Joshụa 24:15 - Ika

¹⁵ Kanị, omẹni ife Osolobuẹ a sụọnị ụnụ, hanrịn nị nwan tannị onyẹ ụnụ sikọ d'e fe: kẹ mmọn-lẹ-iyi ndị nẹdi ụnụ kanị fe nfetu Iyi Yufretisi kẹ ụnụ k'e fe ra mmọn-lẹ-iyi ndị Amọ hụn ụnụ bi alị wẹ. Kanị, nke mmẹ lẹ ezi-lẹ-ụlọ m, Osolobuẹ kẹ ẹnyi k'e fe.”

Joshụa 24:15 Iomraidhean Croise

Jẹnẹsisi 18:19

Mba, ezuemẹkọnị m'a ya makẹni a họrịọlẹ m'a kẹni ọ hụn ụzọ gwa mmụ a lẹ ikpụlọ a ihiẹn wẹ jẹnkọ d'e mẹ, sị wẹ e sọn ụzọ Osolobuẹ ghahanị imẹ ezi-omumẹ lẹ imẹ ihiẹn furuni, kẹni Osolobuẹ mẹzuni Ebraham nkwa o kwe ẹ.”

Jẹnẹsisi 35:2

Jekọpụ nọ sị ezi-lẹ-ụlọ a lẹ ndị ile sọnkọn'a, “Kpọnpụchanrịn nị mmọn ile ọnụ gi; dọnmẹ ni enwẹn ụnụ ọchan, ụnụ e weri ẹkwa ọzọ yiri.

Ndị-nze Nke Ibuzọ 18:21

Ẹlaịja nọ jẹnpụha ihun wẹ, sị, “Elee mgbe ụnụ k'a danshibehi azụụnnị lẹ azụụnnị? Omẹni Osolobuẹ wụ Chuku, ụnụ e fe ẹ! Kanị omẹni Baalụ wụ Chuku, ụnụ e fe ẹ!” Ya wẹ ile nọ gba nkịtịn.

Ihiẹn Mẹni Nke Ibuzọ 1:14

ya mụzị ndị Jebusu, ndị Amọ, ndị Gẹgashị,

Ẹbụ-ọma 101:2

M k'e dọnrin ẹnya bi obibi nwọnlẹni nkọrịanị. Elee mgbe kẹ y'a bịa d'e kunrun m? M k'e gi obi kụrụ ọtọ bi iwe m.

Ẹbụ-ọma 119:106

E kungụọ m ẹfan ị, kunshi ẹ ikẹn, nị m k'a gha e dọnmẹ ezigbo uhi i yisọnmẹni ẹnyi.

Ọpụpụ 23:2

“Emẹkwọlẹ eje-ihiẹn makẹni ndị bu ọda rị e mẹ ẹ. Ashịakwọlẹ ẹri ntụ nuzụka ezioku makẹni ị chọkọ nị oku yụ lẹ ndị ka ọda dangbama;

Ọpụpụ 23:24

Akụkwọlẹni mmọn wẹ isi alị mọbụ fe mmọn ndị ahụn mọbụ mẹ kẹ ndị alị wẹ e mẹ. I sikọkwọ d'a kụtuchanrịn wẹ, tigungwọn ọmụma-nsọ wẹ.

Ọpụpụ 34:15

“Kpachanpụkwọ nị ẹnya, makẹ ụnụ lẹ ndị hụn bi alị hụ gha e kwerigbama. Makẹni w'e gbasọnmẹ mmọn wẹ ndị ahụn rịkẹ ịgbaraja, chụnyeni wẹ ẹjan, o ru a kpọ wẹ ụnụ, ụnụ e sọn wẹ ri ihiẹn wẹ gi chụn ẹjan.

Izikẹlụ 20:39

“Ụnụ ndị Izrẹlụ, Osolobuẹ Nwọn Ihiẹn Ile sị: Jẹnmẹkwọ nị d'e femẹ mmọn ụnụ — onyẹ lẹ mmọn a, onyẹ lẹ mmọn a! Kanị, omẹgụ, ụnụ k'e gọnrịrị m ntịn, ụnụ egikọzị mmọn ụnụ ndị hụ lẹ oyiye ụnụ e ye wẹ budan ẹfan m rị nsọ.

Daniẹlụ 3:18

Kanị, ọ sụọn'a n'ọ zụọpụhakọ ẹnyi, marịn nwan nị ẹnyi efekọ mmọn ị mọbụ gbaye ihiẹn goruni ị kpụ.”

Lẹvitikọsụ 14:42

E weri wẹ blọkụ ichẹn nọkinsọnmẹ ẹnya ndị hụ wẹ wepụ, tedọnzi ụlọ hụ.

Maịka 4:5

Ndị alị ọzọ ile nwọn ikẹn gi ẹfan mmọn wẹ e bi, ẹnyi nwẹn k'e gi ẹfan Osolobuẹ wụ Chuku ẹnyi bi jẹnrin ejẹn.

Ọrụn Ndị-ozi 11:23

Ogẹn o gi ru ẹ, hụn ẹfọma Osolobuẹ k'ọ rị ọrụn, ọ nọ ghọghọ; ọ nọ dụn wẹ ọdụn wẹ wechanrịn enwẹn wẹ kwanị Di-nwọnni-ẹnyi, kwọnkẹnmẹchanrịn Di-nwọnni-ẹnyi.

Ditrọnọmi 13:7

mmọn ndị fihunmẹni ụnụ e fe — ọsụọn'a alị ndị rị ẹhụ nsue ọsụọn'a alị ndị rị ebe teni, ebe-lẹ-ebe wẹ rịlẹ elu ụwa,

Ditrọnọmi 29:18

Hụnkwọ n'a nị onwọnni okẹnnyẹ mọbụ okpoho mọbụ ẹbozo mọbụ ebọn ọwụlẹ rị imẹ igunrun ụnụ tannị obi ẹ gha ebe Osolobuẹ wụ Chuku ẹnyi rị pụ d'e femẹ mmọn-lẹ-iyi ndị alị ndị ahụn; hụnkwọ n'a nị onwọnni eje-mkpọgụn rị imẹ igunrun ụnụ a mị eje-mkpụrụ e lu ilu, e gbuni.

Joshụa 24:16

Ya ndị Izrẹlụ nọ sị, “W'a sọ! Ẹnyi alatọkọ Osolobuẹ d'e femẹ mmọn-lẹ-Iyi!

Ndị Han Eṅẹn 6:10

M sị ụnụ, ‘Mmẹ wụ Osolobuẹ hụn wụ Chuku ụnụ; efelẹ ni mmọn-lẹ-iyi ndị Amọ ụnụ bi alị wẹ.’ Kanị, ụnụ egọnni m ntịn.”