Joshụa 8:1 - Ika

¹ Ya Osolobuẹ nọ sị Joshụa, “Atụlẹ egun; anịlẹ ndụn gụ ị. Weri ndị-agha Izrẹlụ ile jẹnmẹ d'a maye obodo Aị ọgụn, n'e wegụọ m eze Aị lẹ ndị nke ẹ lẹ obodo ẹ lẹ alị ye i mẹri.

Joshụa 8:1 Iomraidhean Croise

Ẹbụ-ọma 27:1

Osolobuẹ wụ ukpẹ m lẹ onyẹ hụn a zụọpụhanị m — onyẹ kẹ m k'a tụ egun ẹ? Imẹ Osolobuẹ kẹ wẹ nọ e che ndụn m nche — onyẹ kẹ m k'a tụ egun ẹ?

Ẹbụ-ọma 44:3

Ẹlẹkwọ ọpịa-agha wẹ kẹ ndị nke i gi weri alị ahụn; ẹlẹ ikẹn wẹ kẹ wẹ gi mẹri! Ikẹn i lẹ akwanran ị lẹ ẹnya rị mma i gi e lee wẹ haịn, makẹni ị chọ nị i mẹni wẹ ọhụnma.

Ẹbụ-ọma 46:11

Osolobuẹ ihiẹn ile rị okpuru ẹ nọyeni ẹnyi anọyeni; Chuku Jekọpụ rị e che ẹnyi nche! Sẹla

Azaya 12:2

Eziẹ, Chuku wụ onyẹ a zụọpụhanị m. M k'e gi i dọn ẹnya, egun atụkọ m. Osolobuẹ — Osolobuẹ, wụ ikẹn m lẹ ẹbụ m, ọ zụọpụhagụọ m.”

Azaya 43:2

Ị ghakọnị imẹ mirin, m k'a nọyeni i; ị ghakọnị imẹ iyi, erukpumekọ wẹ i; ị ghakọnị imẹ ọkụn, ọkụn erẹnkọ ị — y'a dụnkọ ọkụn,

Jerimaya 46:27

“Odibo m, Jekọpụ, atụkwọlẹ egun; Izrẹlụ, anịkwọlẹ ndụn gụ ị. M jẹnkọ d'a gha alị ahụn tegbu enwẹn ẹ ị rị zụọpụha ị, m k'a gbapụha ẹbozo i imẹ alị hụ wẹ kpụnjẹn wẹ. Jekọpụ jẹnkọ d'e bizi udọn lẹ ndọnkwa, onwọnzini onyẹ k'e rọn ẹ egun.

Jerimaya 49:3

Alị Hẹsh'bọnụ, gomẹ, nị e tikpọ wẹ alị Aị ndị Amọnụ! Ụmụ alị Raba, kwanma nị ụya! Yiri ni ẹkwa-achọ wẹ gi a kwan ụya; a gbahunmẹ ni, e yi kẹ ụnụ e mẹ imẹ obodo ụnụ. Makẹni wẹ jẹnkọ d'e weridẹ mmọn ụnụ wụ Molẹkị shi alị ọzọ, ya lẹ ndị a ghọn'a lẹ ndị ọzọ a rụnn'a ọrụn.

Daniẹlụ 2:21

Ịya e hutọ ogẹn lẹ mgbe ihiẹn gi e mẹ; ịya e tumẹ ndị-nze, a chụpụzịkwọ ndị-nze. Ịya e ye onyẹ nwọn uche amamihiẹn, e ye onyẹ marịn ihiẹn nghọta.

Daniẹlụ 4:25

wẹ k'a chụpụ ị ebe ịhịan rị d'e sọn anụmanụ biri; i jẹnkọ d'e ri irurue kẹ efin, igirigi a gha elu-igwere ziẹnkpu i. Ahụa ẹsa k'i k'a rị ọnọdị hụ, d'e ru nị o we i ẹnya nị alị-eze ile ịhịan pumẹ rịchanrịn okpuru Onyẹ Hụ Kachanrịnnị, lẹni o we wẹ e ye onyẹ ọ chọ.

Daniẹlụ 4:35

Ndị ile bi elu-ụwa enwọn kẹ wẹ han ebe ọ rị. Ihiẹn sụọn'a k'o mẹ — kẹ ebe ikẹn ndị rị elu-igwee rị kẹ ebe ndị rị elu-ụwa rị. Onwọnni onyẹ a sa ẹka e gbọndọn ẹ mọbụ sị a: “K'i mẹni ihiẹnni?”

Matiu 8:26

Ọ nọ sị wẹ, “Kị ụnụ rị a tụnị egun? Ndị okukwe nta!” Ya ọ nọ lihi ọtọ, jụgbọ okẹn ufere hụ lẹ ohimin hụ. Ụzọ ile nọ mẹchanrịn rajụụ.

Ditrọnọmi 1:21

Lee n'ẹ, Osolobuẹ wụ Chuku ụnụ e bugụọ alị hụ tọnị ụnụ. Jẹn ni nwan d'e weri ẹ kẹ Osolobuẹ wụ Chuku ndị nẹdi ụnụ dọn gwa ụnụ. Atụlẹ ni egun; elelẹ ni ẹnya azụụn.”

Ditrọnọmi 31:8

Osolobuẹ lẹ enwẹn ẹ k'e buruni ụnụ ụzọ; o k'a nọyeni ụnụ; ọ hapụkọ ị mọbụ la ị tọ. Atụlẹ egun; anịlẹ ndụn gụ ị.”

Ditrọnọmi 7:18

Ka atụlẹ ni egun wẹ; nyanhankwọ nị ihiẹn Osolobuẹ wụ Chuku ụnụ mẹ Fẹro eze Ijiptu lẹ ndị Ijiptu ile.

Ditrọnọmi 7:21

Atụkwọlẹ ni egun wẹ, makẹni Osolobuẹ wụ Chuku ụnụ, hụn rị imẹ igunrun ụnụ, wụ Chuku hi-ogbe, hụn e mẹ ihiẹn a tụ egun.

Joshụa 1:9

Agwagụọnị m'ị? Kakẹnmẹ; rikin obi; atụkwọlẹ egun; anịlẹ ndụn gụ ị, makẹni Osolobuẹ wụ Chuku i k'a nọyen'i ebe ọwụlẹ i jẹnkọ.”

Joshụa 10:7

Ya Joshụa nọ gha Gil'galụ buli, ịya lẹ ndị agha a ile, kẹ ndị odogun-agha ile.

Joshụa 10:8

Osolobuẹ nọ sị Joshụa, “Atụlẹ egun wẹ; e wegụọ m wẹ che i ẹka n'i mẹri wẹ; onwọnni onyẹ jẹnkọ d'a s'ẹka che i ọgụn imẹ wẹ ile.”

Joshụa 2:24

Wẹ sị Joshụa, “Ezioku-ezioku, Osolobuẹ e bugụọ alị hụ ile che ẹnyi ẹka mẹri; ndị ile bi alị hụ e dẹnhingụọ makẹni egun ẹnyi a tụgbugụọ wẹ.”

Joshụa 6:2

Osolobuẹ nọ sị Joshụa, “Lee ẹ, e bugụọ m Jẹriko che i ẹka mẹri, ya lẹ eze ẹ lẹ ndị-agha a.

Joshụa 7:9

Ndị Kenaanị lẹ ndị ọzọ bi alịnị jẹnkọ d'a nụ a, ke ẹnyi ye, gbupụ ẹnyi, zapụ ẹfan ẹnyi elu ụwa. K'i k'e mẹzi nwan ẹfan ị lẹ ọghọ a?”