Joshụa 7:19 - Ika

¹⁹ Ya Joshụa nọ sị Ekanị, “Nwa m, ku ezioku gi ye Osolobuẹ wụ Chuku Izrẹlụ ọghọ. Gwa m nwan ihiẹn i mẹ; ezuemẹlẹni m'ẹ.”

Joshụa 7:19 Iomraidhean Croise

Ndị-nze Nke Ẹbụọ 20:15

Azaya nọ sị a, “Kịnị kẹ wẹ hụn imẹ obi-eze i?” Hezikaya nọ sị a, “A hụngụọ wẹ ihiẹn ile rị obi-eze m. Onwọnni ihiẹn rị ebe ile m'e dọnmẹ ihiẹn hụn m ghọsịlẹni wẹ.”

Ihiẹn Mẹni Nke Ẹbụọ 30:22

Hezikaya nọ ku ndụn ye ndị Livaị obi, makẹni wẹ ghọsị n'a ghọtaghọ wẹ kẹ w'e fe Osolobuẹ ọhụnma. Wẹ nọ ri oriri hụ ọrọgbọ akp'ọhịn ẹsa wẹ gi e ri ẹ, a chụn ẹjan-ekele, a kpanmịn Osolobuẹ, Chuku ndị nẹdi wẹ.

Ẹbụ-ọma 32:5

Ya kẹ m nọ kweri gwa ị n'e mẹọlẹ m njọ; ezuemẹzinini m'ị njọ m; e sị m enwẹn m, “M jẹnkọ d'a gwaghọsị Osolobuẹ eje-ihiẹn ndị m mẹ.” Ya ị nọ gbagharị m njọ m. Sẹla

Ẹbụ-ọma 51:3

A marịnghọ m n'e mẹọlẹ m njọ: ogẹn ile kẹ njọ m gi a ma m ikpe.

Itẹn 28:13

Ara masịnị onyẹ hụn e kpumẹ njọ a, kanị onyẹ hụn e kupụha njọ a, e bihutọ ẹka, kẹ wẹ e mẹni omikẹn.

Azaya 13:12

M jẹnkọ d'e mẹ ịhịan kọkarị ezigbo goru, kọkarịdẹ goru alị Ofiri.

Jerimaya 13:16

Kwerikwọ nị hụn Osolobuẹ wụ Chuku ụnụ ku gi ye ẹ ọghọ — o gini d'e mẹ ishi gbakpumẹ ụnụ, ụnụ gini d'a kpọgburumẹ lekẹ onyẹ-ijẹn ghakọ elu òke ebe eki rị e gi. Ụnụ rị a tụ ẹnya ukpẹ, kanị Osolobuẹ k'e mẹ ẹ wụrụ ẹkpa-ishi; o k'e mẹ ẹ wụrụ okẹn ishi.

Daniẹlụ 9:4

M nọ mẹ ekpere jẹnni Osolobuẹ wụ Chuku m, e kupụha njọ ẹnyi, sị, “Dodo, Di-nwọnni-ẹnyi, Chuku uku, hụn w'a tụ egun ẹ, hụn e nwọnsọnmẹ ihiẹn-ọsụsụọ ndị ihiẹn ẹ a sụọ hụn rị e mẹ ihiẹn o ku,

Luku 17:18

Onwọnni nwan onyẹ kin azụụn d'a ja Osolobuẹ mma wezụka onyẹ alị ọzọnị?”

Jọnụ 9:24

Ya wẹ nọ kpọ okẹnnyẹ hụ ẹnya te kpu ishi nke mgbe ẹbụọ, sị a, “Ku ezioku gi ye Osolobuẹ ọghọ! Ẹnyi a marịnghọ nị okẹnnyẹni wụ onyẹ-njọ.”

Ndị Rom 10:10

Makẹni, ịhịan gi obi ẹ kweri, Osolobuẹ a kpọ a onyẹ ezi-omumẹ; o gi ọnụ a ku ẹ n'o kwerighọ, Osolobuẹ a zụọpụha a.

Timoti Nke Ẹbụọ 2:25

e gi nwayọ a kọwanị ndị ghalẹni e kweyen'ẹ, makẹni Osolobuẹ nwọn ikẹn mẹ wẹ rogharị, bịa d'a marịn ezioku,

Taịtọsụ 2:2

Kuzi ikẹnnyẹ-ọba wẹ wụrụ ndị ẹnya dọn, ndị furu w'a gbaye, ndị e kwọndọn enwẹn wẹ, ndị turu ọhụnma ebe okukwe lẹ ihiẹn-ọsụsụọ lẹ ndidin rị.

Jemisi 1:20

makẹni olulu ịhịan ara wẹhẹ ihiẹn Osolobuẹ chọ.

Joshụa 7:20

Ekanị nọ sị Joshụa, “Ezioku rọ; e mẹgụọ m Osolobuẹ wụ Chuku Izrẹlụ njọ. Lee ihiẹn m mẹ:

Rẹvẹleshọnụ 16:9

Ọ ma wẹ ọda-ọda, wẹ nọ kpọma Osolobuẹ hụn rị e zihẹ afụnfụn ndịnị wẹ iyi. Egini w'ẹ rogharị, ye ẹ ọghọ.

Samuẹlụ Nke Ibuzọ 14:43

Sọlụ nọ sị Jonatanị, “Gwa m ihiẹn i mẹ.” Jonatanị nọ sị a, “Mirin-ẹnwụn mmaka mẹhụ ẹkẹrẹ kẹ m gi ọnụnụ ọkpọ m danmịn. Ọhụn kẹ m jẹnkọ d'a nwụnhụnnị?”

Samuẹlụ Nke Ibuzọ 6:5

Kpụ ni ihiẹn-ofifi ndị hụ lẹ oke ndị hụ rị e wiwi alị ụnụ, ụnụ e gi wẹ ye mmọn Izrẹlụ ọghọ. Ikẹnkwọ o sekin ẹka mẹbehi ụnụ lẹ mmọn ụnụ lẹ alị ụnụ ihiẹn ọ rị e mẹ ụnụ.