Joshụa 24:19 - Ika

¹⁹ Kanị Joshụa nọ sị wẹ, “Ụnụ asakọ ẹka fe Osolobuẹ, n'ọ wụkwọ Chuku rị nsọ; Chuku ẹnya a fụ ụfụ k'ọ wụ; ọ gbagharịkọkwọ ụnụ nnupụ-isi lẹ njọ.

Joshụa 24:19 Iomraidhean Croise

Ihiẹn Mẹni Nke Ẹbụọ 36:16

Kanị wẹ hụ e gi ndị ozi Osolobuẹ a mụ ẹmụ, e legberi oku Osolobuẹ, a mụ ndị-amụma a ẹmụ — d'e ru ebe Osolobuẹ nọ gi olulu bunụmanị ndị nke ẹ, d'e runi nwanahịn arịzị a.

Ẹbụ-ọma 99:3

Wẹ jama ẹfan ị n'ọ nwọnkẹ ọghọ! Osolobuẹ wụ onyẹ w'a tụ egun ẹ; Onyẹ rị nsọ k'ọ wụ!

Ẹbụ-ọma 99:5

Bushi ni Osolobuẹ wụ Chuku ẹnyi elu; kụ nị isi alị ebe ọ tụkwasị ụkụ! Onyẹ rị nsọ k'ọ wụ!

Ẹbụ-ọma 99:9

Bushi ni Osolobuẹ wụ Chuku ẹnyi elu; fe n'ẹ ofufe elu Ugu nsọ a makẹni Osolobuẹ wụ Chuku ẹnyi rị nsọ.

Ọpụpụ 20:5

akpọkwọlẹni ni wẹ isi alị mọbụ fe wẹ; makẹni mmẹ, hụn wụ Osolobuẹ, Chuku ụnụ, wụ Chuku ẹnya a fụ omẹni wẹ ye onyẹ ọzọ ihiẹn runi m. M'e gi njọ ndị ize m e ze e sọn ụmụ wẹ d'e rudẹ agbọ nke ẹtọ lẹ nke ẹnọ.

Ọpụpụ 23:21

Gọnkwọ a ntịn, e mẹ ihiẹn ọ sị ị mẹ. Agbakwọlẹn'a isi-akwanran. Ị gba isi-akwanran, ọ gbagharịkọkwọ ị, ebe o mẹni Ẹfan m k'o gi.

Ọpụpụ 34:14

Efekwọlẹ ni mmọn ọwụlẹ cheni m, makẹni mmẹ, Osolobuẹ hụn ẹfan a wụ ‘Hụn Ẹnya A Fụ’, wụ Chuku hụn ẹnya a fụ.

Ọpụpụ 34:7

e mẹni onyẹ nkẹ ẹ d'e rudẹ agbọ nnụ-nnụ, a gbagharị eje-ihiẹn, nnupụ-isi lẹ njọ — bụ ara nị onyẹ mẹ eje-ihiẹn la ọfẹ; o gi njọ nẹdi mẹ e sọn ụmụ lẹ ụmụ-ụmụ d'e ru agbọ nke ẹtọ lẹ nke ẹnọ.”

Azaya 2:9

ọghọ ịhịan ile hụ e gi ẹ a lachanrịn, e budanchanrịn wẹ ịhịan ile. Osolobuẹ, agbagharịlẹ wẹ!

Azaya 27:11

Osisi ndị ahụn kpọpụ nkụn, kpagiri, ikpoho e gi wẹ fiye ọkụn. Makẹni ndịnị enwọn nghọta — ya haịn Onyẹ keni wẹ gilẹni e mẹni wẹ omikẹn, Onyẹ keni wẹ ara mẹni wẹ ọhụnma.

Azaya 30:11

Pụ nị ụzọ, ye ni efe, egizilẹ ni oku Onyẹ-nsọ Izrẹlụ ye ẹnyi nsọngbu.”

Azaya 30:15

Di-nwọnni-ẹnyi, hụn wụ Osolobuẹ, Onyẹ-nsọ Izrẹlụ, sị: “Ibihutọ ẹka lẹ igi ndidin cheri m kẹ ụnụ k'e gi wanahịn, ịgba-nkịtịn lẹ igi m dọn ẹnya a wụrụ ikẹn ụnụ, kanị ụnụ ekwerini.

Azaya 5:16

Kanị Osolobuẹ, Onyẹ nwọn ikẹn ile k'e gi ezigbo-eṅẹn ẹ nwọnrin ọghọ, Chuku hụn rị nsọ k'e gi ezi-omumẹ ẹ ghọsị n'ọ rị nsọ.

