Luku 1:7 - Ika

⁷ kanị amụnị wẹ nwa, makẹni Ẹlizabẹti wụ agan, bụ wẹ ẹbụbụọ a kagụọ ẹgẹdi.

Luku 1:7 Iomraidhean Croise

Jẹnẹsisi 17:17

Ebraham nọ tụha enwẹn ẹ ye alị, bu ihun kpumẹ alị, mụ ẹmụ, sị enwẹn ẹ, “Nị okẹnnyẹ rị nwa ahụa ọgụn-isẹn saẹka mụ nwa? Nị Sẹra hụn rị nwa ahụa iri kwasị ọgụn-ẹnọ saẹka mụ nwa?”

Jẹnẹsisi 18:11

Ogẹn ahụn, Ebraham lẹ Sẹra a kaọlẹ ẹgẹdi ọhụnma-ọhụnma; Sẹra a ghafegụọ hụn a mụ nwa.

Jẹnẹsisi 25:21

Aziki e mẹ ekpere, rịọ Osolobuẹ n'o yeni nwunyẹ ẹ ẹka, makẹni Rebika wụ agan; Osolobuẹ nọ ye ẹ ihiẹn ọ rịọ, Rebika nọ tụrụ imẹ.

Jẹnẹsisi 30:1

Ogẹn Rechẹlụ gi hụn a n'ọ mụnịnị Jekọpụ nwa, ẹnya nọ fụma a nị nwẹnẹ rị a mụ. Ọ nọ sị Jekọpụ, “Yekwọ m ụmụ; y'e yeni m ụmụ, a nwụnhụn m.”

Ndị-nze Nke Ibuzọ 1:1

Ogẹn Defidi gi kagụ ẹgẹdi, kakpụkpọ, ẹhụ ara kpọnzi ẹ ọkụn k'o furu, ọsụọn'a nị wẹ gi ẹkwa fụrụ a oyi ọhụnma-ọhụnma.

Ndị-nze Nke Ẹbụọ 4:14

Ẹlaịsha nọ sị Gẹhazi, “Kịnị kẹ ẹnyi k'e mẹn'ẹ nwan?” Gẹhazi nọ sị a, “Omẹni ọhụn rọ, ọ mụnị okẹnnyẹ bụ di ẹ a kagụọ ẹgẹdi.”

Luku 1:5

Ogẹn Hẹrọdụ gi wụ eze Judia, o nwọn onyẹ nchụn-ẹjan ohu w'a kpọ Zẹkaraya. Imẹ ndị nchụn-ẹjan, itu Abija k'ọ rị. Ẹlizabẹti nwunyẹ ẹ wụzịkwọ onyẹ ebọn Ẹrọnụ.

Luku 1:6

Wẹ ẹbụbụọ wụ ndị ezi-omumẹ ẹnya Osolobuẹ; w'e dọnmẹchanrịn iwu lẹ ọdịnalị Di-nwọnni-ẹnyi, onwọnni hụn w'e gi kọrịanị wẹ —

Luku 1:8

Ụhụọhịn ohu, Zẹkaraya rị imẹ Ụlọ-nsọ a rụn ọrụn nchụn-ẹjan ogẹn ndị itu ẹ gi rị ọrụn.

Ndị Rom 4:19

Okukwe Ebraham ebelụanị, ọsụọn'a n'ọ nyanhanghọ nị ẹhụ a anwụnhụngụọ makẹni ya nwẹn wụ ihiẹn nọkẹ ahụa ọgụn-isẹn, ẹkpa-nwa nwunyẹ ẹ wụ Sẹra a nwụnhụngụọzị;

Hibru 11:11

Okukwe kẹ Sẹra nkẹ gi saẹka mụ nwa, ọsụọn'a n'ọ karịgụọ hụn a mụ nwa, makẹni o gi ẹ dọn nị Chuku hụn kwe nkwa furu wẹ gi e dọn ẹnya.

Samuẹlụ Nke Ibuzọ 1:2

Ẹl'kana nwọn inyẹnmẹ ẹbụọ. Ẹfan ohu wụ Hana. Ẹfan hụn ẹbọ wụ Pẹnina. Pẹnina mụ ụmụ, kanị Hana amụnị.