Joshụa 7:3 - Ika

³ A lụaha wẹ, wẹ nọ sị Joshụa, “Ẹlẹ hụn ndị-agha ile e gi jẹn d'a lụsọn Aị ọgụn; zihụ ihiẹn nọ kẹ mmadụ nnụ-uku ẹbụọ mọbụ ẹtọ. Anịlẹ ndị-agha ile ta afụnfụn jẹnmẹ, makẹni ndị Aị ebuni ọda.”

Joshụa 7:3 Iomraidhean Croise

Itẹn 13:4

Ihiẹn a gụnsọnmẹ onyẹ-nzụnzụn bụ onwọnni hụn e ru ẹ ẹka; kanị onyẹ ẹka shi ikẹn e nwọnhẹnchanrịn ihiẹn rị a gụn a ẹgụn.

Itẹn 21:25

Ihiẹn a gụn onyẹ-nzụnzụn k'a gụngbu ẹ, makẹni ọ jụgụọ ịrụn ọrụn —

Luku 13:24

“Shikwọ nị ọnwụn nị ụnụ banye ọnụmụzọ hụ mẹ warara! Makẹni ndị bu ọda jẹnkọ d'a lịlịma nị wẹ banye, kanị asakọ wẹ ẹka.

Hibru 4:11

Nị ẹnyi lịlịma nị nwan, kẹni ẹnyi banye d'e zu ikẹn hụ, amamgbe ọ gha e nwọn onyẹ danpụnị yeni inupụ-isi kẹ ndị mbụ dọn nupụ isi.

Joshụa 7:2

Joshụa gha Jẹriko zijẹn ikẹnnyẹ obodo Aị hụn rị elu-òke ẹhụ Bẹt-Avẹni, ẹbamịn ọwụwa-ẹnyanwụn Bẹtẹlụ, sị wẹ, “Jẹn ni d'e gi nzuzue lele kẹ obodo Aị nọ,” ya wẹ nọ jẹn d'e lelehunmẹ obodo Aị.

Joshụa 7:4

Ya ihiẹn nọ kẹ mmadụ nnụ-uku ẹtọ nọ jẹnmẹ, ndị Aị nọ chụ wẹ ọsọ,

Pita Nke Ẹbụọ 1:10

Umunẹ m, lịlịma nị nwan kẹni ụnụ wụsọnmẹ ndị Osolobuẹ kpọ lẹ ndị ọ họrị d'e ru isi ẹ. Makẹni, ụnụ gha e mẹ ẹrịra onwọnni ogẹn ụnụ e gi dan!

Pita Nke Ẹbụọ 1:5

Ufiri ẹ, lịlịma nị nwan ụzọ ile nị ụnụ we ịrị-mma cheni okukwe ụnụ; ụnụ e we ịmarịn-ihiẹn cheni ịrị-mma ụnụ.