Joshụa 7:12 - Ika

¹² Izrẹlụ asakọ nwan ẹka che ndị-iṅẹnrẹn wẹ ọgụn; wẹ rị a gbanị ndị-iṅẹnrẹn ọsọ makẹni wẹ lẹ enwẹn wẹ e họnringụọ ihiẹn wẹ k'e tikpọ. Anọyekọzịnị m ụnụ sokpan ụnụ tikpọ ihiẹn ọwụlẹ wụ ihiẹn wẹ k'e tikpọ hụn rị imẹ igunrun ụnụ.

Joshụa 7:12 Iomraidhean Croise

Ẹbụ-ọma 44:10

Y'e mẹgụọ ẹnyi gbanị ndị-iṅẹnrẹn ẹnyi ọsọ, ndị iwe ẹnyi rị e we a kịrị ihiẹn ẹnyi.

Ẹbụ-ọma 60:10

Chuku, y'a jụtọgụọnị ẹnyi? Y'a ra sọnzi ndị-agha ẹnyi jẹn agha!

Itẹn 28:1

Onyẹ eje-omumẹ a gba ọsọ bụ onwọnni onyẹ chụkọn'a, kanị onyẹ ezi-omumẹ e mẹ kẹ ẹwọrọ hụn egun ghalẹni a tụ.

Azaya 59:2

Njọ ụnụ e kebegụọ ụnụ lẹ Chuku ụnụ; njọ ụnụ haịn o gi bupụ ụnụ ẹnya, ya haịn o gilẹni e gọn ụnụ ntịn.

Jerimaya 23:33

“Ya Osolobuẹ nọ sị mmẹ wụ Jerimaya: Ọsụọn'a ịhịan-mmaka mọbụ onyẹ-amụma mọbụ onyẹ nchụn-ẹjan jụ ị, ‘Elee ibu ozi kẹ Osolobuẹ bukwasị ị nwan n'i zi?’ Sị hụnyẹ, ‘Elee ibu rọzị mmanị yụ?!’ Osolobuẹ sị, ‘M k'e ziẹn i tuhu.’

Jerimaya 6:8

Ịyụ wụ Jerusalẹm, nụkwọ nwan, amamgbe m'a la ị tọ, mẹ alị ị họnrin atụ — alị nwọnlẹni onyẹ bin'ẹ.”

Hosia 9:12

Ọsụọkwọn'a wẹ zụn ụmụ, m k'e gbuchanrịn ụmụ wẹ. Nke wẹ k'a jọgbu enwẹn ẹ, ogẹn m'e gi la wẹ tọ!

Habakọkụ 1:13

Ịyụ, hụn rịkẹnmẹ ọchan, hụn ghalẹni e gi ẹnya e legha eje-ihiẹn, onyẹ ghalẹni e gi ihiẹn furulẹni e mẹ ẹhụ. K'ị shịapụnị nwan ẹnya e lee ndị ghẹrẹ-ghẹrẹ-ghẹrẹ? K'ị gbanị nwan nkịtịn eje-ndị hụ e luepụ ndị ka wẹ mma?

Ọgụngụn 14:39

Ogẹn Mozizi gi gwa ndị Izrẹlụ ihiẹnni, wẹ nọ kwan ẹkwan ọda-ọda.

Ọgụngụn 14:42

Ejẹnkwọlẹ ni alị òke ndị hụ — nị ẹlẹkwọ ụnụ lẹ Osolobuẹ wị. Ndị-iṅẹnrẹn ụnụ k'e mẹrikwọ ụnụ;

Ọgụngụn 14:43

ndị Amalẹki lẹ ndị Kenaanị k'a lụsọn ụnụ ọgụn ebahụn. Hụnnị ụnụ gbakịtọgụ Osolobuẹ azụụn, ọ nọyekọnị ụnụ, wẹ k'e gi ọpịa-agha gbu ụnụ.”

Ọgụngụn 14:45

Ya ndị Amalẹki lẹ ndị Kenaanị hụn bisọnmẹ ẹgbẹrẹ òke hụ nọ gbadan d'a maye wẹ ọgụn, mẹshi wẹ ikẹn, gbukọ wẹ, chụkọ wẹ d'e rukwọrị Homa.

Ditrọnọmi 7:26

Ewebanhanlẹ ni ihiẹn Osolobuẹ a sọ iwe ụnụ, amamgbe ụnụ e sọn ẹ wụrụ ihiẹn Osolobuẹ jẹnkọ d'e tikpọ. Wẹ wụrụnị ụnụ ihiẹn rụchanrịnnị, ụnụ a sọchanrịn wẹ, makẹni ihiẹn Osolobuẹ jẹnkọ d'e tikpọ kẹ wẹ wụ.

Joshụa 6:18

Ka kpachanpụkwọ nị ẹnya makẹ ihiẹn ndịnị wẹ wechanrịngụ kwanị Osolobuẹ gha a la ụnụ ẹnya, amamgbe ụnụ e weri hụn ọwụlẹ imẹ wẹ, ụnụ lẹ enwẹn ụnụ e họnrin ihiẹn wẹ jẹnkọ d'e tikpọchanrịn. Makẹni, ụnụ mẹ ẹ, ụnụ e mẹ igunrun Izrẹlụ ile họnrin ihiẹn wẹ sikọ d'e tikpọ, gi ẹ buhẹni wẹ nsọngbu.

Ndị Han Eṅẹn 16:20

Ya ọ nọ hị a, “Samsịn, ndị Filistia e rugụọ ị ẹhụ!” O tẹnhin ụran, e ro, “M k'a pụ kẹ m'a pụ mbụ, mẹhunmẹ, a nahịn m.” Ọ marịnnị Osolobuẹ a lagụọ a tọ.

Ndị Han Eṅẹn 2:14

Osolobuẹ nọ gi ọnụma sọn ndị Izrẹlụ, we wẹ ye ẹka ndị ohin, wẹ hụ a maye wẹ, a narịn wẹ ihiẹn wẹ; o re wẹ ye ndị iṅẹnrẹn wẹ rị wẹ azụụn ile, asazịnị wẹ ẹka che wẹ ọgụn.

Ndị Han Eṅẹn 2:4

Ogẹn mmọn-ozi Osolobuẹ hụ gi gwagụ ndị Izrẹlụ ile ihiẹn ndịnị, wẹ nọ kwan ezigbo ẹkwan.

Samuẹlụ Nke Ibuzọ 14:38

Ya kẹ Sọlụ nọ sị, “Ụnụ ile ndị ndu-agha, bịa nị ebeni, nị ẹnyi chọpụha njọ wẹ mẹ tannị.