Joshụa 3:16 - Ika

¹⁶ mirin hulanị nọ kụsị ebe te ọhụnma-ọhụnma, turu, e jẹn elu ebẹhụ ọ kụsị imẹ obodo Adam hụn nọkunmẹ Zarẹtanị; onwọnzini mirin rị e hushi Ohimin Araba, hụn wụ Ohimin-Nnu. Ya ndị Izrẹlụ nọ gha ebẹhụ bu ihun zinmẹ Jẹriko fetu.

Joshụa 3:16 Iomraidhean Croise

Jẹnẹsisi 14:3

Ndị-nze isẹnni nọ kịha ndị-agha wẹ ile Ọdanmgbugbu Sidim hụn wụ Ohimin Nnu.

Ndị-nze Nke Ibuzọ 4:12

Baana nwa Ahiludu kị Taanakị lẹ Mẹgido lẹ Bẹt-Shanị ile hụn nọkunmẹ Zarẹtanị hụn rị mkpọtu Jezriẹlụ — ghazị Bẹt-Shanị d'e ru Ebẹlụ-Mehola lẹ ebe Jokmịam ru;

Ndị-nze Nke Ibuzọ 7:46

Kẹ eze dọn gwa wẹ, ụrụa kẹ wẹ gi kpụgụ wẹ, wẹ nọ hu igwe-bronzu rịnranpụnị ye imẹ ụrụa hụ, gi kpụ wẹ — alị ụrụa rị mkpẹnrẹn Iyi Jọdanị, ẹgbata Sukọtụ lẹ Zarẹtanị.

Ẹbụ-ọma 114:3

Ohimin ufie e lee ẹnya, gbama ọsọ! Iyi Jọdanị a gbakinzikwọ azụụn!

Ẹbụ-ọma 114:5

Ohimin, k'ị gbanị nwan ọsọ? Ịyụ wụ Iyi Jọdanị, k'ị gbakinni nwan azụụn?

Ẹbụ-ọma 29:10

Osolobuẹ rị a kị ẹbi-mirin; Osolobuẹ wụ eze a kị jẹnrin ejẹn.

Ẹbụ-ọma 33:7

O wegbama mirin ohimin ụzọ ohu nọkẹ ikpọn-ihiẹn; o bu mirin ohimin e che ụzọ ohu kẹ wẹ dọn e dọnmẹ ihiẹn mmụlọ.

Ẹbụ-ọma 66:6

Ịya gi ohimin họnrin akpakalị; ndị nke ẹ nọ gi ụkụ fetu; nị ẹnyi gi ihiẹn o mẹ ebẹhụ ghọghọ;

Ẹbụ-ọma 74:15

Ịyụ gbawa alị, mirin nọ gbapụhama, iyi e huru; ịyụ mẹzikwọ iyi hụn ghalẹni a tahị, tahị.

Ẹbụ-ọma 77:19

Ị nọ gha Ohimin ahụn kẹ ụzọ, gha mirin ahụn migbu enwẹn ẹ kẹ ọkpụzọ, ahụnnị wẹ ụkụ ị!

Ẹbụ-ọma 78:13

o kewa ohimin ahụn, we wẹ fetu ẹ, o mẹ mirin hụ wuzo ụzọ ohu lekẹ ụsụọ ẹjan, wẹ nọ ghafe.

Ọpụpụ 14:21

Mozizi nọ nwan tịnpụ ẹka zinmẹ Ohimin ahụn, Osolobuẹ nọ gi okẹn ufere hụn gha ibe ọwụwa ẹnyanwụn bịa nu mirin Ohimin hụ shi azụụnnị lẹ azụụnnị; ufere ahụn nọ kpọ uhinhin ahụn ile, nu mirin hụ shi azụụnnị-lẹ-azụụnnị, akpakalị nọ pụha.

Ọpụpụ 14:22

Ndị Izrẹlụ nọ gha akpakalị pụhanị fetu Ohimin ahụn, mirin hụ e turu kẹ ụsụọ-ẹjan ẹka-nni lẹ ẹka-ekpẹn.

Ọpụpụ 14:29

Kanị ndị Izrẹlụ nọ gha akpakalị ahụn pụhanị fetu ohimin ahụn, mirin e turu wẹ ẹka-nni lẹ ẹka-ekpẹn nọkẹ ẹhụ-ụlọ.

Ọpụpụ 15:8

Umẹrẹn i kunpụhụ, mirin ahụn e hubehi, họnrin elumelu; mirin te rị e hu ikẹn-ikẹn e turu ụzọ-ohu — rịkẹ ẹhụ-ụlọ; mirin ohimin a kpụkpụrụ imẹ ohimin.

