Joshụa 7:6 - Ika

⁶ Ya Joshụa nọ tika ẹkwa a, fiẹnrin alị, bu ihun kpumẹ alị ihun Ẹkpẹti Osolobuẹ d'e ru ogẹn ẹnyasị, kẹ ịya kẹ ndị-isi Izrẹlụ, kpọn uzunzun ye enwẹn wẹ isi.

Joshụa 7:6 Iomraidhean Croise

Jẹnẹsisi 37:29

Ogẹn Rubẹni gi kinhẹn d'e lele ọmị ahụn, ọ nọ hụn nị Josẹfụ arịzị a; ọ nọ dọwa ẹwuru ye enwẹn ẹ olu.

Jẹnẹsisi 37:34

Ya kẹ Jekọpụ nọ dọwa ẹkwa ye enwẹn ẹ olu, yiri ẹkwa achọ, gi akp'ọhịn ole-lẹ-ole kwan Josẹfụ.

Samuẹlụ Nke Ẹbụọ 1:11

Ya kẹ Defidi lẹ ikẹnnyẹ ile ịya lẹ wẹ wị nọ dọwa ẹwuru wẹ.

Samuẹlụ Nke Ẹbụọ 1:12

Wẹ nọ sụkụrụ, a kwan ẹkwan, e bu ọnụ d'e ru ogẹn ẹnyasị, gi ẹ kwan Sọlụ lẹ Jonatanị nwa a lẹ ndị-agha Osolobuẹ lẹ ndị Izrẹlụ, makẹni ọpịa-agha e rigụọ wẹ.

Samuẹlụ Nke Ẹbụọ 1:2

hụn mẹ ẹ akpọhịn ẹtọ, okẹnnyẹ ohu nọ gha azụụn nke Sọlụ bịa: ọ dọwagụọ ẹwuru ẹ, kpọn ntụn ye isi nke onyẹ ihiẹn mẹ. Ogẹn o gi ru ebe Defidi rị, ọ nọ dann'a alị.

Samuẹlụ Nke Ẹbụọ 12:16

Defidi a rịọ Osolobuẹ n'ọ zụọ nwata hụ; o bu ọnụ; ọ ban imẹ ụlọ a d'a nọdị; o dinẹ akpakalị eki e we fọn.

Samuẹlụ Nke Ẹbụọ 13:19

Tama nọ nwan bụọ ntụn ye isi, dọka ẹwuru-ọma hụ o te yi. Ọ nọ kị ẹka kwasị isi lama, kwankọ ẹkwan ọda-ọda, lakọ.

Samuẹlụ Nke Ẹbụọ 13:31

Eze nọ felihi, tika ẹkwa a, tụha enwẹn ẹ ye akpakalị; idibo ẹ ile wuzochanrịn nwan ọtọ, wẹ nwẹn a dọkachanrịngụọ ẹkwa wẹ.

Ndị-nze Nke Ẹbụọ 22:11

Ogẹn eze gi nụ oku ndị rị imẹ Ẹkụkwọ Iwu, ya ọ nọ dọka ẹkwa ye enwẹn ẹ olu.

Ihiẹn Mẹni Nke Ẹbụọ 34:19

Ogẹn eze gi nụ oku ndị rị imẹ Iwu, ọ nọ dọka ẹwuru-nze o yi.

Ẹzra 10:1

Hụn ahụn Ẹzra rị ebẹhụ e mẹ ekpere, a sị “Osolobuẹ, ẹnyi e mẹọlẹ njọ”, a kwan, e we enwẹn ẹ e gbe alị ihun Ụlọ Chuku, ndị Izrẹlụ bugbu enwẹn wẹ ọda nọ gbakikomẹmẹ, fihunmẹ ẹ — kẹ ikẹnnyẹ kẹ ikpoho kẹ ụmụ-ẹka. Wẹ nwẹn hụzị a kwan ẹkwan ọda-ọda.

Nehemiah 9:1

Nke akpọhịn ẹnọ kwasị ọgụn imẹ ifọn hụ, ndị Izrẹlụ nọ zu. Wẹ rị e bu ọnụ, wẹ yisọnmẹ ẹkwa ahịọ ndị eje-ihiẹn mẹ, kpọn uzunzun yesọnmẹ isi.

Ẹsta 4:1

Ogẹn Mọdikaya gi marịn ihiẹn ile rị e mẹni, ọ nọ tika ẹwuru ye enwẹn ẹ olu, yiri ẹkpa-mkpụrụ wẹ gi a kwan ụya, kpọn ntụn kpu enwẹn ẹ, shi imẹ obodo hụ, e goo, a kwan ụya.

Ẹsta 4:3

Azụụn ọwụlẹ iwu eze ru, ndị Ju rị ebẹhụ a kwanma ụya, e bu ọnụ, a kwan ẹkwan, e goo. Ndị bu ọda imẹ wẹ e yiri ẹkpa-mkpụrụ wẹ gi a kwan ụya, dinẹsọnmẹ ikpọn-ntụn.

