Joshụa 8:2 - Ika

² I sikọ d'e mẹ Aị lẹ eze ẹ ihiẹn i mẹ Jẹriko lẹ eze ẹ: kanị ụnụ nwọn ikẹn kwarị ihiẹn ndị Aị lẹ ihiẹn-uriri wẹ. Zi ni ndị-agha d'a warị ọfịa azụụn obodo hụ, cheri.”

Joshụa 8:2 Iomraidhean Croise

Ihiẹn Mẹni Nke Ẹbụọ 13:13

Ogẹnni, o nwọngụọ itu-agha Jerobụam zi d'a gha azụụn maye ndị Juda, ya nwẹn nọ rị ndị Juda ihun, ndị ahụn warị ọfịa hụ wẹ azụụn.

Ihiẹn Mẹni Nke Ẹbụọ 20:22

Ogẹn wẹ gi yimẹ oro ịghọghọ, jama Osolobuẹ mma, Osolobuẹ nọ bunụmanị ndị Amọnụ lẹ ndị Mụabụ lẹ ndị Ugu-Sẹẹ hụn bịa d'a lụsọn Juda agha, mẹ ndị Juda mẹri wẹ:

Ẹbụ-ọma 39:6

Ịhịan wụhụ onyinyọn mmaka; ọlụkpọ a ile wụ ihiẹn mmaka; ọ kpatọ akụ-lẹ-ụba bụ ọ marịn onyẹ k'e nwọnrinn'ẹ.

Itẹn 13:22

Onyẹ-ọma a latọnị ụmụ-ụmụ a ukuu, kanị ẹka ndị ezi-omumẹ kẹ akụ-lẹ-ụba onyẹ-njọ a lashi.

Itẹn 28:20

Onyẹ hụn tọ e mẹ ihiẹn furuni e nwọnhẹn ngọzi ọhụnma-ọhụnma, kanị onyẹ a hụhụ n'o hi ọdanfịn a lakọ mmaka.

Jerimaya 17:11

Nnụnụ hụn e zuru ẹkwan o yilẹni d'e gbu — lẹ onyẹ e gi mmẹgbu a kpa egho wụ ohu; o gini d'e bi ebi, egho a la; ikpanzụụn, a hụn w'a n'ọ wụ nzuzu.

Jerimaya 51:12

Weshi ni ni wẹ ihiẹn-ahịma elu nị wẹ tikpọ mgbọn Babilọnụ! We ni ndị-agha cheni ndị hụn chekin wẹ ụzọ! Bu ni wẹ che ọnọdị! D'a warịsọnmẹ ni imẹ ọfịa cheri wẹ! Makẹni Osolobuẹ jẹnkọ d'e mẹ ihiẹn o romẹ, ihiẹn ọ sị o k'e mẹ ndị Babilọnụ.

Ditrọnọmi 2:35

Kanị anụ lẹ ihiẹn ndị ọzọ sụọ kẹ ẹnyi kpọnrin imẹ obodo ndị hụ ẹnyi tikpọ.

Ditrọnọmi 20:14

Nke ikpoho, ụmụ-ndu, ihiẹn-uriri lẹ ihiẹn ndị ọzọ ile họdụ imẹ obodo ahụn, ụnụ nwọn ikẹn weri wẹ, a wụrụ wẹ ihiẹn ụnụ welụa agha. Ụnụ nwọn ikẹn weri ihiẹn ụnụ narịn ndị-iṅẹnrẹn ụnụ agha — makẹni Osolobuẹ ye ụnụ ya.

Ditrọnọmi 3:2

Osolobuẹ nọ sị m, “Atụlẹ ni egun ẹ, makẹni e wegụọ m kẹ ịya kẹ ndị-agha a ile lẹ alị a ye ụnụ mẹri. Mẹn'ẹ ihiẹn ụnụ mẹ Sihọnụ eze Amọ nọ Hẹsh'bọnụ kị.”

