Luku 1:15 - Ika

¹⁵ makẹni o k'a wụ okẹn ịhịan ẹnya Di-nwọnni-ẹnyi. Ọ rakọ manya ọwụlẹ mọbụ manya zeni. Wẹ gini d'a mụ a, Mmọn-nsọ k'e jun ẹ ghakwọrị imẹ ẹfọ nnẹ ẹ.

Luku 1:15 Iomraidhean Croise

Jẹnẹsisi 12:2

M k'e gi i mẹmẹ okẹn alị; m k'a gọzi i; m k'e mẹ wẹ nụ ẹfan ị — kẹni ị wụrụ ngọzi.

Jẹnẹsisi 48:19

Ya nẹdi ẹ nọ jụ, sị a, “Nwa m, a marịngụọ m; ya nwẹn k'a wụrụzịkwọ okẹn-ịhịan. Kanị, nwẹnẹ ẹ hụn nta k'a karị a, mụ ụmụ k'a wụrụ igunrun alị bu ọda.”

Ihiẹn Mẹni Nke Ibuzọ 17:8

A nọyegụọnị m'ị ebe ile i jẹn; e gbupụgụọnị m'ị ndị iṅẹnrẹn i ile. M jẹnkọ nwan d'e mẹ wẹ nụma ẹfan ị rịkẹ nke ndị kachanrịn okẹn-ịhịan a wụ elu-ụwa.

Ihiẹn Mẹni Nke Ibuzọ 29:12

Ẹka ị kẹ akụ-lẹ-ụba lẹ mgbaye gha a bịa; ịyụ a kị ihiẹn ile. Ikẹn lẹ ọkịkị rị ị ẹka, hụn i gi e bushi ịhịan ile elu, lẹ hụn i gi e ye wẹ ikẹn.

Ẹbụ-ọma 22:9

Bụ ịyụ gha ẹfọ nnẹ m wepụha m pẹrẹ; ịyụ mẹ obi ru m alị kẹ m rịdẹ a ra ẹran nnẹ m.

Jerimaya 1:5

“A marịngụọ m'ị nị m d'a kpụ ị imẹ ẹfọ nnẹ i; a họtọgụọdẹ m'i nị wẹ d'a mụ ị; m tumẹ i onyẹ-amụma alị ichẹn-ichẹn.”

Jerimaya 35:6

Kanị, wẹ nọ sị, “Ẹnyi ara ra manya. Nẹdi ẹnyi kanị wụ Jonadabụ nwa Rekabụ sị ẹnyi, ‘Arakwọlẹ ni manya — kẹ ụnụ kẹ agbọ ụnụ ndị lalanị;

Lẹvitikọsụ 10:9

“Ogẹn ọwụlẹ ịyụ lẹ ụmụ ị jẹnkọ d'a banye imẹ Ọdụ-ozuzu, arakwọlẹ ni manya mọbụ ihiẹn ọwụlẹ wẹ bama abama, amamgbe ụnụ a nwụn. Ọnwan wụ iwu ụnụ k'e dọnmẹferi agbọ ile lalanị.

Zẹkaraya 9:15

Osolobuẹ ihiẹn ile rị okpuru ẹ k'e che wẹ nche, e mẹri wẹ ndị-iṅẹnrẹn wẹ: a zọgbu wẹ ndị a gba araba, bu wẹ ri, e yi oro-agha nọkẹ ndị manya nwunye ẹnya, ẹdeke e jun k'o jun afẹrẹ nchụn-ẹjan, jun wẹ ẹhụ nọkẹ mpịn ukpo nchụn-ẹjan.

Luku 1:14

Ụnụ jẹnkọ d'a ghọghọ, ẹfọ a sụọ ụnụ ụsụọ; ọmụmụ a k'e mẹ ndị bu ọda ghọghọ,

Luku 7:28

Jesu nọzị sị: M rị a gwa ụnụ, imẹ ndị ile ikpoho mụ, onwọnni onyẹ ka Jọnụ. Kanị, onyẹ hụn kachanrịn ẹkẹrẹ imẹ Alị-eze Chuku ka Jọnụ.

Luku 7:33

“Jọnụ hụn e mẹ mirin-Chuku a bịa, o rini kẹ ịhịan ile dọn e ri, ọ ranị manya, ụnụ sị, ‘Eje-mmọn rị imẹ ẹ!’

Jọnụ 5:35

Jọnụ te rị a dụn, e nwun kẹ ukpẹ; ụnụ a ghọghọghọ nị ukpẹ ẹ ẹkẹrẹ ogẹn.

Ọrụn Ndị-ozi 2:4

Mmọn-nsọ nọ jun imẹ wẹ ile, wẹ nọ gi asụsụ alị ndị ọzọ kumẹ, e kushi ikẹn kẹ Mmọn-nsọ dọn ye onyẹ onyẹ.

Ndị Galeshịa 1:15

Kanị, ogẹn o gi sụọ Osolobuẹ, hụn gi ẹfọma a họrị m kpọ m kẹ m rịdẹ ẹfọ nnẹ m,

Ndị Ẹfẹsọsụ 5:18

Aralẹ ni manya tụ, makẹni obibi la iwi rọ; ka a nị nị Mmọn-nsọ a kị ụnụ —

Joshụa 3:7

Osolobuẹ nọ sị Joshụa, “Tannị kẹ m k'e bushimẹ i elu idẹnya ndị Izrẹlụ ile, kẹni wẹ marịn nị m nọyen'i kẹ m dọn nọyeni Mozizi.

Joshụa 4:14

Ụhụọhịn hụ, Osolobuẹ nọ ye Joshụa ọghọ idẹnya ndị Izrẹlụ ile, wẹ nọ gbaye ẹ o we nwụn, nọkẹ kẹ wẹ dọn gbaye Mozizi.