Luku 1:73 - Ika

⁷³ nyanhan ẹfan a, hụn o kunni nẹdi ẹnyi kanị wụ Ebraham ogẹn o gi kwe ẹ nkwa —

Luku 1:73 Iomraidhean Croise

Jẹnẹsisi 24:7

Osolobuẹ, Chuku hụn rị elu-igwee, hụn gha iwe nẹdi m lẹ alị wẹ nọ mụ m wepụha m, hụn gwa m oku, kun enwẹn ẹ gi kwe m nkwa, sị, ‘M k'e ye ụmụ ị alịnị’, ịya jẹnkọ d'e zi mmọn-ozi ẹ n'ọ kwan'ị ụzọ, y'a hụn ụzọ lụhanị nwa m nwunyẹ ebẹhụ.

Jẹnẹsisi 26:3

Biri imẹ alịnị rịkẹ abịamabịa. I mẹ ẹ, m k'a nọyen'i, gọzi i — makẹni m jẹnkọ d'e we alịnị ile ye yụ lẹ ụmụ ị — m k'e mẹzu nkwa m kwe Ebraham nẹdi i.

Ẹbụ-ọma 105:9

ọ nyanhan nkwa hụ rị ẹgbata ya lẹ Ebraham, nkwa ohu hụ o kun enwẹn ẹ kwe Aziki.

Jerimaya 11:5

Ogẹn hụ, e mẹzu m nkwa hụ m kun enwẹn m kwe ndị nẹdi ụnụ kanị, nị m jẹnkọ d'e ye wẹ alị rịgbu enwẹn ẹ mma mirin-ẹran lẹ mirin-ẹnwụn jun’ k'o dọn nwan rị tannị.” Ya kẹ m nọ sị Osolobuẹ, “Isẹẹ, Osolobuẹ!”

Luku 1:74

n'o sikọ d'a gbapụha ẹnyi ẹka ndị iṅẹnrẹn ẹnyi, ẹnyi a tụbehi egun wẹ, fe ẹ;

Ditrọnọmi 7:12

Ụnụ gọn ntịn iwu ndị ahụn o ye ụnụ, kpachanpụ ẹnya sọn wẹ, Osolobuẹ wụ Chuku ụnụ k'e mẹ nke ẹ, gi ihiẹn-ọsụsụọ a ahụn sọn ụnụ, hụn ahụn o kun enwẹn ẹ kwe ndị nẹdi ụnụ kanị nkwa a.

Ditrọnọmi 7:8

Kanị, makẹni ụnụ rị Osolobuẹ obi lẹn'ọ chọ n'o mẹ ihiẹn o kun enwẹn ẹ kwe ndị nẹdi ụnụ kanị nkwa a haịn o gi gi ẹka-ikẹn wepụha ụnụ, gha imẹ alị ụnụ nọ wụ igbọn, ẹka Fẹro eze alị Ijiptu, gbarị ụnụ.

Hibru 6:13

Ogẹn Osolobuẹ gi kwe Ebraham nkwa, Osolobuẹ nọ kun enwẹn ẹ — makẹni onwọnni onyẹ ka Osolobuẹ hụn Osolobuẹ k'e kun ẹfan a: ọ sị,