Joshụa 5:5 - Ika

⁵ Ndị ile gha alị Ijiptu pụha kwachanrịn ugun, kanị ndị ile wẹ mụ imẹ atụ ogẹn wẹ gi ghagụ Ijiptu pụha eke kwa.

Joshụa 5:5 Iomraidhean Croise

Matiu 12:7

Omẹni ụnụ te marịn alị okuni: ‘Omikẹn kẹ m chọ, ẹlẹ ịchụn-ẹjan,’ ụnụ e ke gha a ma onyẹ nwọnlẹni ihiẹn o mẹ ikpe.

Ndị Rom 2:26

O mẹ nwan nị ndị kwalẹni ugun e mẹ ihiẹn Iwu ku, ewerikọ wẹ wẹ nọkẹ ndị kwa ugun?

Ndị Kọrẹntị Ibuzọ 7:19

Ịkwa-ugun enwọn ihiẹn ọ wụ; akwanị-ugun enwọn ihiẹn ọ wụ; ihiẹn rị mkpa wụ imẹ ihiẹn Osolobuẹ ku.

Ndị Galeshịa 5:6

Makẹni, imẹ Kraịstị wụ Jizọsị, ịkwa-ugun lẹ akwanị-ugun enwọnni ihiẹn ọ wụ. Ihiẹn rị mkpa wụ okukwe rị e gi ihiẹn-ọsụsụọ a ghọsị enwẹn ẹ.

Ndị Galeshịa 6:15

Kẹ ịkwa-ugun kẹ akwanị-ugun arịnị mkpa, kaka! Ihiẹn rị mkpa wụ nị ịhịan a wụrụọlẹ onyẹ wẹ kedọnzi.

Joshụa 5:4

Ihiẹn haịn Joshụa gi kwa wẹ ugun wụ nị ndị ile gha alị Ijiptu pụha, ikẹnnyẹ ile ru ogo agha, nwụntọ imẹ atụ kẹ wẹ rị ụzọ, kẹ wẹ ghagụ alị Ijiptu pụha.

Joshụa 5:6

Ndị Izrẹlụ wàhunmẹ imẹ atụ ọrọgbọ ahụa ọgụnnaị; wẹ wahunmẹ ọwahunmẹ hụ d'e ru ni ndị ahụn ile rugụ ogo agha ogẹn hụ wẹ gi gha alị Ijiptu pụha a nwụnhụnchanrịn, ndị ahụn ile nupụnị Osolobuẹ isi. Makẹni Osolobuẹ kun enwẹn ẹ sị nị ahụnkọ wẹ alị hụ o kun enwẹn ẹ kwe ndị nẹdi wẹ kanị nkwa n'o k'e ye ẹnyi ya, alị mirin-ẹran lẹ mirin-ẹnwụn jun, e hu.