Joshụa 10:1

Ogẹn Adoni-Zẹdẹki wụ eze Jerusalẹm gi nụ nị Joshụa e mẹrigụọ Aị, tikpọchanrịn a ru alị, mẹ Aị lẹ eze ẹ ihiẹn o mẹ Jẹriko lẹ eze ẹ, lẹni ndị Gibiọnụ e jẹngụọ d'a banyeni ndị Izrẹlụ mẹkẹ wẹ gha a lụsọn wẹ agha, nị wẹ lẹ ndị Izrẹlụ rị nwan,

Joshụa 10:28

Ụhụọhịn ohu hụ, Joshụa nọ werizikwọ Makẹda hụ wẹ rị. O gi ọpịa-agha sọn ndị obodo hụ lẹ eze ẹ, gbuchanrịn ndị ile rị imẹ ẹ, onwọnni onyẹ o dọnmẹ ndụn, o mẹ eze Makẹda ihiẹn o mẹ eze Jẹriko.

Joshụa 11:14

Ndị Izrẹlụ nọ kwarịchanrịn ihiẹn ile w'a kwarị imẹ obodo ndịnị, lẹ anụ ile rị imẹ wẹ, kanị wẹ gi ọpịa-agha gbu ịhịan ile rị imẹ wẹ, gbuchanrịn wẹ ru alị, onwọnni ihiẹn e kwọnni họdụnị.

Joshụa 6:21

Ya wẹ nọ we obodo hụ kwanị Osolobuẹ, gi ọpịa-agha gbuchanrịn ihiẹn ile rị ndụn imẹ ẹ: kẹ ikẹnnyẹ kẹ ikpoho, kẹ ikoro kẹ ẹgẹdi, kẹ efin kẹ atụnrụn lẹ ewu kẹ jaki.

Joshụa 8:12

Ọ nọ weri ihiẹn nọ kẹ mmadụ nnụ-uku isẹn (5,000), bu wẹ zuemẹ ẹgbata Bẹtẹlụ lẹ Aị, ẹbamịn ọdịdan-ẹnyanwụn Aị.

Joshụa 8:14

Ogẹn eze Aị gi hụn wẹ, ịya lẹ ndị-agha obodo ẹ ile nọ zọlihi shi ebe nwẹn, ihun ọdanmgbugbu Araba d'a lụsọn Izrẹlụ agha, kanị ọ marịn nị ụfọdụ ndị Izrẹlụ warị ọfịa azụụn obodo ẹ e che ni wẹ maye wẹ.

Joshụa 8:19

Hụn o gihụ mẹ ihiẹnni, ndị agha warị imẹ ọfịa nọ gha ebe wẹ rị zụnlihi ozigbo, zụnpụha. Wẹ nọ banye imẹ obodo hụ, weri ẹ, yi ẹ ọkụn ozigbo-ozigbo!!

Joshụa 8:24

Ogẹn ndị agha Izrẹlụ gi gbuchanrịngụ ndị Aị imẹ atụ wẹ chụjẹn wẹ, ogẹn wẹ gi gigụ ọpịa-agha gbukwama wẹ, ndị agha hụ ile nọ kin azụụn shi imẹ Aị, gbukwamazị ndị rị imẹ ẹ.

Joshụa 8:3

Ya Joshụa lẹ ndị-agha ile nọ buli d'a lụsọn Aị ọgụn. Joshụa nọ họrị odogun-agha nnụ-uku iri kwasị ọgụn (30,000), gi imẹ abalị zipụ wẹ.

Joshụa 8:7

Ogẹn hụ, ụnụ a gha ebe ụnụ warị imẹ ọfịa pụha d'e weri obodo hụ. Osolobuẹ wụ Chuku ụnụ k'e bu ẹ che ụnụ ẹka.

Joshụa 8:8

Obodo ahụn banhụ ụnụ ẹka, ụnụ e yi ẹ ọkụn. Mẹ ni ihiẹn Osolobuẹ sị ẹnyi mẹ; mẹkwọ n'a — nị mmẹ zi ụnụ!!”

Joshụa 8:9

Ya kẹ Joshụa nọ nwan zipụ wẹ. Wẹ nọ shi ebe wẹ jẹnkọ d'a warị, ebe wẹ k'a gha maye ndị Aị idẹnmizi, wẹ nọ warị ebẹhụ, ẹgbata Bẹtẹlụ lẹ Aị, ẹbamịn ọdịdan-ẹnyanwụn Aị; kanị Joshụa nkẹ sọn ndị họdụnị dịnọ imẹ uhinhin hụ.

Joshụa 9:3

Kanị, nke ndị Gibiọnụ, ogẹn wẹ gi nụ ihiẹn Joshụa mẹ Jẹriko lẹ Aị,