Joshụa 3:17 - Ika

¹⁷ Ndị nchụn-ẹjan bu Ẹkpẹti-nkwerigbama Osolobuẹ wuzo akpakalị kọrọnị imẹ etintinnaị Iyi-Jọdanị, d'e ru ni Izrẹlụ ile a gha akpakalị hụ kọrọnị gi ghafechanrịn Iyi-Jọdanị.

Joshụa 3:17 Iomraidhean Croise

Ndị-nze Nke Ẹbụọ 2:8

Ẹlaịja nọ weri ẹkwa o yi elu ẹwuru ẹ, fịfịma a, gi ẹ fịan mirin hụ. Mirin nwẹn nọ kewa, nọdị azụụnnị lẹ azụụnnị, wẹ ẹbụbụọ nọ gha ebẹhụ kọrọnị fetu.

Ẹbụ-ọma 66:6

Ịya gi ohimin họnrin akpakalị; ndị nke ẹ nọ gi ụkụ fetu; nị ẹnyi gi ihiẹn o mẹ ebẹhụ ghọghọ;

Ọpụpụ 14:21

Mozizi nọ nwan tịnpụ ẹka zinmẹ Ohimin ahụn, Osolobuẹ nọ gi okẹn ufere hụn gha ibe ọwụwa ẹnyanwụn bịa nu mirin Ohimin hụ shi azụụnnị lẹ azụụnnị; ufere ahụn nọ kpọ uhinhin ahụn ile, nu mirin hụ shi azụụnnị-lẹ-azụụnnị, akpakalị nọ pụha.

Ọpụpụ 14:22

Ndị Izrẹlụ nọ gha akpakalị pụhanị fetu Ohimin ahụn, mirin hụ e turu kẹ ụsụọ-ẹjan ẹka-nni lẹ ẹka-ekpẹn.

Ọpụpụ 14:29

Kanị ndị Izrẹlụ nọ gha akpakalị ahụn pụhanị fetu ohimin ahụn, mirin e turu wẹ ẹka-nni lẹ ẹka-ekpẹn nọkẹ ẹhụ-ụlọ.

Azaya 25:8

o k'e luepụ ọnwụn, ọnwụn arịkọzị. Osolobuẹ ihiẹn ile rị okpuru ẹ jẹnkọ d'e finchanpụ ịhịan ile ẹnya-mirin; o k'e wepụ ndị nke ẹ ifẹnrẹn ẹnya elu-ụwa ile. Ya kẹ Osolobuẹ ku.

Ọgụngụn 33:51

“Gwa ndị Izrẹlụ, sị: Ụnụ fetugụ Jọdanị, banye alị Kenaanị,

Hibru 11:29

Okukwe kẹ ndị Izrẹlụ gi ghafe Ohimin ufie nọkẹ sị wẹ ghakọ akpakalị; ndị Ijiptu te chọ nị wẹ ghafe, wẹ nọ ragbu enwẹn wẹ.

Joshụa 4:1

Ogẹn ndị alị Izrẹlụ ile gi fetuchanrịngụ Iyi-Jọdanị, Osolobuẹ nọ sị Joshụa,

Joshụa 4:10

Ndị nchụn-ẹjan hụn bu Ẹkpẹti hụ turu etintinnaị Jọdanị d'e ru ni ndị Izrẹlụ e mẹchanrịn ihiẹn ile Osolobuẹ gwa Joshụa, nọkẹ kẹ Mozizi dọn gwa Joshụa ya. Ndị Izrẹlụ hụhụ ahụhụ fetu;

Joshụa 4:11

wẹ ile e fetugụhụ, Ẹkpẹti Osolobuẹ lẹ ndị nchụn-ẹjan nọ pụha azụụn hụn ẹbọ hụ idẹnya ndị Izrẹlụ ile.

Joshụa 4:22

Sị nị wẹ, ‘Iyi-Jọdanị hubehi, ndị Izrẹlụ nọ gha alị kọrọnị fetu ẹ.’

Joshụa 4:3

sị wẹ gha etintinnaị Iyi-Jọdanị, ebẹhụ ndị nchụn-ẹjan wuzo daị, buru ọmụma mmẹbụọ, ụnụ e bughafe wẹ, bu wẹ tọ ebe ụnụ jẹnkọ d'a nọdị imẹ uhinhinni.”

Joshụa 5:1

Ogẹn ndị-nze ndị Amọ ile rị nfetu Iyi-Jọdanị ẹbamịn ọdịdan-ẹnyanwụn lẹ ndị-nze Kenaanị ile rị mkpẹnrẹn Ohimin Mẹditerenia gi nụ nị Osolobuẹ mẹ mirin Iyi-Jọdanị kọrọhịnị ndị Izrẹlụ, e we wẹ fetuchanrịn, obi nọ dẹnhin wẹ, ndụn ehulehu arịzị wẹ yeni egun ndị Izrẹlụ.