Joshụa 23:13 - Ika

¹³ marịnkwọ nị nị Osolobuẹ wụ Chuku ụnụ achụpụkọzịnị ụnụ ndị alị ndịnị. Kama, a wụrụ nị wẹ ụnụ uke lẹ ọnyan, mkpịnsịn hụn k'a gha a fịan ụnụ ụgba-azụụn lẹ ogun k'a gha a dụn ụnụ ẹnya, d'e runi ụnụ a la iwi imẹ alị-ọmanị Osolobuẹ wụ Chuku ụnụ ye ụnụ.

Joshụa 23:13 Iomraidhean Croise

Ndị-nze Nke Ibuzọ 11:4

makẹni, ogẹn Solomọnụ gi kama ẹgẹdi, inyẹnmẹ ẹ nọ mẹ ẹ sọnmẹ mmọn-lẹ-iyi ichẹn-ichẹn, o wechanrịnzịnị obi ẹ kwanị Osolobuẹ wụ Chuku ẹ kẹ nẹdi ẹ wụ Defidi dọn mẹ.

Ndị-nze Nke Ẹbụọ 17:18

Ya kẹ Osolobuẹ nọ gi iwe ahụn ndị Izrẹlụ Ẹbamịn ugu kpasu ẹ wepụ wẹ ihun ẹ. Ebọn Juda sụọ nọ họdụ.

Ndị-nze Nke Ẹbụọ 17:20

Ya kẹ Osolobuẹ nọ nwan jụ ụmụ Izrẹlụ ile; ọ nọ mẹshimẹ wẹ ikẹn, ọ nị wẹ e gbu wẹ a kwarị ihiẹn wẹ d'e ru nị ọ chụpụdẹ wẹ ihun ẹ.

Ndị-nze Nke Ẹbụọ 25:21

Eze Babilọnụ gha nọ imẹ Ribla rị alị Hamatị gbu wẹ. Ẹrịra kẹ wẹ dọnmẹ ẹka kpụnpụ ndị Juda alị wẹ, we wẹ shi alị ọzọ.

Ndị-nze Nke Ẹbụọ 25:26

Ya kẹ ndị alị ahụn ile, kẹ onyẹ-uku kẹ onyẹ-nta kẹ ndị isi-agha kẹ wẹ ile, nọ gi egun ndị Kal'di Babilọnụ gbashi alị Ijiptu.

Ẹbụ-ọma 69:22

Ihiẹn-oriri wẹ ya wụrụnị wẹ ọnyan; ihiẹn ọma wẹ ya wụrụzịnị wẹ ọnyan!

Ọpụpụ 10:7

Ịhaịmẹ Fẹro nọ sị a, “Elee mgbe kẹ okẹnnyẹni e mẹbehi ẹnyi uke olu? Hatu nwan ndị Izrẹlụ nị wẹ lama, kẹni wẹ fe Osolobuẹ wụ Chuku wẹ. Y'e ke hụn a nị Ijiptu a lagụọ iwi?”

Ọpụpụ 23:33

A nịkwọlẹni wẹ bi alị ụnụ amamgbe w'a han ụnụ mẹ m njọ, makẹni ife-mmọn wẹ k'a wụrịrịnị ọnụ ọnyan.”

Ọpụpụ 34:12

Kpachanpụkwọ nị ẹnya, makẹ ụnụ lẹ ndị bi alị ụnụ shikọ gha kwerigbama, amamgbe w'a wụrụnị ụnụ ọnyan.

Ọpụpụ 34:16

O ru ụnụ a nụmanị ụmụ ụnụ ikpoho wẹ, ikpoho wẹ a gbasọnmẹ mmọn wẹ kẹ ịgbaraja ife-mmọn, dọ ụmụ ụnụ ye ife-mmọn ndị ahụn wẹ nwẹn e fe.

Izikẹlụ 28:24

“ ‘Ogẹn ahụn, ndị Izrẹlụ enwọnkọzị ndị iṅẹnrẹn ndịnị fihunmẹni wẹ, e legberi wẹ, ndị hụn nọkẹ ogun-lẹ-ọkịnkan ebe wẹ rị. Ogẹn ahụn, a marịn wẹ nị mmẹ wụ Osolobuẹ Nwọn Ihiẹn Ile.

Ọgụngụn 33:55

“Kanị, omẹni ụnụ achụpụnị ndị alị ahụn, ndị ụnụ latọ k'a wụrụ ntu k'a dụnsọnmẹ ụnụ ẹnya lẹ ogun k'a dụnsọnmẹ ụnụ ẹkụnkụn; wẹ k'e ye ụnụ nsọngbu imẹ alị ahụn ụnụ sikọ d'e bi —

Luku 21:24

Wẹ k'e gi ọpịa-agha gbu wẹ, kpụnrụn wẹ shi alị ile rị ichẹn-ichẹn. Alị ndị ọzọ jẹnkọ d'a zọ Jerusalẹm ụkụ d'e ru nị ogẹn alị ndị ọzọ e zu.

Ditrọnọmi 29:28

Osolobuẹ gi okẹn-olulu lẹ okẹn-ọnụma bụkpọpụ wẹ alị wẹ, ma wẹ ye alị ọzọ, k'o dọn nwan rị.”

Ditrọnọmi 30:18

m rị a gwa ụnụ tannị nị wẹ k'e tikpọrịrị ụnụ; ụnụ ebibiekọ alị ahụn ụnụ fetukọ Iyi Jọdanị d'a banye, weri.

Ditrọnọmi 4:26

m rị nwan a kpọ elu-igwee lẹ ụwa nị wẹ shịagbu ụnụ ẹri tannị, nị ụnụ mẹ ẹ, wẹ k'e kpọnchanpụkẹnrin ụnụ alị ahụn ụnụ fetukọ Iyi Jọdanị d'e weri. Ụnụ ebibiekọ ebahụn kaka; wẹ k'e gbuchanrịn ụnụ kọkọrọkọ.

Ditrọnọmi 7:16

Gbuchanrịn nị ndị ile Osolobuẹ wụ Chuku ụnụ k'e buche ụnụ ẹka mẹri. Emẹlẹ ni omikẹn wẹ mọbụ femẹ mmọn-lẹ-iyi wẹ, makẹni ọhụn k'a wụrụnị ụnụ ọnyan.

Timoti Nke Ẹbụọ 2:26

ẹnya e fọn wẹ, a wanahịn wẹ ọnyan Ekwensụ te gi kwọndọn wẹ nị wẹ e mẹ uche Ekwensụ.

Ndị Han Eṅẹn 2:21

achụpụkọzịnị m wẹ alị ọwụlẹ imẹ ndị ahụn Joshụa chụpụlẹni n'o d'a nwụnhụn,