Jobu 1:20

Ya Jobu nọ lihi ọtọ, dọka ẹwuru ye enwẹn ẹ olu, kọpụ ntutu ẹ. Ya ọ nọ dannị Osolobuẹ alị, fe ẹ,

Jobu 2:12

Ogẹn wẹ gi lecheni Jobu, ete marịnzịnị w'a; wẹ nọ tikpọpụ ẹkwan, hụn ịhịan ile rị a nụ; a dọka wẹ ẹwuru ye enwẹn wẹ olu, bụọ uzunzun ye isi.

Jobu 42:6

Ifẹnrẹn enwẹn m e mẹgbugụọ m; E rogharịgụọ m nwan, a gwọrị m imẹ uzunzun lẹ ntụn!”

Ẹkwan 2:10

Ndị-ichẹn rị imẹ Nwagbọọ wụ obodo Zayọnụ gwọrị nwan alị, gbachanrịn nkịtịn; a bụọgụọ wẹ uzunzun ye isi, yirisọnmẹ ẹkwa-achọ nke ndị ihiẹn mẹ. Ịgbagba Jerusalẹm rị nwan e bu ihun a kọma alị.

Ọgụngụn 14:6

Joshụa nwa Nọnụ lẹ Kalẹbụ nwa Jefunẹ, ndị rị imẹ ndị ahụn jẹn d'e lele alị ahụn, nọ dọka ẹkwa ye enwẹn wẹ olu gi ghọsị nị ihiẹn rị e mẹni a jọka,

Ọgụngụn 16:22

Kanị Mozizi lẹ Ẹrọnụ nọ tụha enwẹn wẹ alị bu ihun kpumẹ alị, kwanma ẹkwan, sị, “Euu Osolobuẹ, Chuku hụn gi ndụn ịhịan ile, n'i busọn ịhịan ile olulu bụ onyẹ ohu sụọ mẹ njọ?”

Ọgụngụn 16:45

“Gha nị ebe ndịnị rị pụ, nị m gbupụ wẹ ozigbo.” Mozizi lẹ Ẹrọnụ nọ tụha enwẹn wẹ alị bu ihun kpumẹ alị, rịọma a.

Ọrụn Ndị-ozi 14:14

Kanị ogẹn ndị-ozi hụ pụ-ichẹn wụ Banabasị lẹ Pọlụ gi nụ ihiẹnni, wẹ nọ dọka ẹwuru ye enwẹn wẹ olu, gbaban imẹ igunrun hụ, e yi,

Joshụa 7:7

Joshụa nọ sị, “Euu, Di-nwọnni ẹnyi wụ Osolobuẹ, k'i weni ndịnị fetu Iyi-Jọdanị, bịa ebeni d'e we ẹnyi ye ndị Amọ gbu? Euu, k'o furu ẹnyi nị azụụn Iyi-Jọdanị hụn ẹbọ ahụn jun ẹnyi ẹfọ!!

Rẹvẹleshọnụ 18:19

A bụọ wẹ uzunzun ye isi, a kwan, e goo, a sị, “Heuu! Heuu! Ledẹ Obodo uku nwẹn ndị ile nwọn ụgbọ-mirin a gba imẹ ohimin gi ẹfe ẹ hi ọdanfịn! O gigụọ ube ohu, mgbahunmẹ ọkụrọkụ ohu, gba okpokoro!

Ndị Han Eṅẹn 11:35

Ogẹn Jẹfta gi hụn a, Jẹfta nọ dọka ẹkwa ye enwẹn ẹ olu, yi, “Heuu, Nwa m! Y'e gbu ẹ m!! Y'e mẹ m gwọrị alị; y'e yegụọ m ụya ri! E kweọlẹ m Osolobuẹ nkwa m jẹnkọlẹni d'a sa ẹka kagbu.”

Ndị Han Eṅẹn 20:23

Ndị Izrẹlụ nọ jẹn d'a kwanghọsị Osolobuẹ d'e ru ẹnyasị. Wẹ nọ jụma Osolobuẹ, sị, “Nị ẹnyi jẹnzi d'a lụsọn ndị Bẹnjamini umunẹ ẹnyi ọgụn?” Osolobuẹ nọ sị wẹ, “Jẹn ni d'a lụsọn wẹ.”

Ndị Han Eṅẹn 20:26

Ya ndị Izrẹlụ nọ shi Bẹtẹlụ, wẹ ile. Wẹ nọ gwọrị alị ebẹhụ ihun Osolobuẹ, a kwan ẹkwan; e bu wẹ ọnụ ụhụọhịn ahụn d'e ru ẹnyasị; a chụnyeni wẹ Osolobuẹ ẹjan: kẹ ndị wẹ dụn ọkụn kẹ ẹjan-ekele.

Ndị Han Eṅẹn 21:2

Ya wẹ ile nọ shi obodo Bẹtẹlụ kẹ agha bigụ, nọdị alị ihun Osolobuẹ ebẹhụ d'e ru ẹnyasị, e goo, a kwangbu enwẹn wẹ,

Samuẹlụ Nke Ibuzọ 4:12

Ụhụọhịn ahụn, okẹnnyẹ ohu, onyẹ ebọn Bẹnjamini nọ gha ọgbọ-agha gbaha Shilo. Ọ dọkagụọ ẹkwa a, kpọn uzunzun ye isi.