Joshụa 6:17 - Ika

¹⁷ Wẹ k'e gikwọ obodo Jẹriko lẹ ihiẹn ile rịn'a kwanị Osolobuẹ ghahanị itikpọchanrịnnị wẹ. Rehabụ ịgbaraja sụọ k'a họdụ, ya lẹ ndị ile ya lẹ wẹ rị iwe ẹ, makẹni o zuemẹ ndị ẹnyi zi d'e lele obodo hụ.

Joshụa 6:17 Iomraidhean Croise

Jẹnẹsisi 12:3

M k'a gọzi ndị hụn gọzini i, kanị, onyẹ bụ ị ọnụ, a bụ m'a ọnụ. Ịyụ kẹ ebọn ile rị elu-ụwa k'a gha nwọnhẹn ngọzi.”

Ẹzra 10:8

nị onyẹ bịalẹni d'e ru akp'ọhịn ẹtọ a napụ w'a ukuu ẹ — nị ịya kẹ ndị-isi lẹ ndị-ichẹn ku, a chụpụ w'a imẹ igunrun ndị Juda lụaha ebe wẹ kpụnjẹn wẹ.

Azaya 34:6

Ẹdeke e jungụọ Ọpịa-agha Osolobuẹ; ụtọrọ e jungụọ a — nọkẹ sị o gbu ewu lẹ ebulu, ụtọrọ rị akụnrụn ebulu. Makẹni Osolobuẹ k'e gbu ịhịan kẹ anụ wẹ gi a chụn ẹjan imẹ obodo Bozra rị alị Ẹdọm — o k'e gbu okẹn ogbugbu imẹ alị Ẹdọm!

Jerimaya 46:10

“Kanị Di-nwọnni-ẹnyi, Osolobuẹ ihiẹn ile rị okpuru ẹ, nwọn ụhụọhịn hụ — ụhụọhịn mmẹgwarị rọ, ụhụọhịn o gi e mẹgwarị ndị-iṅẹnrẹn ẹ. Ọpịa-agha k'e gburi, rijun ẹfọ, ra ẹdeke rajun ẹfọ. Makẹni Di-nwọnni-ẹnyi, Osolobuẹ ihiẹn ile rị okpuru ẹ, k'e gbu wẹ, lekẹ sị wẹ wụ anụ o gi chụn ẹjan imẹ alị hụ rị ẹbamịn-ugu, mkpẹnrẹn Iyi-Yufretisi.

Izikẹlụ 39:17

“Nwa-ịhịan, Osolobuẹ Nwọn Ihiẹn Ile sị: Hị nnụnụ ile rị ichẹn-ichẹn lẹ anụ-ọfịa ile, sị wẹ ‘Zu ni! Gha nị ebe-lẹ-ebe ụnụ rị zugbama d'e ri oriri hi ogbe m rị a kwademẹni ụnụ elu ugu alị Izrẹlụ. D'e ri ni anụ, ra ẹdeke;

Lẹvitikọsụ 27:21

Wẹ wekin alị hụ Ahụa Iyekin-ihiẹn, o họnrin ihiẹn rị nsọ, lanị Osolobuẹ, nọkẹ alị wẹ gi kwanị Osolobuẹ; o họnrin nke onyẹ nchụn-ẹjan hụ.

Maịka 4:13

Osolobuẹ sị, “Lihi nwan Zayọnụ, n'ị kụkpọma wẹ kẹ ọka: m k'e ye i mpịn igwe, ye i akpụkụ igwe-bronzu. Ị k'a kụkpọchanrịn alị ichẹn-ichẹn; we eje akụ-lẹ-ụba wẹ kwanị Osolobuẹ, we ihiẹn ile wẹ nwọn kwanị Onyẹ hụ nwọn ụwa ile.”

Matiu 25:40

Eze sikọ d'a za wẹ, sị, ‘M rị a gwa ụnụ ezioku, ebe ụnụ nọ mẹni onyẹ kachanrịndẹ ntịn imẹ umunẹ m ndịnị ya, mmẹ kẹ ụnụ mẹn'ẹ!’

Ndị Kọrẹntị Ibuzọ 16:22

Ịbụ-ọnụ ya rịnị onyẹ ọwụlẹ ihiẹn Di-nwọnni-ẹnyi ghalẹni a sụọ! Di-nwọnni-ẹnyi, bịa!

Ndị Kọrẹntị Ibuzọ 2:7

Mba, ẹnyi rị e ku oku amamihiẹn Osolobuẹ, ịmarịn-ihiẹn nzuzue hụ Osolobuẹ kwademẹtọ n'o d'e ke ụwa n'o k'e gi ẹ ye ẹnyi ọghọ.

