Joshụa 3:8 - Ika

⁸ Sị ndị nchụn-ẹjan bu Ẹkpẹti-nkwerigbama, ‘Ụnụ ru mkpẹnrẹn mirin Jọdanị, jẹn ni d'e wuzo imẹ mirin.’ ”

Joshụa 3:8 Iomraidhean Croise

Ndị-nze Nke Ẹbụọ 2:6

Ẹlaịja nọ sị Ẹlaịsha, “Nọdị ebeni; Osolobuẹ zi m Iyi Jọdanị.” Ẹlaịsha nọ sị a, “Ma Osolobuẹ lẹ isi i, aghakọ m ebe ị rị pụ.” Ya wẹ ẹbụọ nọ jẹnsọnmẹ.

Ihiẹn Mẹni Nke Ẹbụọ 29:15

Ogẹn wẹ gi kpọkikomẹgụ umunẹ wẹ ndị nchụn-ẹjan lẹ ndị Livaị, wẹ ile e fepụgụ ẹhụ, wẹ nọ banye d'a jụ Ụlọ-nsọ Osolobuẹ kẹ eze dọn gwa wẹ nọkẹ Iwu Osolobuẹ dọn ku:

Ihiẹn Mẹni Nke Ẹbụọ 29:27

Hezikaya nọ sị wẹ nọ elu ukpo nchụn-ẹjan chụn ẹjan w'a dụn ọkụn. A chụnma wẹ ẹjan hụ, wẹ nọzị bụmanị Osolobuẹ ẹbụ, e gbuye ẹ opi, a kpọye ẹ ihiẹn-egu Defidi eze Izrẹlụ sị wẹ a kpọ ogẹn o gi wụ eze.

Ihiẹn Mẹni Nke Ẹbụọ 29:30

Eze wụ Hezikaya lẹ ndị-isi nọ sị ndị Livaị wẹ gi ẹbụ Defidi lẹ Asafụ onyẹ a hụn ụzọ de jama Osolobuẹ mma, a ghọghọ a ja Osolobuẹ mma, a kụ isi alị.

Ihiẹn Mẹni Nke Ẹbụọ 30:12

Ẹka Osolobuẹ rịzịkwọ imẹ ndị Juda, o ye wẹ obi ohu gi mẹ ihiẹn eze lẹ ịhaịmẹ ẹ sị wẹ mẹ nọkẹ kẹ Osolobuẹ dọn sị wẹ mẹ ẹ.

Nehemiah 13:22

M nọ sị ndị Livaị wẹ fe ẹhụ kẹ Osolobuẹ dọn ku, jẹnmẹ d'e che ọnụ-mgbọn ndị ahụn, nị wẹ dọnmẹ Ụhụọkịn Ezumikẹn nsọ. Euu Osolobuẹ, gizikwọ hụnnị nyanhan m, y'e gi okẹn ihiẹn-ọsụsụọ ị mẹni m omikẹn!

Nehemiah 13:28

Onyẹ ohu imẹ ụmụ Joyada nwa onyẹ-isi nchụn-ẹjan wụ Ẹliashibu rị a lụ nwa-okpoho Sanbalatị onyẹ Horọnụ; m nọ chụpụ nwa Joyada hụ ebe m rị.

Ọpụpụ 14:13

Mozizi nọ za wẹ, sị, “Atụlẹ ni egun! Turu ni; ụnụ jẹnkọ d'a hụn nzụọpụha Osolobuẹ jẹnkọ d'a zụọpụha ụnụ tannị. Nke ndị Ijiptuni ụnụ rị a hụn tannị, ụnụ ahụnkọzị wẹ.

Ẹkwan 3:26

ọ rịka mma nị ịhịan gi ndidin cheri nị Osolobuẹ zụọpụha a.

Joshụa 3:17

Ndị nchụn-ẹjan bu Ẹkpẹti-nkwerigbama Osolobuẹ wuzo akpakalị kọrọnị imẹ etintinnaị Iyi-Jọdanị, d'e ru ni Izrẹlụ ile a gha akpakalị hụ kọrọnị gi ghafechanrịn Iyi-Jọdanị.

Joshụa 3:3

gwakọ wẹ ihiẹn ndịnị: “Ụnụ hụn Ẹkpẹti-nkwerigbama Osolobuẹ wụ Chuku ụnụ kẹ ndị nchụn-ẹjan wụ ndị ebọn Livaị, bu ẹ, gha nị ebe ụnụ rị buli, sọnmẹ ẹ.

Joshụa 3:7

Osolobuẹ nọ sị Joshụa, “Tannị kẹ m k'e bushimẹ i elu idẹnya ndị Izrẹlụ ile, kẹni wẹ marịn nị m nọyen'i kẹ m dọn nọyeni Mozizi.

Joshụa 3:9

Ya Joshụa nọzị sị ndị Izrẹlụ, “Bịa nị d'e gọn ntịn ihiẹn Osolobuẹ wụ Chuku ụnụ kụ:

Joshụa 4:11

wẹ ile e fetugụhụ, Ẹkpẹti Osolobuẹ lẹ ndị nchụn-ẹjan nọ pụha azụụn hụn ẹbọ hụ idẹnya ndị Izrẹlụ ile.