnị.

Makị 13:34

Ọbịbịa Nwa nke Ịhịan jẹnkọ d'a rị kẹ ebe okẹnnyẹ ohu jẹnkọ alị-ịhịan nọ bu ihiẹn ẹ che ẹka idibo ẹ, onyẹ lẹ ọrụn a, onyẹ lẹ ọrụn a, sị onyẹ-nche ya chemẹ nche.

Makị 16:15

Ọ nọ sị wẹ, “Ghagbama nị ụwa ile d'e zi ihiẹn ile Chuku ke oziọma.

Makị 16:20

Ya ndị nsọnmazụụn a nọ jẹnmẹ d'e kumẹ oku-Chuku ebe ile, Di-nwọnni-ẹnyi hụ e sọn wẹ a rụn, e gi ọrụn-atụmẹnya o gi rị e sọn wẹ a ghọsị nị oku wẹ wụ ezioku.]

Luku 9:1

Jesu kpọkikomẹ ndị nsọnmazụụn a mmẹbụọ, ye wẹ ikẹn hụn eje-mmọn ile e gi rị okpuru wẹ lẹ hụn wẹ e gi zụọ ọrịa.

Ọrụn Ndị-ozi 11:19

Ndị ụka hụn gbayịya makẹ ukpokpo oku Stivini buhẹni ụka gbarukwọrị Finishịa, Saịprọsụ lẹ Antịọkụ, zikọ oziọma; kanị ndị Ju sụọ kẹ imẹrinmẹ wẹ zi oziọma.

Ọrụn Ndị-ozi 13:2

Ebe wẹ zu e fe Di-nwọnni-ẹnyi, e bu ọnụ, Mmọn-nsọ nọ sị, “Wepụha nị nị m Banabasị lẹ Sọlụ, nị wẹ hụn ụzọ d'a rụn ọrụn m kpọ wẹ d'a rụn.”

Ọrụn Ndị-ozi 13:4

Ogẹn Mmọn-nsọ gi nwan zipụ Banabasị lẹ Sọlụ, wẹ nọ shi Selusia, gi ụgbọ-mirin gha ebẹhụ shi alị Saịprọsụ ohimin nọhunmẹ.

Ọrụn Ndị-ozi 20:28

Lepụ nị nwan enwẹn ụnụ lẹ igunrun atụnrụn Mmọn-nsọ buche ụnụ ẹka ẹnya. O tumẹgụọ ụnụ ndị-ndu kẹni ụnụ du ụka Osolobuẹ, hụn Osolobuẹ gi ẹdeke ẹ nwọnhẹn.

Ọrụn Ndị-ozi 22:21

Ya ọ nọ sị m, ‘Jẹnmẹ! M zikọ ị ebe tegbu enwẹn ẹ d'e kunrun ndị alị ọzọ wụlẹni ndị Ju.’ ”

Ọrụn Ndị-ozi 8:4

Ogẹn hụ, ndị hụn gbayịyanị hụ e zi oziọma ebe-lẹ-ebe wẹ ru.

Ndị Kọrẹntị Ibuzọ 12:28

Imẹ ndị ụka, Osolobuẹ e tumẹgụọ ndị rị ichẹn-ichẹn: nke ibuzọ wụ ndị-ozi pụ-ichẹn; nke ẹbụọ wụ ndị-amụma lẹ ndị e zi ozi Osolobuẹ; nke ẹtọ wụ ndị-nkuzi; ndị ọzọ wụ ndị a rụn ọrụn-atụmẹnya, ndị a zụọ emu, ndị e yeni ndị ọzọ ẹka, ndị nwọn oyiye ịkị-ọkịkị lẹ ndị a sụ asụsụ rị ichẹn-ichẹn.

Ndị Kọrẹntị Ibuzọ 15:10

Kanị, m wụ nwan ihiẹn m wụ ghahanị ẹfọma Osolobuẹ; bụ ẹfọma hụ o mẹni m alanị nwan iwi. Kaka! Mmẹ rụnkarịdẹ wẹ ile. Kanị, ẹlẹ mmẹ rụn a, ẹka Osolobuẹ hụn rị imẹ ndụn m rụn a.

Ndị Kọrẹntị Nke Ẹbụọ 6:1

Makẹni ẹnyi lẹ Osolobuẹ gba a rụn, ẹnyi rị nwan a rịọ ụnụ: dodo ni, anịlẹ ni ẹfọma Osolobuẹ rugụ ụnụ ẹka la iwi.

Ndị Filipi 2:21

Ndị ile họdụnị e ro nke-wẹ, nke-wẹ, ẹlẹ nke Jesu Kristi!

