Joshụa 8:35 - Ika

³⁵ Onwọnni akpụ oku ohu Mozizi ku imẹ Iwu Joshụa gụnlẹnini igunrun Izrẹlụ ile, kẹ ikpoho kẹ ụmụ-ẹka kẹ abịamabịa ndị bi imẹ igunrun wẹ.

Joshụa 8:35 Iomraidhean Croise

Ẹzra 10:1

Hụn ahụn Ẹzra rị ebẹhụ e mẹ ekpere, a sị “Osolobuẹ, ẹnyi e mẹọlẹ njọ”, a kwan, e we enwẹn ẹ e gbe alị ihun Ụlọ Chuku, ndị Izrẹlụ bugbu enwẹn wẹ ọda nọ gbakikomẹmẹ, fihunmẹ ẹ — kẹ ikẹnnyẹ kẹ ikpoho kẹ ụmụ-ẹka. Wẹ nwẹn hụzị a kwan ẹkwan ọda-ọda.

Nehemiah 8:2

Ya kẹ Ẹzra hụn wụzị onyẹ nchụn-ẹjan nọ wepụha Ẹkụkwọ Iwu ihun igunrun hụ zuni: kẹ ikẹnnyẹ kẹ ikpoho rị ebẹhụ, wẹ lẹ ndị ile k'a sa ẹka ghọta ihiẹn wẹ sikọ d'a gụnnị wẹ. Ihiẹnni mẹ ụhụọhịn ibuzọ imẹ ifọn nke ẹsa.

Nehemiah 8:3

Ọ gụnshi ẹ elu hụn w'a nụ, gha ụzụtụntụn d'e ru ogẹn anwụn gi ru isi. O bu ihun zinmẹ igunrun hụ rị ebe ndị alị nọ e zu, ihun Ọnụ-mgbọn Mirin — idẹnya ikẹnnyẹ lẹ ikpoho lẹ ndị hụ ile a saẹka a ghọta. Ndị hụ ile gọnchanrịn ntịn Ẹkụkwọ-Iwu hụ wẹ rị a gụnnị wẹ.

Ọpụpụ 12:38

Imẹrinmẹ ndị ọzọ rị ichẹn-ichẹn wụlẹni ndị Izrẹlụ sọnmẹzikwọ wẹ, ya lẹ anụ bu ọda wẹ kị — kẹ atụnrụn kẹ ewu kẹ efin.

Jerimaya 26:2

“D'e wuzo ezi-ọgwa ụlọ-nsọ Osolobuẹ n'ị gwa ndị gha obodo ile rị alị Juda bịa ụlọ-nsọ m d'e fe ofufe oku. Gwachanrịn wẹ ihiẹn ile m sị ị gwa wẹ, ekuhọdụkwọlẹ kaka akpụ ohu!

Juwẹlụ 2:16

Kpọkikomẹ ni ndị alị; dọn ni ndị alị nsọ. Kpọkikomẹ ni ndị ẹgẹdi, ụnụ a kpọkikomẹ ni ụmụẹka kẹ ndị wẹ pa ẹka rị a ra ẹran; Okẹnnyẹ rị a gba ẹkụkwọ ya pụhazịdẹ, nwata ịgbagba rị a gba ẹkụkwọ ya pụhazịkwọ.

Zẹkaraya 8:23

Osolobuẹ ihiẹn ile rị okpuru ẹ sị: “O ru ogẹn hụ, ikẹnnyẹ iri ndị alị ọzọ, ndị a sụ asụsụ ọzọ, k'a dọdọn akpụ onyẹ Ju ohu ẹwuru, a rịọ a, ‘Dodo, nị ẹnyi sọn i la, nị ẹnyi a nụọlẹ nị Chuku rị azụụn nke ụnụ!’ ”

Makị 10:14

Jesu a hụn a, iwe nọ we ẹ. Ọ nọ sị wẹ, “Nị nị ụmụẹka bịa d'e kunrun m; akụsịlẹ ni wẹ, makẹni Alị-eze Osolobuẹ wụ nke ndị nọ ẹnịna.

Ọrụn Ndị-ozi 20:27

A gwachanrịngụọ m ụnụ ihiẹn ile wụ uche Osolobuẹ k'ọ nọ — eserini m isi latọ hụn ọwụlẹ.

Ọrụn Ndị-ozi 21:5

Kanị, ogẹn ẹnyi lẹ wẹ gi nọgụ, ẹnyi nọ pụ, jẹnmẹzi ebe ẹnyi jẹnkọ. Wẹ ile lẹ inyẹnmẹ wẹ lẹ ụmụ wẹ nọ gha imẹ obodo hụ dupụha ẹnyi, durukwọrị ẹnyi mkpẹnrẹn ohimin. Ya ẹnyi ile nọ sekpu alị mkpẹnrẹn mirin ebẹhụ mẹ ekpere,

Ditrọnọmi 29:10

Ụnụ ile wuzo nwan ihun Osolobuẹ wụ Chuku ụnụ tannị — kẹ ndị-ndu ebọn ụnụ kẹ ndị-ichẹn ụnụ, kẹ ndị gisọnmẹ ọkwa imẹ ụnụ, kẹ ikẹnnyẹ Izrẹlụ ile họdụnị,

Ditrọnọmi 29:11

kẹ ụmụ-ẹka ụnụ kẹ inyẹnmẹ ụnụ lẹ itumunyẹ bisọnmẹ imẹ igunrun ụnụ, ndị hụn e gbuni ụnụ osisi lẹ ndị hụn a kpanị ụnụ nkụn lẹ ndị hụn a kwọnị ụnụ mirin.

Ditrọnọmi 29:9

Dọnrin ni nwan ẹnya sọn ihiẹn ndị rị imẹ Iwuni, nị ihiẹn ile ụnụ buche ẹka hụn ụzọ ghanị ụnụ.

Ditrọnọmi 31:12

Ịhịan ile kẹ ụnụ sikọ d'a kpọkikomẹ: kẹ ikẹnnyẹ kẹ ikpoho kẹ ụmụ-ndu kẹ abịamabịa ndị bi imẹ obodo rịsọnmẹ alị ụnụ, kẹni onyẹ ọwụlẹ hụn ụzọ nụ a, mụrụn ịtụ-egun Osolobuẹ wụ Chuku ụnụ, dọnrin ẹnya e sọn oku ile rị imẹ iwuni.

Ditrọnọmi 4:2

Ewechelẹ ni oku ndịnị m rị a gwa ụnụ mọbụ webelụa ihiẹn Osolobuẹ wụ Chuku ụnụ ku hụn m rị a gwa ụnụ.