Azaya 50:2

Kẹ m bịa, kị haịn o gilẹni nwọn onyẹ rịn'a? Kẹ m kpọ oku, kị haịn o gilẹni nwọn onyẹ zanị? Ẹka m e mẹkẹ nkpụrụ nị asa m ẹka zụọpụha ụnụ ra enwọn m ndụn m'e gi zụọpụha ụnụ? Bụ ọjụgbọ mmaka kẹ m gi e mẹ ohimin a tahị, e mẹ iyi ichẹn-ichẹn e họnrin alị ọkpọ-nkụn azụn rị imẹ wẹ a nwụnhụn, shinkpo, makẹni mirin arịa; ẹgụn-mirin e gbu wẹ!

Izikẹlụ 47:8

Ọ nọ sị m, “Mirinni hushikọ ẹbamịn ọwụwa-ẹnyanwụn. O ru, ọ kpọtu shi Ọdanmgbugbu Araba. O k'a gha ebahụn huye Ohimin Nwụnnị; o sikọ d'e mẹ mirin ohimin hụ rị mma.

Nahum 1:4

Ọ bannị ohimin mban, ohimin a tahị; o mẹ iyi a tahị; ẹfịfịa jun Bashanị lẹ ugu Kamẹlụ e shinwụn, osisi jun alị Lẹbanọnụ a kpọpụ nkụn.

Habakọkụ 3:8

“Euu Osolobuẹ, iyi ndị hụ kẹ ị rị e buni olulu ogẹn hụ? Ra iyi k'i rị e weni iwe hụ? Ra ohimin k'ị rị a kpọnị ọnụma hụ? Uwẹ k'i nyinkọnị ẹshin-agha ị ọkụn-ọkụn, ra wẹ k'i nyinkọnị ụgbọ-ẹshin agha i gi a zụọpụha?!

Ọgụngụn 34:3

“Ẹbamịn ndịdan-mirin, o sikọ d'e bidọn okẹn Ohimin Nnu lẹ Ẹdọm, ghasọnmẹ mkpẹnrẹn alị Ẹdọm, pụ alị ọkpọ-nkụn Zini —

Ditrọnọmi 1:1

Oku ndịnị kẹ Mozizi gwa ndị Izrẹlụ ile ogẹn wẹ gi rị imẹ atụ Araba, ihun alị Sufu, ẹbamịn ọwụwa ẹnyanwụn Iyi Jọdanị. Sufu rị ẹgbata Paranị lẹ obodo ndịnị: Tofẹlụ, Labanị, Hazẹrọtụ lẹ Di-zahabụ.

Ditrọnọmi 3:17

Ebe o ru ru ẹbamịn ọdịdan-ẹnyanwụn a wụ Iyi Jọdanị hụn rị ẹgbẹrẹ Araba, gha mirin odiyiri Kinẹrẹti wụ Galili d'e ru Ohimin Nnu rị Araba (Ohimin-Nwụnnị), d'e ruzi ebe Ugu Pisga ru.

Joshụa 12:3

Ịya te kịzị Araba ile rị ẹbamịn ọwụwa-ẹnyanwụn Iyi-Jọdanị: ghakwọrị Ohimin Kinẹrẹti d'e ru Ohimin Araba (Ohimin Nnu), d'e ruzi Bẹt-Jẹshimọtụ; alị a kụyezi Ẹbamịn ẹka-ekpẹn ẹnyanwụn d'e ru ukun ugu Pisga.

Joshụa 15:2

Ẹbamịn ndịdan-mirin hụ bidọn ngugu-mirin rị ebe Ohimin Nnu jẹndemẹ ibẹka hụ,

Joshụa 16:7

ọ nọ gha Janụa kpọtu d'e ru Atarọtụ lẹ Naara, gha Jẹriko d'a pụha Iyi Jọdanị.

Joshụa 3:13

Hụn ndị nchụn-ẹjan bu Ẹkpẹti Osolobuẹ, Onyẹ nwọn ụwa ile gihụ zọ ụkụ ye imẹ Iyi-Jọdanị, mirin ẹ hulanị jẹnkọ d'a kụsị, mawuru.”

Joshụa 4:22

Sị nị wẹ, ‘Iyi-Jọdanị hubehi, ndị Izrẹlụ nọ gha alị kọrọnị fetu ẹ.’

Joshụa 5:1

Ogẹn ndị-nze ndị Amọ ile rị nfetu Iyi-Jọdanị ẹbamịn ọdịdan-ẹnyanwụn lẹ ndị-nze Kenaanị ile rị mkpẹnrẹn Ohimin Mẹditerenia gi nụ nị Osolobuẹ mẹ mirin Iyi-Jọdanị kọrọhịnị ndị Izrẹlụ, e we wẹ fetuchanrịn, obi nọ dẹnhin wẹ, ndụn ehulehu arịzị wẹ yeni egun ndị Izrẹlụ.

Ndị Han Eṅẹn 7:22

Ogẹn opi ọgụn mmisẹn hụ gi han, Osolobuẹ nọ nu ndị-agha Midianị ile, wẹ nọ gi ọpịa-agha gbumẹ ibe wẹ. Ndị họdụ imẹ wẹ nọ gbashi Bẹt-Shita, ibẹka Zẹrera d'e rukwọrị ebe Ebẹlụ-Mehola ru, ẹhụ Tabatị.