Joshụa 24:27 - Ika

²⁷ Joshụa nọ sị wẹ ile, “Lee n'ẹ, ọmụmanị k'a shịagbu ẹnyi ẹri. Ọ nụgụọ oku ile Osolobuẹ gwa ẹnyi; ya k'a shịagbu ụnụ ẹri, amamgbe ụnụ e gi ntụ sọn Osolobuẹ ụnụ.”

Joshụa 24:27 Iomraidhean Croise

Jobu 31:23

Egun otikpọ Chuku k'e tikpọ m a tụ m atụ, egun Onyẹ Hụn Ọ Wụ anịnị m mẹ ihiẹn ndị nọ ẹrịra.

Jobu 31:28

ihiẹn ndịnị nkẹ a wụzị njọ w'e gi ye afụnfụn, makẹni ọhụn wụ ịtụ Chuku rị elu ntụ.

Itẹn 30:9

Amamgbe m'e rijunmẹ ẹfọ, gbakitọ ị azụụn, sị, ‘Onyẹ wụ Osolobuẹ?’ Mọbụ a dan m ogbẹnnyẹ, zun ohin, gi ẹ budan ẹfan Chuku m.

Azaya 1:2

Igwere nụ a! Elu-ụwa, gọn ntịn! Makẹni Osolobuẹ sị: “Mmẹ zụn ụmụ, zụnpụha wẹ, kanị wẹ rị nwan a pa oku m.

Azaya 59:13

isi hụn ẹnyi nupụsọnmẹ okpuru Osolobuẹ lẹ ntụ ẹnyi gi sọn ẹ, kẹ ẹnyi dọn gbakitọ Chuku ẹnyi azụụn; a kwadọn nkịgbu lẹ nnupụ-isi, a kpachanpụ ẹnya a tụsọnmẹ ntụ.

Habakọkụ 2:11

Ọmụma wẹ gi tụn ụlọ hụ gha a shịagbu i ẹri, osisi wẹ gi tụn a hụ e kwe ẹ.

Ọgụngụn 11:20

kaka — ụnụ k'e ri ẹ ọrọgbọ ifọn, ri ẹ d'e runi ọ ghama ụnụ imi pụha, d'e ru ni ọ gbụ ụnụ — ebe o mẹ ni ụnụ e lelịagụọ Osolobuẹ hụn rị imẹ igunrun ụnụ, a kwann'a ụya, a sị, ‘Kị ẹnyi ghanị nwan Ijiptu pụha?’ ”

Matiu 10:33

Kanị onyẹ nọ ebe ịhịan rị sị n'ọ marịn m, mmẹ nwẹn jẹnkọ d'a nọzị ebe Nẹdi m rị elu-igwee sị nị amarịn m'a.

Luku 19:40

Jizọsị nọ sị wẹ, “M rị a gwa ụnụ, ndịnị gba nkịtịn, ọmụma ndịnị rị ebeni jẹnkọ d'e yimẹ oro hụ.”

Ditrọnọmi 30:19

M ri a kpọ elu-igwee lẹ elu-ụwa ọshẹri tannị nị e butọgụọnị m ụnụ ndụn lẹ ọnwụn, ngọzi lẹ ọnụ-ẹsọn. Hanrịn nị nwan ndụn nị ụnụ lẹ ụmụ ụnụ hụn ụzọ rị ndụn

Ditrọnọmi 31:19

“Detu ni nwan ẹbụnị, ụnụ a kuzi ndị Izrẹlụ ya, mẹ wẹ bụ a, kẹn'ọ shịagbuni m wẹ ẹri ụhụọhịn ahụn.

Ditrọnọmi 31:21

Ogẹn ihiẹn-ikẹn lẹ nsọngbu bu ọda e gi bịanị wẹ, ẹbụnị k'a shịagbu wẹ ẹri, makẹni ụmụ wẹ azọk'a. A marịnghọ m kẹ wẹ nọ, kẹ hụnnị m kelẹni weban wẹ alị hụ m kun enwẹn m kwe wẹ nkwa a.”

Ditrọnọmi 31:26

“We ni Ẹhụhụọ Iwuni che ẹhụ Ẹkpẹti-nkwerigbama Osolobuẹ wụ Chuku ụnụ. O k'a rịsọnmẹ ebẹhụ a shịagbu ụnụ ẹri, omẹni ụnụ a la a tọ,

Ditrọnọmi 32:1

Igwere, gọn ntịn nị m ku; elu-ụwa, nụ oku-ọnụ m.

Ditrọnọmi 4:26

m rị nwan a kpọ elu-igwee lẹ ụwa nị wẹ shịagbu ụnụ ẹri tannị, nị ụnụ mẹ ẹ, wẹ k'e kpọnchanpụkẹnrin ụnụ alị ahụn ụnụ fetukọ Iyi Jọdanị d'e weri. Ụnụ ebibiekọ ebahụn kaka; wẹ k'e gbuchanrịn ụnụ kọkọrọkọ.

Taịtọsụ 1:16

Wẹ sị n'a marịnghọ wẹ Osolobuẹ, kanị wẹ e gi ihiẹn w'e mẹ a ghọsị n'a marịn w'a. Wẹ wụ ihiẹn-izize; wẹ a gba isi-akwanran; w'a ra saẹka mẹ ihiẹn ọwụlẹ rị mma.

Joshụa 22:34

Ndị Rubẹni lẹ ndị Gadị nọ ye ukpo nchụn-ẹjan hụ ẹfan, “nị ọshẹri k'ọ wụ ẹgbata ẹnyi nị Osolobuẹ kẹ ẹnyi e fe.”

Joshụa 24:28

Ya Joshụa nọ gbashịa wẹ, onyẹ-onyẹ nọ lashi ebe wẹ keye ẹ.

Rẹvẹleshọnụ 3:8

“A marịnghọ m ihiẹn ị rị e mẹ. Lee ẹ, a gụnpụgụọnị m'ị ụzọ hụn o mẹ ni onwọnni onyẹ k'a saẹka gụnman'a, makẹni, ọsụọn'a nị y'e nwọnkẹni ndụn, ị hụkwọ e mẹ ihiẹn m ku, y'a zabehini ẹfan m.

Samuẹlụ Nke Ibuzọ 7:12

Ya Samuẹlụ nọ buru ọmụma ohu zumẹ ẹgbata obodo Mizpa lẹ Shẹni. Ọ nọ gụn a “Ebeniza”, hụn wụ “Ọmụma Eyemẹka” — makẹni ọ sị, “Osolobuẹ eyeọlẹ ni ẹnyi ẹka d'e rukwọ ogẹnni!”