Joshụa 23:3 - Ika

³ Ụnụ lẹ enwẹn ụnụ a hụngụọ ihiẹn ile Osolobuẹ wụ Chuku ụnụ gi ufiri ụnụ mẹ ndị alị ndịnị wẹ; Osolobuẹ wụ Chuku ụnụ wụ onyẹ hụn lụnị ụnụ ọgụn.

Joshụa 23:3 Iomraidhean Croise

Ọpụpụ 14:14

Osolobuẹ jẹnkọ d'a lụnị ụnụ ọgụn, ẹlẹ hụn ụnụ e gi ye enwẹn ụnụ nsọngbu.”

Ọpụpụ 19:4

‘Ụnụ lẹ enwẹn ụnụ a hụngụọ ihiẹn m mẹ Ijiptu lẹ kẹ m dọn bu ụnụ kẹ ugọn dọn e bu nwa a, buhẹ ụnụ ebe m rị.

Izikẹlụ 20:28

e webanhan m wẹ imẹ alị ahụn m kun enwẹn m kwe wẹ nkwa, wẹ nọ kwama ese elu òke ọwụlẹ wẹ hụn n'o jẹn elu lẹ ukun osisi ọwụlẹ duni, e gi ẹjan ndị hụ a kpasu m iwe; a mụyeni mmọn nsẹnsi, e hu manya wẹ e yeni wẹ.

Malakaị 1:5

Ụnụ ndị Izrẹlụ k'e gi ẹnya ụnụ hụn ihiẹn ndịnị, ụnụ e gi ọnụ ụnụ sị, ‘Osolobuẹ e hikẹkwọ ogbe! Ẹlẹkwọ imẹ alị Izrẹlụ sụọ — kẹ imẹ alị ndị ọzọ!’

Ditrọnọmi 1:30

Osolobuẹ hụn wụ Chuku ụnụ, hụn rị ụnụ ihun, jẹnkọ d'a lụnị ụnụ ọgụn, k'o dọn lụnị ụnụ ọgụn imẹ alị Ijiptu idẹnya ụnụ ile,

Ditrọnọmi 20:4

Makẹni, Osolobuẹ wụ Chuku ụnụ kẹ ụnụ lẹ ya wị! O k'a lụnị ụnụ ọgụn: o k'a lụsọn ndị-iṅẹnrẹn ụnụ, ye ụnụ mmẹri!”

Ditrọnọmi 4:9

Ka we ni ẹnya ru alị! Kpachanpụ ẹnya: hụn a nị y'a zọnị ihiẹn ndị ahụn ẹnya ị hụn mọbụ nị wẹ gha ị obi pụ y'e we bigụ. Kuzi ụmụ ị lẹ ụmụ-oyẹ i ya.

Ditrọnọmi 7:17

Ikẹnkwọ ụnụ hụ a sị enwẹn ụnụ, “Ndị alị ndịnị wẹ ka ẹnyi ikẹn. Nanị ẹnyi a dọn nwan s'ẹka chụpụ wẹ?!”

Ditrọnọmi 7:24

O k'e bu ndị-nze wẹ che ụnụ ẹka, ụnụ e finchanpụ ẹfan wẹ elu-ụwa. Onwọnni onyẹ k'a s'ẹka wuzo che ụnụ ọgụn ụnụ e we tikpọgụ wẹ.

Joshụa 10:14

Onwọntuni ụhụọhịn nọ ẹrịra mbụ, mọbụ kete mgbẹhụ — ụhụọhịn ịhịan ku oku Osolobuẹ nọ mẹ ẹ. W'a rụ ụka a, Osolobuẹ lụnị Izrẹlụ ọgụn ahụn!

Joshụa 10:42

Mgbe ohu ahụn Joshụa pụha d'a lụsọn wẹ agha k'o gi mẹrisọnmẹ ndị nze ndịnị ile lẹ alị wẹ, mẹrichanrịn wẹ, makẹni Osolobuẹ wụ Chuku Izrẹlụ lụnị Izrẹlụ ọgụn.

Joshụa 23:10

Onyẹ ohu imẹ ụnụ hụ a chụ mmadụ nnụ-uku ọsọ makẹni Osolobuẹ wụ Chuku ụnụ rị a lụnị ụnụ ọgụn k'o dọn kwe ụnụ nkwa.