Joshụa 24:12 - Ika

¹² M nọ zi egun n'o buruni ụnụ ụzọ nọkẹ ebu d'a chụpụgụnị ụnụ wẹ — kẹ ndị-nze Amọ ẹbụọ hụ. Ẹlẹ ọpịa-agha ụnụ mọbụ ụta kẹ ụnụ gi mẹ ẹ.

Joshụa 24:12 Iomraidhean Croise

Ẹbụ-ọma 135:11

Sihọnụ eze Amọ lẹ Ọgụ eze Bashanị, lẹzi alị-eze ile wẹ lẹ wẹ rị Kenaanị.

Ẹbụ-ọma 80:10

O sue, du ọda-ọda, kpumẹ ugu, agalaba a nọ kpumẹdẹ okẹn osisi sida.

Ẹbụ-ọma 80:9

Ị nọ rụnfọn ẹ, ọ gbọrị, shịagbarị alịnị ile.

Ọpụpụ 23:28

M k'e zi ebu buruni ụnụ ụzọ d'a chụpụnị ụnụ ndị Hivu, ndị Kenaanị lẹ ndị Hẹti ụzọ.

Ọpụpụ 23:31

“M k'e mẹ alị ụnụ gha ohimin-ufie d'e ru ohimin ndị Filistia, gha atụ d'e ru Iyi-Yufretisi. M k'e bu ndị bi alị hụ che ụnụ ẹka, ọnụ a chụpụ wẹ.

Ọgụngụn 21:31

Ya ndị Izrẹlụ nọ biri alị ndị Amọ.

Ọgụngụn 21:32

Mozizi nọ zi ndị o zi, e lelegụ wẹ alị Jaza, ya ndị Izrẹlụ nọ mẹri ụmụ-alị ndị nọhunmẹ Jaza, narịn ndị Amọ bi ebẹhụ alị wẹ.

Ditrọnọmi 31:4

Osolobuẹ k'e mẹ wẹ ihiẹn o mẹ Sihọnụ lẹ Ọgụ ndị-nze Amọ, hụn o tikpọ wẹ lẹ alị wẹ.

Ditrọnọmi 4:46

ogẹn ahụn wẹ gi rị ọdanmgbugbu rị ẹhụ Bẹt-Pioru. Ẹbamịn ọwụwa-ẹnyanwụn Iyi Jọdanị kẹ Bẹt-Pioru rị, alị Sihọnụ eze Amọ nọ Hẹsh'bọnụ kị. Mozizi lẹ ndị Izrẹlụ mẹri Sihọnụ ogẹn wẹ gi gha Ijiptu pụha;

Ditrọnọmi 4:47

e weri wẹ alị a lẹ alị Ọgụ eze Bashanị. Ndị-nze ẹbụbụọnị te kị ndị Amọ ẹbamịn ọwụwa ẹnyanwụn Iyi Jọdanị.

Ditrọnọmi 7:20

Ẹlẹdẹ ọhụn sụọ, Osolobuẹ wụ Chuku ụnụ k'e zi ẹkpa-ẹnwụnmẹnwụn ye igunrun wẹ d'e runi ndị te wanahịngụ ụnụ, warị, a gụchanrịn.

Joshụa 2:10

Makẹni, ẹnyi a nụgụọ kẹ Osolobuẹ dọn mẹ mirin Ohimin-Ufie tahịnị ụnụ ogẹn ụnụ gi gha alị Ijiptu pụla; ẹnyi a marịnzịghọ ihiẹn ụnụ mẹ Sihọnụ lẹ Ọgụ, ndị nze ẹbụọ kị ndị Amọ rị ẹbamịn ọwụwa-ẹnyanwụn Iyi-Jọdanị, kẹ ụnụ dọn gbuchanrịn wẹ.