Luku 1:65 - Ika

⁶⁵ Egun nọ tụma ndị ile bikunmẹni wẹ; ihiẹn ndịnị nọ kpọgbarị ẹgbẹrẹ elu òke Judia ile.

Luku 1:65 Iomraidhean Croise

Matiu 2:1

Wẹ mụ Jesu imẹ Bẹtilẹhẹm hụn rị Judia ogẹn Hẹrọdụ gi wụ eze. Ogẹn hụ, ndị marịn ẹnya kokisẹ nọ gha alị rị azụụn ọwụwa-ẹnyanwụn bịa Jerusalẹm,

Luku 1:39

Omẹgụ, ya Meri nọ kwademẹ ozigbo-ozigbo jẹnmẹ obodo ohu hụn rị elu òke alị Juda.

Luku 2:18

Ihiẹn ndị ahụn e du anụ ku tụ ndị ile nụn'a ẹnya.

Luku 5:26

Ọ nọ tụ wẹ ile ẹnya ọda-ọda, wẹ nọ jama Osolobuẹ mma. Ọ tụka wẹ egun; wẹ hụ a sị, “Ẹnyi a hụnọlẹ ihiẹn atụmẹnya tannị!”

Luku 7:16

Egun nọ tụ wẹ ile; wẹ nọ ja Osolobuẹ mma, sị, “Okẹn onyẹ-amụma a pụhagụọ imẹ ẹnyi! Osolobuẹ a bịagụọ d'e mẹni ndị nke ẹ ọhụnma!”

Ọrụn Ndị-ozi 19:17

Ndị ile rị Ẹfẹsọsụ, kẹ ndị Ju kẹ ndị wụlẹni ndị Ju nụ ihiẹnni, egun nọ tụma wẹ ile; ẹfan Di-nwọnni-ẹnyi wụ Jesu nọ nwọnkẹnmẹ ọghọ.

Ọrụn Ndị-ozi 2:43

Onyẹ-onyẹ hụ e gi egun Osolobuẹ e bi, Osolobuẹ hụ e gi ndị-ozi hụ pụ-ichẹn a rụn ọrụn-atụmẹnya lẹ ihiẹn-nghọsị bu ọda.

Ọrụn Ndị-ozi 5:11

Ya kẹ okẹn egun nọ tụma ndị ụka Kraịstị ile lẹ ndị ile nụ ihiẹn ndịnị.

Ọrụn Ndị-ozi 5:5

Ananayasị a nụ hụ ihiẹnni, ọ nọ dan alị, nwụnhụn. Okẹn egun tụ ndị ile nụn'a.

Joshụa 10:40

Ẹrịra kẹ Joshụa dọn mẹri ndị ile rị ẹgbẹrẹ hụ, kẹ ndị rị elu ugu kẹ ndị rị ẹgbẹrẹ Nẹgẹvụ kẹ ndị rị alị-aradan kẹ ndị rị ukun ugu azụụn shi ọdịdan-ẹnyanwụn — uwẹ lẹ ndị nze wẹ ile. Onwọnni onyẹ o gbuhọdụ. O gbuchanrịn ihiẹn ile e kwọnni, nọkẹ kẹ Osolobuẹ wụ Chuku Izrẹlụ dọn gwa wẹ.

Joshụa 10:6

Ya ndị Gibiọnụ nọ zi ozi jẹnni Joshụa ebahụn Izrẹlụ ziẹntọ imẹ Gil'galụ, sị, “Dodo, alatọlẹ idibo i; bịa ozigbo d'a zụọpụha ẹnyi! Yeni ẹnyi ẹka, nị ndị-nze ndị Amọ ile bi elu òke a kịgbamagụọ bịa d'a maye ẹnyi ọgụn.”

Rẹvẹleshọnụ 11:11

Kanị o mẹpụ akpọhịn ẹtọ lẹ mkpikpi, Osolobuẹ nọ zihẹ ufere w'e gi rị ndụn, ọ ban imẹ wẹ, e lihi wẹ ọtọ, okẹn egun nọ bịa ndị hụnnị wẹ.