Lẹvitikọsụ 10:3

Mozizi nọ sị Ẹrọnụ, “Ọnwan wụ ihiẹn ahụn Osolobuẹ ku ogẹn o gi sị; ‘M k'e gi ndị a nọkunmẹni m ghọsị nị m rị nsọ; m k'a hụn a nị ịhịan ile e ye m ọghọ m.’ ” Ẹrọnụ ekuni oku.

Lẹvitikọsụ 11:44

Mmẹ wụ Osolobuẹ hụn wụ Chuku ụnụ; dọnmẹ ni nwan enwẹn ụnụ ichẹn, a rị nị nsọ, makẹni m rị nsọ. Egikwọlẹ ni ihiẹn ọwụlẹ a rịhunmẹ alị mẹrụ enwẹn ụnụ.

Lẹvitikọsụ 11:45

Mmẹ wụ Osolobuẹ hụn gha alị Ijiptu wepụha ụnụ kẹni m hụn ụzọ wụrụ Chuku ụnụ e fe; rịnị nwan nsọ makẹni m rị nsọ.

Lẹvitikọsụ 19:2

“Gwa ndị Izrẹlụ ile oku, sị wẹ: Rị nị nsọ makẹni mmẹ Osolobuẹ hụn wụ Chuku ụnụ, m rị nsọ.

Lẹvitikọsụ 20:26

Ọnụ k'a rịnị m nsọ, makẹni mmẹ hụn wụ Osolobuẹ, m rị nsọ, m họpụhazịkwọ ụnụ imẹ alị ndị ọzọ ile nị ụnụ wụrụ nke m.

Lẹvitikọsụ 20:7

“E dọnmẹ ni enwẹn ụnụ ichẹn, a rị nị nsọ; makẹni mmẹ wụ Osolobuẹ, Chuku ụnụ.

Nahum 1:2

Chuku ẹnya a fụ lẹ hụn e mẹgwarịnị kẹ Osolobuẹ wụ; Osolobuẹ e mẹgwarị emẹgwarị, e bu olulu ọda-ọda; Osolobuẹ e mẹgwarị ndị iṅẹnrẹn ẹ, ọ tọ e buni ndị-iṅẹnrẹn ẹ olulu.

Habakọkụ 1:13

Ịyụ, hụn rịkẹnmẹ ọchan, hụn ghalẹni e gi ẹnya e legha eje-ihiẹn, onyẹ ghalẹni e gi ihiẹn furulẹni e mẹ ẹhụ. K'ị shịapụnị nwan ẹnya e lee ndị ghẹrẹ-ghẹrẹ-ghẹrẹ? K'ị gbanị nwan nkịtịn eje-ndị hụ e luepụ ndị ka wẹ mma?

Matiu 6:24

“Onwọnni onyẹ a saẹka e fe madụ ẹbụọ: makẹni, ọ k'a gbakitọ ohu azụụn, bu obi che hụn-ẹbọ, mọbụ o we enwẹn ẹ kwanị ohu, legberi hụn-ẹbọ: y'a sakọ ẹka fe Osolobuẹ lẹ egho.

Joshụa 24:18

Osolobuẹ chụpụzịnị ẹnyi ndị alị ndị ahụn ile, kẹ ndị Amọ bi imẹ alịnị kẹ wẹ ile. Ẹnyi nwẹn k'e fezikwọ Osolobuẹ, makẹni ịya wụ Chuku ẹnyi.”

Joshụa 24:23

Ya kẹ Joshụa nọ sị, “Ma nị nwan mmọn-lẹ-iyi ndị alị ọzọ hụn rị igunrun ụnụ tuhu, ụnụ e bu obi ụnụ tọnị Osolobuẹ wụ Chuku Izrẹlụ.”

Rutu 1:15

Ya kẹ Nahomi nọ sị, “Rutu, lee ẹnya, nwunyẹ-di i a laburugụọ ndị nke ẹ lẹ mmọn ndị w'e fe. Sọn ẹ nwan kin azụụn.”

Samuẹlụ Nke Ibuzọ 3:14

M nọ nwan kụn isi m, sị ikpụlọ Ẹlaị ‘Kẹ ẹjan kẹ oyiye, onwọnni hụn sikọ d'a saẹka finchanpụ njọ ikpụnọ Ẹlaị.’ ”

Samuẹlụ Nke Ibuzọ 6:20

Ya ndị Bẹt-Shẹmẹshi nọ sị, “Onyẹ jẹnkọ d'a s'ẹka turu ihun Osolobuẹ, Chukuni rị nsọ? Onyẹ kẹ ẹnyi e bu nwan Ẹkpẹtini jẹnni n'ọ gha ẹnyi ẹka pụ?”