Joshụa 7:15 - Ika

¹⁵ Onyẹ ọ nwụndọn gi ihiẹn wẹ gi kwachanrịnnị Osolobuẹ, wẹ k'e girịrị ọkụn dụngbu ẹ: kẹ ịya kẹ ihiẹn ile o nwọn, makẹni o tikpọgụọ Iwu rị ẹgbata Osolobuẹ lẹ Izrẹlụ; o mẹgụọ ihiẹn-ifẹnrẹn imẹ Izrẹlụ.”

Joshụa 7:15 Iomraidhean Croise

Jẹnẹsisi 34:7

Ogẹn o gi ru iwe Jekọpụ, ụmụ Jekọpụ a nụọlẹ ihiẹn mẹ nwẹnẹ wẹ, gha ebe wẹ nọ e du anụ lụaha ozigbo. Ọ hụ a fụ wẹ, e bu wẹ olulu makẹni Shẹkẹm e mẹgụọ ebọn Izrẹlụ ihiẹn ụya ebe ọ nọ mẹrụ nwa Jekọpụ — ihiẹn wẹ ghalẹni e mẹ.

Samuẹlụ Nke Ẹbụọ 13:13

Elebe m'e zuemẹ ihun yeni ihiẹn-ifẹnrẹnni? Ịyụ nwẹn? O ru a gụn wẹ i ye ndị nwọnlẹni uche imẹ Izrẹlụ. Dodo, gwa nwan eze, ọ sịkọ m alụlẹ i.”

Joshụa 7:11

Izrẹlụ e mẹgụọ njọ; e tikpọlẹ wẹ Iwu m gi kwọngbama mmẹ lẹ wẹ. E buchegụọ wẹ ẹka ihiẹn ndị ahụn wẹ gi kwanị m weri; e zunọlẹ wẹ ohin; a tụọlẹ wẹ ntụ; e bugụọ wẹ ihiẹn ndị ahụn che imẹ ihiẹn wẹ.

Joshụa 7:16

Eki e fọn ụzụtụntụn, ya Joshụa nọ mẹ ndị Izrẹlụ pụha ebọn-ebọn, Osolobuẹ nọ nwụndọn ebọn Juda;

Ndị Han Eṅẹn 20:10

Ẹnyi jẹnkọ d'e werisọnmẹ mmadụ iri imẹ madụ ọgụn isẹn ọwụlẹ rị alị Izrẹlụ, madụ ọgụn-isẹn imẹ mmadụ nnụ-uku, mmadụ nnụ-uku imẹ mmadụ nnụ-uku iri, nị wẹ e ye ndị-agha ihiẹn rị wẹ mkpa. Ogẹn ahụn, ndị agha ru Gibia rị Bẹnjamini, a hụn wẹ ụzọ mẹ wẹ ihiẹn furu arụnị ile wẹ mẹ imẹ Izrẹlụ.”

Ndị Han Eṅẹn 20:5

O ru imẹ abalị, ikẹnnyẹ Gibia nọ chọha m, kehunmẹ ụlọ hụ, a chọ nị wẹ gbu m. Wẹ nọ weri mgba m, mẹ mgba a, nkewụnị ọ nwụnhụn.

Ndị Han Eṅẹn 20:6

M nọ nwan buru mgba m, bekika a, we ụzọ ohu-ohu zijẹnni azụụn ile rị alị Izrẹlụ, makẹni imẹ Izrẹlụ kẹ wẹ nọ mẹ eje-ihiẹnni lẹ ihiẹn-ifẹnrẹnni.

Samuẹlụ Nke Ibuzọ 26:21

Ya kẹ Sọlụ nọ sị, “E mẹọlẹ m njọ. Defidi nwa m, kinhẹn nwan. Makẹni y'a kpọlẹ ndụn m ihiẹn rị mkpa tannị, achọkọzị m'ị njọ. Ezioku-ezioku, e zuzuọlẹ m nzuzu, mẹfie ọda-ọda.”