Joshụa 7:24 - Ika

²⁴ Ya Joshụa lẹ ndị Izrẹlụ ile nọ weri Ekanị nwa Zẹra lẹ siliva hụ lẹ ẹkwa hụ lẹ ogbe goru hụ lẹ ụmụ a ikẹnnyẹ lẹ ụmụ a ikpoho lẹ efin ẹ lẹ Jaki ẹ lẹ atụnrụn a lẹ ọdụ o bi lẹ ihiẹn ile o nwọn, we wẹ shi Ọdanmgbugbu Ekọ.

Joshụa 7:24 Iomraidhean Croise

Jẹnẹsisi 18:25

Y'e mẹkọ ẹrịra! Onwọnni ogẹn y'e gi tikpọgbama ndị ezi-omumẹ lẹ ndị-njọ, nke wụnị ihiẹn mẹ ndị-njọ e mẹ ndị ezi-omumẹ. Onwọnni ogẹn yụ wụ Osolobuẹ e gi mẹ ẹ! Ọka-ikpe ụwa ile a hankọ eṅẹn rị mma?”

Jobu 20:15

O k'a jụpụha akụ-lẹ-ụba o lue; Chuku k'e mẹ ẹfọ a gbọpụha wẹ.

Ọpụpụ 20:5

akpọkwọlẹni ni wẹ isi alị mọbụ fe wẹ; makẹni mmẹ, hụn wụ Osolobuẹ, Chuku ụnụ, wụ Chuku ẹnya a fụ omẹni wẹ ye onyẹ ọzọ ihiẹn runi m. M'e gi njọ ndị ize m e ze e sọn ụmụ wẹ d'e rudẹ agbọ nke ẹtọ lẹ nke ẹnọ.

Itẹn 15:27

Onyẹ ẹnya-uku e sehẹni ikpụlọ a nsọngbu, kanị onyẹ hụn ghalẹni a narịn ihiẹn furulẹni n'ọ narịn k'a rị ndụn.

Ẹkịliziastisi 5:13

O nwọn ihiẹn ohu jọgbu enwẹn ẹ m hụn elu-ụwanị rị okpuru ẹnyanwụn: onyẹ dọnmẹtọ ẹfe (akụ-lẹ-ụba), gi ẹ wiwi enwẹn ẹ ihiẹn —

Azaya 65:10

Alị Sharọnụ k'a wụzị ebe atụnrụn nọ a kpa nni, Ọdanmgbugbu-Nsọngbu a wụrụ ebe efin a nọ e zu ikẹn — m k'e mẹni ndị nke m hụn e feni m ya.

Hosia 2:15

A nọ m ebẹhụ sị a d'e werizi alị-vaịnị a; e mẹ m Ọdanmgbugbu Nsọngbu họnrin ọnụmụzọ ihiẹn rị mma. Ọ nọ ebẹhụ mẹzi k'o mẹ mbụ, ogẹn o gi rị nwagbọọ ogẹn o gi gha alị Ijiptu pụha.

Joshụa 15:7

Ọ nọ ghazị Ọdanmgbugbu Ekọ pụha Debẹ, gha ebahụn gbegi shi ẹbamịn-ugu, ghapụha Gil'galụ hụn rị nchetarị ihun ebe wẹ gha e fetu ugu Adumim, hụn rị nkọ ẹka-ekpẹn Ọdanmgbugbu Ekọ hụ; ọ nọ jẹnsọnmẹ d'e ru mirin ndị ahụn rị Ẹn-Shẹmẹshi, d'a pụha Ẹn-Rogẹlụ.

Joshụa 22:20

Ogẹn hụ Ekanị nwa Zẹra gi latọ ihiẹn Osolobuẹ ku, weri ihiẹn wẹ gichanrịn kwanị Osolobuẹ, ẹlẹ ọnụma lẹ afụnfụn kẹ Osolobuẹ gi sọn Izrẹlụ ile? Ndị ọzọ e gizighọ ufiri njọ a nwụn.’ ”

Joshụa 6:18

Ka kpachanpụkwọ nị ẹnya makẹ ihiẹn ndịnị wẹ wechanrịngụ kwanị Osolobuẹ gha a la ụnụ ẹnya, amamgbe ụnụ e weri hụn ọwụlẹ imẹ wẹ, ụnụ lẹ enwẹn ụnụ e họnrin ihiẹn wẹ jẹnkọ d'e tikpọchanrịn. Makẹni, ụnụ mẹ ẹ, ụnụ e mẹ igunrun Izrẹlụ ile họnrin ihiẹn wẹ sikọ d'e tikpọ, gi ẹ buhẹni wẹ nsọngbu.

Joshụa 6:21

Ya wẹ nọ we obodo hụ kwanị Osolobuẹ, gi ọpịa-agha gbuchanrịn ihiẹn ile rị ndụn imẹ ẹ: kẹ ikẹnnyẹ kẹ ikpoho, kẹ ikoro kẹ ẹgẹdi, kẹ efin kẹ atụnrụn lẹ ewu kẹ jaki.

Joshụa 7:1

Kanị ndị Izrẹlụ gi ẹka-ẹbụọ sọn ihiẹn ndị ahụn wẹ gi kwanị Osolobuẹ wẹ sị wẹ ewelẹ; Ekanị nwa Kami nwa Zimri nwa Zẹra, onyẹ ebọn Juda, gha imẹ ihiẹn ndị ahụn wẹ gi kwanị Osolobuẹ weri, Osolobuẹ nọ gi olulu mẹ ndị Izrẹlụ ihiẹn.

Joshụa 7:23

Wẹ nọ wepụha wẹ imẹ ọdụ ahụn, we wẹ jẹnni Joshụa lẹ ndị Izrẹlụ ile, kpọn wẹ tọ ihun Osolobuẹ.

Joshụa 7:26

Ya wẹ nọ kpọn ikpọn ọmụma hi-ogbe kwasị Ekanị. Ikpọn ọmụma hụ rịkwọ nwan ebẹhụ d'e ru tannị. Ya kẹ olulu Osolobuẹ nọ rọ. Ihiẹn w'a kpọ nwan ebẹhụ d'e ru tannị wụ Ọdanmgbugbu Ekọ hụn wụ Ọdanmgbugbu Nsọngbu.