Ndị Galeshịa 3:10

Ndị hụ gi idọnmẹ Iwu e dọn ẹnya a wụrụọlẹ ndị wẹ bụ ọnụ. Makẹni, Ẹkụkwọ-nsọ sị, “Onyẹ ọwụlẹ ghalẹni e dọnmẹ ihiẹn ile wẹ de imẹ ẹhụhụọ Iwu e họnringụọ onyẹ wẹ bụ ọnụ!”

Ndị Galeshịa 3:12

bụ ẹlẹ okukwe kẹ Iwu gi a rụn, makẹni, Iwu lẹ enwẹn ẹ e kugụọ nị, “Onyẹ e mẹ ihiẹn Iwu ku k'e gi wẹ rị ndụn.”

Ditrọnọmi 20:17

Gbuchanrịn nị wẹ — ndị Hẹti, ndị Amọ, ndị Kenaanị, ndị Pẹrẹzi, ndị Hivu lẹ ndị Jebusu; gbupụchanrịn nị wẹ kẹ Osolobuẹ wụ Chuku ụnụ dọn gwa ụnụ.

Hibru 11:31

Okukwe kẹ ịgbaraja wụ Rehabụ gilẹni sọn ndị nupụ isi la ntikpọ, makẹni ọ nabanhanghọ ndị Izrẹlụ gi nzuzue bịa d'e lele alị wẹ.

Hibru 6:10

Makẹni, Osolobuẹ ara mẹgbu ịhịan; ọ zọkọ ọrụn ụnụ lẹ ihiẹn-ọsụsụọ ụnụ ghọsị a ebe ụnụ nọ gi ufiri ẹfan a yeni ndị nke ẹ ẹka, hụn ụnụ rịkwọ nwan e mẹ.

Jemisi 2:25

Ẹlẹ ẹrịra kẹ Osolobuẹ dọnzi kuni ịgbaraja hụ wụ Rehabụ ọhụnma yeni ọrụn a, ogẹn hụ o gi nabanhan ndị Joshụa zi d'e gi nzuzue lele alị Jẹriko, o zuemẹ wẹ, ghọsị wẹ ụzọ wẹ gha la?

Joshụa 2:1

Ya Joshụa nwa Nọnụ nọ gha Shitim wẹ rị gi nzuzue zipụ ikẹnnyẹ ẹbụọ, sị wẹ, “Jẹn ni d'e lele alị hụ, tụmadụ Jẹriko.” Ya wẹ nọ jẹnmẹ. E ru w'ẹ, wẹ nọ banye iwe ịgbaraja ohu ẹfan a wụ Rehabụ; wẹ nọ ranhịn ebahụn eki e we fọn.

Joshụa 2:22

A pụgụ wẹ ebẹhụ, wẹ nọ shi ibẹka hụ ugu rịsọnmẹ, nọ akp'ọhịn ẹtọ ebẹhụ; ndị chọjẹnni wẹ a chọhunmẹgụ wẹ ụzọ ile, ahụnnị wẹ wẹ, wẹ nọ lụaha.

Joshụa 7:1

Kanị ndị Izrẹlụ gi ẹka-ẹbụọ sọn ihiẹn ndị ahụn wẹ gi kwanị Osolobuẹ wẹ sị wẹ ewelẹ; Ekanị nwa Kami nwa Zimri nwa Zẹra, onyẹ ebọn Juda, gha imẹ ihiẹn ndị ahụn wẹ gi kwanị Osolobuẹ weri, Osolobuẹ nọ gi olulu mẹ ndị Izrẹlụ ihiẹn.

Samuẹlụ Nke Ibuzọ 15:3

Jẹn nwan d'a maye ndị Amalẹki, y'e tikpọchanrịn ihiẹn ọwụlẹ wụ nke wẹ. Edọnmẹkwọlẹ wẹ ndụn; ka gbuchanrịn kẹ ikẹnnyẹ kẹ ikpoho kẹ ụmụ-ndu kẹ ndị rị a ra ẹran kẹ efin kẹ atụnrụn kẹ anyịnyan-mkpukpuke kẹ jaki.’ ”

Samuẹlụ Nke Ibuzọ 15:6

Ọ nọ sị ndị Kẹni, “Pụ nị; pụnị nị ndị Amalẹki, amamgbe m'e tikpọ ụnụ cheni wẹ; makẹni ụnụ mẹni ndị Izrẹlụ ile ọhụnma ogẹn wẹ gi gha Ijiptu pụha.” Ya kẹ ndị Kẹni nọ pụnị ndị Amalẹki.