Joshụa 9:11 - Ika

¹¹ Ya ndị-ichẹn ẹnyi lẹ ndị ile bi alị ẹnyi nọ sị ẹnyi, ‘Weri ni ihiẹn-oriri ụnụ k'e ri ụzọ-ijẹn; jẹn ni d'e kunrun wẹ, sị nị wẹ, “Ẹnyi wụ idibo ụnụ; nị ẹnyi lẹ ụnụ e mẹgbama.” ’

Joshụa 9:11 Iomraidhean Croise

Jẹnẹsisi 43:12

Weri ni egho han kẹ hụn ụnụ gi jẹn mbụ ụzọ ẹbụọ; makẹni ụnụ jẹnkọ d'e wekinrịrị egho ndị ahụn wẹ buchekinni ụnụ imẹ ẹkpa ụnụ; ikẹnkwọ a marịn wẹ ogẹn wẹ gi buche wẹ.

Ndị-nze Nke Ẹbụọ 10:5

Onyẹ e lepụ obi-eze ẹnya lẹ onyẹ e lepụ obodo Sameria ẹnya lẹ ndị-ichẹn lẹ ndị rị a zụn ụmụ eze nọ zi ozi jẹnni Jehu, sị, “Idibo i kẹ ẹnyi wụ, ihiẹn ị sị ẹnyi mẹ kẹ ẹnyi k'e mẹ. Ẹnyi e tumẹkọ onyẹ ọwụlẹ eze; ihiẹn ọwụlẹ rị ị mma ẹnya y'e mẹ.”

Ẹsta 8:17

Imẹ Ẹgbẹrẹ ọwụlẹ lẹ obodo ọwụlẹ, ebe ọwụlẹ iwu eze ru, ndị Ju rịn'a hụ a ghọghọ, ẹfọ hụ a sụọ wẹ ụsụọ, wẹ hụ e ri oriri, e mẹ mmẹmmẹ. Ndị bu ọda wụ ndị alị ọzọ nọ họnrin ndị Ju, makẹni egun ndị Ju rị a tụ wẹ.

Luku 9:3

Ọ nọ sị wẹ, “Ụnụ jẹnkọnị, ewerilẹ ni ihiẹn ọwụlẹ: kẹ ọkpọ kẹ ẹkpa kẹ ihiẹn-oriri kẹ egho; ewerilẹ ni ẹwuru ọzọ cheni hụn ụnụ yi.

Joshụa 1:11

“D'e kunrun ni ịhịan ile ziẹntọ ebeni; sị nị wẹ, ‘Kwademẹ ni ihiẹn ụnụ k'e ri ụzọ, makẹni ụnụ jẹnkọ d'e fetu Iyini wụ Jọdanị nke akp'ọhịn ẹtọ tannị, banye d'e weri alị hụ Osolobuẹ wụ Chuku ụnụ ye ụnụ n'ọ wụrụ nke ụnụ.’ ”

Joshụa 9:10

lẹ ihiẹn ile o mẹ ndị-nze ẹbụbụọ kị ndị Amọ hụn rị nfetu Iyi-Jọdanị, Sihọnụ wụ eze Hẹsh'bọnụ lẹ Ọgụ wụ eze Bashanị hụn nọ imẹ Ash'tarọtụ kị.

Joshụa 9:12

Brẹdi ẹnyini te rị a nụ ọkụn kẹ ẹnyi buche wẹ imẹ ẹkpa ụhụọhịn ẹnyi buli d'e kunrun ụnụ. Lee nwan k'ọ kpọgụ nkụn, kunpụ mbu;

Joshụa 9:8

Kanị wẹ nọ sị Joshụa, “Ẹnyi bịa d'e we enwẹn ẹnyi che okpuru i.” Ya Joshụa nọ sị wẹ, “Onyẹ kẹ ụnụ wụ? Elebe kẹ ụnụ gha bịa?”