Luku 1:9 - Ika

⁹ Kẹ wẹ dọn a rụn ọrụn nchụn-ẹjan, ịya kẹ mkpọ hanrịn hụn sikọ d'a banye Ebẹhụ Rị Nsọ imẹ Ụlọ-NSỌ Di-nwọnni-ẹnyi d'a mụyen'ẹ nsẹnsi.

Luku 1:9 Iomraidhean Croise

Ihiẹn Mẹni Nke Ibuzọ 23:13

Ikẹnnyẹ Amram nwa Kohatị mụ wụ Ẹrọnụ lẹ Mozizi. Osolobuẹ dọnmẹ Ẹrọnụ ichẹn kẹni ọ hụn ụzọ e dọnmẹ ihiẹn ndị kachanrịn nsọ nsọ, kẹni ya lẹ ebozo ẹ wụferi ndị a chụnyeni Osolobuẹ ẹjan, a nọ ihun ẹ a rụn ọrụn, e gi ẹfan a a gọzi — e mẹ ihiẹn ndịnị jẹnrin ejẹn.

Ihiẹn Mẹni Nke Ibuzọ 6:49

kanị Ẹrọnụ lẹ ẹbozo ẹ sụọ wụ ndị a chụnyeni Osolobuẹ ẹjan ndị Izrẹlụ elu ukpo hụ wẹ gi a dụn ẹjan ọkụn lẹ ukpo wẹ n'a mụ nsẹnsi lẹ ọrụn ile w'a rụn imẹ Ebẹhụ Kachanrịn Nsọ — e gi ẹ a gbarị isi ndị Izrẹlụ, nọkẹ kẹ Mozizi wụ odibo Osolobuẹ dọn tumẹ ẹ.

Ihiẹn Mẹni Nke Ẹbụọ 26:16

Kanị, makẹni o turugụọ, obi Uzịa nọ karịma a ẹka, ọ nọ wiwi — o nupụ isi okpuru Iwu Osolobuẹ wụ Chuku ẹ banye Ụlọ-NSỌ Osolobuẹ d'e gi ẹka a mụye nsẹnsi ọkụn elu ukpo-nsẹnsị!

Ihiẹn Mẹni Nke Ẹbụọ 29:11

Ụmụ m, alatọkwọlẹ ni nwan ọrụn ụnụ, makẹni Osolobuẹ a họrịgụọ ụnụ nị ụnụ hụn ụzọ e wuzo ihun ẹ, e jẹnn'ẹ ozi, a nọ ihun ẹ a rụn ọrụn a, a mụn'a nsẹnsi.”

Ọgụngụn 16:40

nọkẹ kẹ Osolobuẹ dọn zi Mozizi zi ẹ. Ọnwan nwọn a nyanhannị ndị Izrẹlụ n'o nwọnni onyẹ ọzọ k'a bịa d'a mụyeni Osolobuẹ nsẹnsi — wezụka ụmụ Ẹrọnụ; onyẹ ọzọ mụ a, ihiẹn mẹ Kora lẹ ndị sọnn'ẹ e m'ẹ.

Matiu 27:5

Ọ nọ tụ akpụrụ egho siliva ndị hụ ye alị imẹ Ụlọ-nsọ, pụ d'e hogbu enwẹn ẹ.

Hibru 9:6

Ẹnịna kẹ wẹ e dọnmẹsọnmẹ ihiẹn ndịnị wẹ; ndị nchụn-ẹjan a banyesọnmẹ mmughẹ ibuzọ hụ ogẹn ile d'a rụn ọrụn ofufe;

Samuẹlụ Nke Ibuzọ 2:28

Mmẹ họrị Ẹrọnụ nẹdi i imẹ ebọn ile rị Izrẹlụ n'ọ wụrụnị m onyẹ nchụn-ẹjan, e nyinrin ukpo nchụn-ẹjan m, a mụ nsẹnsi, n'o yiri ẹwuru ẹfọdụ ndị nchụn-ẹjan a rụn ọrụn ihun m. Mmẹ keyezi ikpụnọ nẹdi i ẹjan ile ndị Izrẹlụ gi ọkụn a chụnyeni m.