Ndị Filipi 2:25

K'osilẹrị, e rogụọ m'a n'ọ rị mkpa nị m zihẹni ụnụ Ẹpafrọditọsụ nwẹnẹ m imẹ Di-nwọnni-ẹnyi, onyẹ-ọrụn lẹ onyẹ-agha ibe m, hụn ụnụ zihẹ, hụn rị a rụnnị ụnụ ọrụn ghahanị iyeni m ẹka.

Ndị Filipi 2:30

makẹni ọrụn Kraịstị e d'a napụ a ndụn a, ebe ọ nọ bu ndụn a che ọb'ẹka n'o nọkin ẹnya ụnụ yeni m ẹka.

Ndị Kolosị 1:29

Ịya kẹ m gi rị a rụnshi iken, e gi ikẹn ahụn ile hi-ogbe Kraịstị gi rị ọrụn imẹ m e shi ọnwụn.

Ndị Kolosị 4:12

Ẹpafrasị onyẹ alị ụnụ hụn wụzị odibo Jesu Kristi e kele ụnụ. Ẹpafrasị e shini ụnụ ọnwụn ọda-ọda imẹ ekpere. Ọ rịọsọnmẹ Osolobuẹ n'o mẹ ụnụ turukẹnmẹ, ka-ẹhụ, marịn ihiẹn ụnụ rị e mẹ ebe ihiẹn ọwụlẹ wụ uche Osolobuẹ rị.

Ndị Tẹsalonika Ibuzọ 2:9

Umunẹ, ụnụ a nyanhanghọ kẹ ẹnyi dọn e gi ẹka ẹnyi a lụrụ ogẹn hụ, a rụngbu enwẹn ẹnyi kẹ uhinhin kẹ efinnaị, amamgbe ẹnyi gha a wụrụnị onyẹ ọwụlẹ ibu imẹ ụnụ ebe ẹnyi rị e zi ụnụ oziọma Osolobuẹ.

Ndị Tẹsalonika Ibuzọ 5:12

Kanị, umunẹ, ẹnyi rị a rịọ ụnụ nị ụnụ gbaye ndị rị a rụnshi ọrụn ikẹn imẹ ụnụ, ndị e lepụ ụnụ ẹnya imẹ Di-nwọnni-ẹnyi, a dụn ụnụ ọdụn.

Ndị Tẹsalonika Nke Ẹbụọ 3:1

Umunẹ, nke ikpanzụụn rịn'a wụ ọnwan: e mẹni ni ẹnyi ekpere, nị oku Di-nwọnni-ẹnyi hụn ụzọ ghagbarị ẹgwa; ni w'a gbaye ẹ ebe ile kẹ ụnụ dọn mẹ imẹ igunrun ụnụ.

Timoti Ibuzọ 4:10

Ịya haịn ẹnyi gi a rụngbu enwẹn ẹnyi, a lụgbu enwẹn ẹnyi, makẹni ẹnyi gi Chuku rị ndụn dọn ẹnya, Chuku hụn wụ Onyẹ-nzụọpụha ịhịan ile, tụmadụ ndị kwerini.

Timoti Nke Ẹbụọ 4:5

Kanị, ịyụ nwẹn, dọnrin ẹnya e leban ihiẹn ile ẹnya; e dingbu afụnfụn; a rụn ọrụn onyẹ e zisọnmẹ oziọma. Mẹchanrịn ihiẹn ile ọrụn ị chọ.

Filemọnụ 1:1

Mmẹ wụ Pọlụ de ẹkụkwọ-ozini. M rị ngan makẹ ufiri Jizọs Kraịstị. Mmẹ lẹ Timoti nwẹnẹ ẹnyi gba de ẹkụkwọ-ozini. Ịyụ wụ Filemọnụ ezigbo onyẹ-ọrụn ibe ẹnyi kẹ ẹnyi rị e dejẹnn'ẹ, ịyụ

Hibru 3:6

Kanị Kraịstị rụn ọrụn ọhụnma nọkẹ Nwa hụn ụlọ Osolobuẹ rị ẹka. Ụlọ Osolobuẹ hụ kẹ ẹnyi wụ, o mẹkwọ nị ẹnyi a tọ e kushi ikẹn, e nwọn olilẹnyanị, e nwọnshi ẹ ikẹn.

Rẹvẹleshọnụ 2:1

“Dejẹnni onyẹ-isi ụka Ẹfẹsọsụ, sị a: Lee ihiẹn onyẹ hụ kokisẹ ẹsa hụ rịchanrịn ẹka-nni ẹ ku, onyẹ ahụn a ghahunmẹ imẹ obu-ukpẹ goru ẹsa hụ: