Luku 10:15 - Ika

¹⁵ “Nke ụnụ ndị obodo Kapanọm, ụnụ ro ni wẹ sikọ d'e bushi ụnụ elu-igwee? Mba! Wẹ jẹnkọ d'a tụ ụnụ ye alị-mmọn!

Luku 10:15 Iomraidhean Croise

Jẹnẹsisi 11:4

Ya wẹ nọ sị, “Bịa nị nị ẹnyi rụnrụn nị obodo lẹ okẹn ụlọ-elu jẹn elu ru igwere, kẹni ẹnyi gi ẹ nwọnrin ẹfan, makẹ ẹnyi gha a kpayịya imẹ ụwa ile.”

Azaya 5:14

Ili rị nwan e lue ẹkpịrị e che we ọda-ọda, ọ shịapụchanrịngụọ ọnụ; ndị-isi lẹ ndị-mmaka rịn'a sikọ d'a danye imẹ ẹ, wẹ lẹ ndị ọgụn-lẹ-mkpọtụ wẹ lẹ ndị oriri-lẹ-ọrịra wẹ.

Jerimaya 51:53

Ọsụọn'a nị Babilọnụ shi imẹ igwere, mẹdẹ ebẹhụ zegbu enwẹn ọ rị jẹncheni elu, m k'e zihẹn'ẹ ndị k'e tikpọn'a. Mmẹ wụ Osolobuẹ ku ẹ.

Izikẹlụ 26:20

E we m'i cheni ndị lagụ mmọn rị imẹ ili, y'e buru ndị mbụ-mbụ. E mẹ m'i biri imẹ-imẹ alị, nọkẹ alị ndị wẹ tikpọ mbụ-mbụ, yụ lẹ ndị lashigụ imẹ ili a nọdị, nkewụnị y'a rịkọzị. E nwọnrin m ọghọ imẹ ndị rị ndụn.

Izikẹlụ 31:18

“ ‘Ijiptu! Elee osisi rị Idẹni ma mma nwọn ikpẹn kẹ yụ?! Kanị wẹ k'e wetukwọ yụ nwẹn kẹ osisi ndị hụ rị Idẹni che imẹ-imẹ alị; i k'e dinẹyeni ndị felẹni Osolobuẹ, ndị wẹ gizi ọpịa-agha gbu. “ ‘Ọhụn wụ ihiẹn k'e mẹ Fẹro lẹ igunrun ẹ ile. Ya kẹ Osolobuẹ Nwọn Ihiẹn Ile ku.’ ”

Izikẹlụ 32:18

“Nwa-ịhịan, kwan igwerigwe alị Ijiptu, n'i wetu Ijiptu lẹ okẹn alị ndị ọzọ kpa ikẹn che ebe kachanrịn e mi imẹ alị, we wẹ cheni ndị lashigụ mgbugbu hụ.

Izikẹlụ 32:20

“Ndị Ijiptu nkẹ sikọ d'a danzị kẹ ndị ọzọ ọpịa-agha gbu. E wepụhagụọnị wẹ wẹ ọpịa-agha. Kpụnrụn ya lẹ igwerigwe ẹ ile!

Izikẹlụ 32:27

Elini wẹ wẹ ọhụnma kẹ ụfọdụ ndị odogun-agha ibe wẹ felẹni Osolobuẹ, hụn wẹ bu ihiẹn-ọgụn wẹ cheni wẹ imẹ ili, bu ọpịa-agha wẹ cheni wẹ gi firi isi. Ndị odogun aghanị hụzịdẹ e gi ọkpụkpụ wẹ họdụnị e bu ihiẹn wẹ mẹ, ihiẹn egun te gi tụgbu elu-ụwa ile.

Obadaya 1:4

Ọ sụọn'a nị ụnụ rị imẹ elu nọkẹ ugọn rị e feni; ọsụọn'a nị ẹkụ ụnụ bi rịchanrịn ebe kokisẹ rị, m jẹnkọ d'a gha ebẹhụ wetu ụnụ alị. Mmẹ, Osolobuẹ, e kugụọ a.

Matiu 10:28

Atụlẹ ni egun ndị hụn sikọ d'a saẹka gbu ẹhụ bụ asa wẹ ẹka gbu umẹ-ndụn; ka tụ nị egun onyẹ hụ k'a saẹka tikpọ kẹ umẹ-ndụn kẹ ẹhụ imẹ ọkụn-mmọn.

Matiu 11:23

Kẹ ịyụ, obodo Kapanọm, i ro nị wẹ k'e bushi i elu-igwee? Mba, wẹ k'e wetudẹ i alị-mmọn. Makẹni, omẹni alị Sodọm mẹgbu enwẹn wẹ njọ kẹ wẹ nọ rụn ọrụn-atụmẹnya ile wẹ rụn imẹ i, nkẹ ọ hụkwọ d'e ru tannị.

Matiu 4:13

Ọ nọ gha Nazarẹtị rị Galili pụ, ọ nọ jẹn d'e biri imẹ obodo Kapanọm hụn rịzị Galili, mkpẹnrẹn mirin Galili, ẹgbẹrẹ Zẹbulọnụ lẹ Naf'tali.

Luku 13:28

Ịkwan-ẹkwan lẹ ịta nkwẹnrẹn-eze jẹnkọ d'a rị ogẹn ụnụ e gi hụn Ebraham lẹ Aziki lẹ Jekọpụ lẹ ndị-amụma ile imẹ Alị-eze Osolobuẹ, kanị a tụ wẹ ụnụ lẹ enwẹn ụnụ ye ezi!”

Luku 16:23

Ebe ọdanfịn hụ nọ rị a ta afụnfụn imẹ ọkụn mmọn, ọ nọ weshi ẹnya elu, ọ nọ lecheni Ebraham, lechezini Lazarọsụ ebe ọ nọdịyen'ẹ.

Ditrọnọmi 1:28

Jẹnmẹ elebe?! Umunẹ ẹnyi e kugụọ ihiẹn ndụn gi gụ ẹnyi. Wẹ sị, ‘Ndị ahụn ka ẹnyi e ze, ka ẹnyi usue; obodo ndị ahụn shịa ashịa, mgbọn wẹ rusọnmẹdẹ elu-igwere! Ẹnyi a hụngụọdẹ ndị adụn-aran ebahụn!’ ”

Pita Nke Ẹbụọ 2:4

Ebe o mẹ ni Osolobuẹ ahatuni ndị mmọn-ozi ahụn ogẹn wẹ gi mẹ njọ, kama, ọ tụ wẹ ye ọkụn-mmọn, kpọma wẹ tọ mgbugbu rịsọnmẹ imẹ ishi ka ishi d'e ru Ụhụọhịn okinkin-ikpe;