Joshụa 3:11 - Ika

¹¹ Lee n'ẹ: Ẹkpẹti-nkwerigbama Onyẹ nwọn ụwa ile jẹnkọ nwan d'e buruni ụnụ ụzọ banye Iyi-Jọdanị.

Joshụa 3:11 Iomraidhean Croise

Ihiẹn Mẹni Nke Ibuzọ 29:11

Ịyụ kachanrịn, ikẹn wụzịkwọ nke i; ọghọ lẹ ikpẹn lẹ mgbaye wụchanrịn nke i — makẹni ihiẹn ile rị igwere lẹ ụwa wụ nke i. Alị eze wụ nke i, Osolobuẹ; ịyụ ka ihiẹn ile.

Jobu 41:11

Onyẹ kẹ m gi ụgwọ hụn m k'a kụrịrị? Mmẹ nwọn ihiẹn ile rị okpuru igwere.

Ẹbụ-ọma 24:1

Elu ụwa wụ nke Osolobuẹ, ịya lẹ ihiẹn ile rịn'a; elu-ụwa lẹ ndị ile bin'ẹ;

Ẹbụ-ọma 97:5

Ugu hụ a rịnranpụ lekẹ ofigbọn kẹ Osolobuẹ, Onyẹ Hụn Nwọn ụwa ile lala!

Azaya 3:12

Ụmụ-ndu hụ a kị ndị nke m nkịgbu, ikpoho hụzịd'a kị wẹ. Euu, ndị nke m, ndị-ndu ụnụ rị e duhuhu ụnụ; e wepụ ụnụ ụzọ rị mma.

Azaya 54:5

Makẹni Chuku hụn ken'i, ịya wụ di i — ẹfan a wụ Osolobuẹ ihiẹn ile rị okpuru ẹ; ẹghẹẹ, Onyẹ-nsọ alị Izrẹlụ wụ onyẹ a gbapụhan'ị; Chuku ụwa ile kẹ wẹ a kpọ a.

Jerimaya 10:7

Onyẹ k'a sị n'ọ gbayekọ ị, ịyụ, Eze alị ile? Mgbaye ru i eru! Makẹni imẹ ndị ile marịn ihiẹn imẹ alị ndị ọzọ lẹ ebe ile ọkịkị wẹ ru, onwọnni onyẹ nọ kẹ ịyụ.

Maịka 4:13

Osolobuẹ sị, “Lihi nwan Zayọnụ, n'ị kụkpọma wẹ kẹ ọka: m k'e ye i mpịn igwe, ye i akpụkụ igwe-bronzu. Ị k'a kụkpọchanrịn alị ichẹn-ichẹn; we eje akụ-lẹ-ụba wẹ kwanị Osolobuẹ, we ihiẹn ile wẹ nwọn kwanị Onyẹ hụ nwọn ụwa ile.”

Zẹfanaya 2:11

Osolobuẹ jẹnkọ d'e mẹshi wẹ ikẹn ọhụnma-ọhụnma; o k'a napụ mmọn ile ikẹn lẹ ọghọ wẹ; alị ndị tegbudẹ enwẹn wẹ rị mkpẹnrẹn ohimin k'a nọ alị wẹ e fe Osolobuẹ.

Zẹkaraya 14:9

Osolobuẹ k'a wụrụ eze ụwa ile. Osolobuẹ sụọ kẹ wẹ k'a gha e fe ogẹn ahụn, ẹfan Osolobuẹ sụọ kẹ wẹ k'a gha a kpọku.

Zẹkaraya 4:14

Ya ọ nọ sị m, “Ndịnị wụ madụ ẹbụọ ahụn Osolobuẹ gi udẹn ẹ tumẹ, madụ ẹbụọ wẹ lẹ Onyẹ ahụn nwọn ụwa ile gba a rụn ọrụn.”

Zẹkaraya 6:5

Mmọn-ozi hụ nọ sị m, “Ndịnị wụ mmọn ẹnọ rị elu-igwee hụn gha ihun Osolobuẹ nwọn ụwa ile pụla kẹ wẹ jẹngụ n'ọ hụn wẹ!

Ditrọnọmi 9:3

Ka marịn nị nwan nị Osolobuẹ wụ Chuku ụnụ wụ onyẹ k'e buruni ụnụ ụzọ nọkẹ ọkụn rị a dụnnị. O k'e tikpọ wẹ; o k'e mẹrini ụnụ wẹ, ụnụ a chụpụ wẹ, gbupụ wẹ ozigbo, nọkẹ kẹ Osolobuẹ dọn kwe ụnụ nkwa.

Joshụa 3:13

Hụn ndị nchụn-ẹjan bu Ẹkpẹti Osolobuẹ, Onyẹ nwọn ụwa ile gihụ zọ ụkụ ye imẹ Iyi-Jọdanị, mirin ẹ hulanị jẹnkọ d'a kụsị, mawuru.”