Joshụa 4:19 - Ika

¹⁹ Nke akp'ọhịn iri imẹ ifọn ibuzọ kẹ ndị Izrẹlụ gi fetu Iyi-Jọdanị, ziẹntọ Gil'galụ hụn rị ebe obodo Jẹriko ru ẹbamịn ọwụwa-ẹnyanwụn.

Joshụa 4:19 Iomraidhean Croise

Ndị-nze Nke Ẹbụọ 2:1

O rugụọ ogẹn Osolobuẹ k'e gi gi ufere-ohiohi buru Ẹlaịja lashi elu-igwee. Ẹlaịja lẹ Ẹlaịsha gha Gil'galụ pụkọ.

Emọsụ 4:4

“A bịakwọ nị Bẹtẹlụ d'e mẹ njọ; a bịakwọ nị Gil'galụ d'e mẹwaye njọ hụ! E wẹhẹ ni ẹjan d'a chụn ụtụntụn ile! A kụkwọ nị ụzọ-ohu-imẹ-ụzọ-iri ụnụ, a kụ n'a akpọhịn ẹtọ-ẹtọ.

Emọsụ 5:5

Agbajẹnzilẹ ni Bẹtẹlụ; abanyezilẹ ni Gil'galụ; efezilẹ ni mgbọn e shi Biẹshẹba. Makẹni, wẹ k'e mẹri Gil'galụ; wẹ k'a kpụnrịrị ndị Gil'galụ shi alị ọzọ; Bẹtẹlụ awụkọzị ihiẹn ọwụlẹ.”

Maịka 6:5

Heuu, ndị nke m! Nyanhankwọ nị eje ihiẹn Balakị eze Mụabụ te romẹni ụnụ lẹ ihiẹn Balaam nwa Bioru za a. Nyanhanzị nị ihiẹn mẹ ẹgbata alị Shitim lẹ alị Gil'galụ! Gi n'ẹ marịn ihiẹn ile rị mma Osolobuẹ mẹni ụnụ.”

Ditrọnọmi 1:3

Kanị o ruọlẹ ahụa ọgụnnaị wẹ rị ụzọ. Ụhụọhịn ibuzọ imẹ ifọn nke mmanaị ahụa hụ kẹ Mozizi gi gwa ndị Izrẹlụ oku ndịnị, gwachanrịn wẹ ihiẹn ile Osolobuẹ sị a gwa wẹ.

Ditrọnọmi 11:30

(Ugu ndịnị rị nfetu Jọdanị, ẹbamịn ọdịdan ẹnyanwụn Jọdanị, azụụn anwụn nọ a rọ; wẹ nọkunmẹ okẹn-osisi Mọrẹ, ẹgbẹrẹ hụ ndị Kenaanị bi imẹ atụ Araba ru azụụn ahụn, ẹhụ Gil'galụ.)

Joshụa 10:43

Ya Joshụa lẹ ndị Izrẹlụ ile ya lẹ wẹ wị nọ kinhẹnzi ebẹhụ wẹ ziẹntọ imẹ Gil'galụ.

Joshụa 10:6

Ya ndị Gibiọnụ nọ zi ozi jẹnni Joshụa ebahụn Izrẹlụ ziẹntọ imẹ Gil'galụ, sị, “Dodo, alatọlẹ idibo i; bịa ozigbo d'a zụọpụha ẹnyi! Yeni ẹnyi ẹka, nị ndị-nze ndị Amọ ile bi elu òke a kịgbamagụọ bịa d'a maye ẹnyi ọgụn.”

Joshụa 15:7

Ọ nọ ghazị Ọdanmgbugbu Ekọ pụha Debẹ, gha ebahụn gbegi shi ẹbamịn-ugu, ghapụha Gil'galụ hụn rị nchetarị ihun ebe wẹ gha e fetu ugu Adumim, hụn rị nkọ ẹka-ekpẹn Ọdanmgbugbu Ekọ hụ; ọ nọ jẹnsọnmẹ d'e ru mirin ndị ahụn rị Ẹn-Shẹmẹshi, d'a pụha Ẹn-Rogẹlụ.

Joshụa 24:11

“Ụnụ nọ nwan fetu Iyi Jọdanị, pụha Jẹriko. Ndị Jẹriko nọ lụsọn ụnụ agha, ẹrịra kẹ ndị Amọ lẹ ndị Pẹrẹzi lẹ ndị Kenaanị lẹ ndị Hẹti lẹ ndị Gẹgashị lẹ ndị Hivu lẹ ndị Jebusu dọnzi lụsọn ụnụ agha, kanị, m nọ we wẹ ye ụnụ mẹri.

Joshụa 4:18

Ya ndị nchụn-ẹjan nọ gha imẹ iyi ahụn pụha, wẹ lẹ Ẹkpẹti-nkwerigbama Osolobuẹ wẹ bu. Hụn ụkụ wẹ gihụ hụatụ alị mmaka, mirin Jọdanị nọ kinhẹn ọnọdị a, pụzị ọnụ k'ọ rị mbụ.

Joshụa 5:10

Ẹnyasị nke akp'ọhịn mmẹnọ imẹ ifọn hụ, ebẹhụ wẹ rị Gil'galụ rị alị-aradan Jẹriko, ndị Izrẹlụ nọ mẹ Mmẹmmẹ-Nghafe.

Joshụa 5:9

Osolobuẹ nọ sị Joshụa, “E nupụgụọ m ihiẹn-ifẹnrẹn alị Ijiptu imẹ igunrun ụnụ tannị.” Ya wẹ nọ nwan kpọma ebẹhụ Gil'galụ hụn wụ “Nnupụ” d'e ru tannị.

Joshụa 9:6

Ya wẹ nọ jẹn d'e kunrun Joshụa ebẹhụ ndị Izrẹlụ ziẹntọ imẹ Gil'galụ, sị ịya lẹ ikẹnnyẹ Izrẹlụ, “Ẹnyi gha alị teni bịa; ẹnyi bịa kẹni ẹnyi kịgbama.”

Samuẹlụ Nke Ibuzọ 10:8

“Nje Gil'galụ, m lala d'e kunrun i, nị m chụn ẹjan w'a dụn ọkụn lẹ ẹjan-ekele — kanị ị k'e cherikwọ m akpọhịn ẹsa. M bịa, a gwa m'ị ihiẹn i jẹnkọ d'e mẹ.”

Samuẹlụ Nke Ibuzọ 15:33

Kanị Samuẹlụ nọ sị a, “Kẹ ọpịa-agha ị dọn gba ikpoho ẹka nwa, ẹrịra kẹ nnẹ i k'a gba ẹka nwa.” Ya kẹ Samuẹlụ nọ nọ ihun Osolobuẹ imẹ Gil'galụ jakịka Agagị.