Joshụa 6:27 - Ika

²⁷ Osolobuẹ nọyeni Joshụa, ẹfan a hụ a kpọ alị ile.

Joshụa 6:27 Iomraidhean Croise

Jẹnẹsisi 39:21

Kanị Osolobuẹ nọ nọyeni Josẹfụ, mẹn'ẹ ẹfọma, mẹ ihiẹn ẹ sụọma onyẹ e lepụ ndị-ngan ẹnya.

Samuẹlụ Nke Ẹbụọ 7:9

A nọyegụọnị m'ị ebe ọwụlẹ i jẹn, e mẹrigụọnị m'ị ndị iṅẹnrẹn i ile. M jẹnkọ nwan d'e mẹ ẹfan ị kpọ nọkẹ ẹfan ndị kachanrịn okẹn-ịhịan e mẹ elu-ụwa.

Ihiẹn Mẹni Nke Ibuzọ 14:17

Ya ẹfan Defidi nọ kpọgbarị alị ile rị ichẹn-ichẹn, Osolobuẹ nọ mẹ ndị alị ile tụma egun Defidi.

Ẹsta 9:4

Makẹni okẹn-ịhịan kẹ Mọdikaya wụ nwan imẹ obi-eze; ẹfan a a kpọgbarị Azụụn ile, wẹ hụ e giwaye nke ẹ e dọn.

Matiu 14:1

Ogẹn hụ, Hẹrọdụ hụn rị a kị Galili nọ nụ ihiẹn Jizọsị rị e mẹ.

Matiu 18:20

Makẹni ebe ọwụlẹ mmadụ ẹbụọ mọbụ ẹtọ gi ẹfan m zu, mmẹ lẹ wẹ rị ebẹhụ.”

Matiu 28:20

Kuzi ni wẹ, nị wẹ e mẹ ihiẹn ile m sị ụnụ mẹ. Eziẹ, m nọyeni ụnụ ogẹn ile d'e ru ọgụgụ-ogẹn.”

Matiu 4:24

Ya kẹ otiti ẹ nọ kpọgbarị alị Siria ile; wẹ hụ e wẹhẹn'ẹ ndị ile emu rị a kụ, ndị bu ọrịa ichẹn-ichẹn lẹ ndị ihiẹn rị a tụrụ, ndị eje-mmọn rị e ye nsọngbu, ndị ibobo (odudu) lẹ ndị ọrọ, ọ nọ zụọ wẹ.

Ndị Kọrẹntị Nke Ẹbụọ 13:14

Ẹfọma Di-nwọnni-ẹnyi Jesu Kristi lẹ ihiẹn-ọsụsụọ Osolobuẹ lẹ mmẹkọ Mmọn-nsọ ya nọyeni ụnụ ile.

Ditrọnọmi 31:6

Kakẹnmẹ ni; rikin ni obi! Atụlẹ ni egun, amalẹ ni ni piripiri, makẹni ụnụ lẹ Osolobuẹ wụ Chuku ụnụ wị jẹnkọ, ọ hapụkọ ụnụ mọbụ la ụnụ tọ.”

Timoti Nke Ẹbụọ 4:17

Kanị Di-nwọnni-ẹnyi nọyeni m anọyeni; ọ nọ ye m ikẹn, kẹni m hụn ụzọ ziru oziọma alị, zi ẹ nị ndị alị ndị ọzọ ile wụlẹni ndị Ju nụ a. Ọ zụọpụha m ọnụ ẹwọrọ ahụn.

Timoti Nke Ẹbụọ 4:22

Di-nwọnni-ẹnyi ya nọyeni mmọn ị. Ẹfọma Osolobuẹ ya rịnị ụnụ.

Joshụa 1:5

Onwọnni onyẹ sikọ d'a s'ẹka che i ọgụn y'e we nwụn. Kẹ m dọn nọyeni Mozizi kẹ m k'a dọn nọyeni i; alatọkọ m'ị, ajụtọkọ m'ị.

Joshụa 1:9

Agwagụọnị m'ị? Kakẹnmẹ; rikin obi; atụkwọlẹ egun; anịlẹ ndụn gụ ị, makẹni Osolobuẹ wụ Chuku i k'a nọyen'i ebe ọwụlẹ i jẹnkọ.”

Joshụa 9:1

Ndị nze ile rị ẹbamịn ọdịdan-ẹnyanwụn Iyi Jọdanị a nụgụọ ihiẹn ndịnị rị e mẹni: kẹ ndị rị ugu ndị rị alị hụ kẹ ndị rị ukun ugu azụụn shikọ Ohimin kẹ alị ile rịchanrịn mkpẹnrẹn Ohimin hụ — d'e rukwọrị Lẹbanọnụ — ya wụ ndị-nze Hẹti, Amọ, Kenaanị, Pẹrẹzi, Hivu lẹ Jebusu.

Joshụa 9:3

Kanị, nke ndị Gibiọnụ, ogẹn wẹ gi nụ ihiẹn Joshụa mẹ Jẹriko lẹ Aị,

Joshụa 9:9

Wẹ nọ sị a, “Ẹnyi ndị idibo i gha alị tegbu enwẹn ẹ bịa ebeni makẹni ẹnyi a nụgụọ otiti Osolobuẹ wụ Chuku ụnụ, ihiẹn ile o mẹ imẹ alị Ijiptu

Ndị Han Eṅẹn 1:19

Osolobuẹ nọyeni ndị Juda anọyeni. Wẹ nọ gi ẹ weri alị ndị rị ugu; kanị, nke ndị bi alị-aradan, asanị wẹ ẹka chụpụ wẹ, makẹni ndị hụ nwọnsọnmẹ ụgbọ-ẹshin igwe wẹ gi a lụ agha.

Samuẹlụ Nke Ibuzọ 18:14

Ihiẹn ile Defidi mẹ hụ a ghan'a ọda-ọda, makẹni Osolobuẹ nọyen'ẹ.

Samuẹlụ Nke Ibuzọ 2:30

“Makẹ ufiri ẹ, Osolobuẹ, hụn wụ Chuku ndị Izrẹlụ, sị, ‘E te kwegụọ m nkwa nị ikpụnọ ị lẹ ẹbozo nẹdi i jẹnkọ d'a wụsọnmẹ ndị nchụn-ẹjan m.’ Kanị m sị ị nwan nị emẹkọzị m'a! Ndị ye m ọghọ kẹ m k'e ye ọghọ; ndị lelịanị m, e lelịa m wẹ.