Joshụa 23:10 - Ika

¹⁰ Onyẹ ohu imẹ ụnụ hụ a chụ mmadụ nnụ-uku ọsọ makẹni Osolobuẹ wụ Chuku ụnụ rị a lụnị ụnụ ọgụn k'o dọn kwe ụnụ nkwa.

Joshụa 23:10 Iomraidhean Croise

Samuẹlụ Nke Ẹbụọ 23:8

Ndịnị wụ ẹfan ndị odogun-agha Defidi: Joshẹbụ-Bashẹbẹti onyẹ Takẹmọ, hụn wụ onyẹ-isi imẹ ndị-odogun ẹtọ nẹi; o gi obo ẹ lụsọn madụ nnụnaị ọgụn, gbu wẹ — imẹ agha ohu.

Ihiẹn Mẹni Nke Ibuzọ 5:20

E nwọnhẹnkẹ wẹ eyemẹka imẹ agha hụ, Chuku haịn wẹ gi mẹri ndị Hagi lẹ ndị ile wẹ lẹ ndị Hagri wị — makẹni wẹ kwanghọsị a imẹ agha ahụn. Ọ za wẹ ekpere makẹni wẹ gi ẹ dọn ẹnya.

Ihiẹn Mẹni Nke Ibuzọ 5:22

Ndị wẹ gbu buzikwọ ọda, makẹni Osolobuẹ lụ agha hụ. Wẹ nọ biri alị ahụn d'e ru mgbe wẹ gi nwụnrụn wẹ lẹ ndị Izrẹlụ ibe wẹ shi alị ọzọ.

Ẹbụ-ọma 35:1

Bunụmanị wẹ, Osolobuẹ, dodo bunụmanị ndị bunụmanị m; lụsọn ndị rị a lụsọnni m!

Ẹbụ-ọma 46:7

Osolobuẹ ihiẹn ile rị okpuru ẹ nọyeni ẹnyi anọyeni; Chuku Jekọpụ rị e che ẹnyi nche. Sẹla

Ọpụpụ 14:14

Osolobuẹ jẹnkọ d'a lụnị ụnụ ọgụn, ẹlẹ hụn ụnụ e gi ye enwẹn ụnụ nsọngbu.”

Azaya 30:17

Mmadụ nnụ-uku imẹ ụnụ k'a gbanị akpụ eṅẹnrẹn ohu ọsọ, ụnụ ile a gbanị mmadụ isẹn imẹ wẹ ọsọ — d'e ru ni ndị k'a họdụ imẹ ụnụ a nọhụ kẹ akpụ ọtọsị ohu wẹ kẹnmẹye ẹkwa-ahịma — hụn ya sụọ turu elu ugu lekẹ ẹkwa-ahịma ya sụọ rị elu òke.”

Lẹvitikọsụ 26:7

Ụnụ k'a chụ ndị iṅẹnrẹn ụnụ ọsọ, gi ọpịa-agha gbu wẹ, a dantọsọnmẹ wẹ ihun ụnụ.

Lẹvitikọsụ 26:8

Madụ isẹn imẹ ụnụ k'a chụ madụ ọgụn-isẹn ọsọ, madụ ọgụn-isẹn k'a chụ madụ nnụ-uku iri (10,000), ụnụ k'e gi ọpịa-agha gbu ndị iṅẹnrẹn ụnụ, a dansọnmẹ wẹ ihun ụnụ.

Zẹkaraya 12:8

O ru ogẹn hụ, Osolobuẹ k'e che ndị bi Jerusalẹm nche; ndị ndụn te rịlẹni imẹ wẹ ogẹn ahụn k'e zedẹ kẹ Defidi; ebọn Defidi wụ eze k'a rị kẹ Chuku lẹ enwẹn ẹ, nọkẹ mmọn-ozi Osolobuẹ, buruni wẹ ụzọ.

Ndị Rom 8:31

Kị ẹnyi k'e ku nwan? O mẹ nwan nị Osolobuẹ rị ẹnyi azụụn, onyẹ k'a saẹka mẹ ẹnyi ihiẹn ọwụlẹ?

Ditrọnọmi 20:3

O k'a sị: “Ndị Izrẹlụ, gọn ni ntịn-o! Ụnụ jẹnkọ nwan d'a lụsọn ndị-iṅẹnrẹn ụnụ agha. Anịlẹ ni obi nahịn ụnụ; atụlẹ ni egun; anịlẹ ni wẹ rọn ụnụ egun mọbụ mamanị wẹ piripiri.

Ditrọnọmi 20:4

Makẹni, Osolobuẹ wụ Chuku ụnụ kẹ ụnụ lẹ ya wị! O k'a lụnị ụnụ ọgụn: o k'a lụsọn ndị-iṅẹnrẹn ụnụ, ye ụnụ mmẹri!”

Ditrọnọmi 28:7

Osolobuẹ k'e mẹrini ụnụ ndị iṅẹnrẹn ụnụ ndị k'e bunụmanị ụnụ. Ụzọ ohu kẹ wẹ k'a gha bịa, kanị wẹ k'a gbayịya ụzọ ẹsa ebe wẹ gbakọnị ụnụ.

Ditrọnọmi 3:22

Atụlẹ ni egun wẹ; Osolobuẹ wụ Chuku ụnụ lẹ enwẹn ẹ k'a lụnị ụnụ ọgụn.”

Ditrọnọmi 32:20

Ọ sị, “M k'e bupụ wẹ ihun, nị m hụn kẹ w'a dọn ban ihiẹn; makẹni agbọ isi-ikẹn kẹ wẹ wụ, ụmụ furulẹni w'e gi dọn ẹnya.

Ditrọnọmi 32:30

Nanị kẹ onyẹ ohu dọn s'ẹka chụ ndị Izrẹlụ ọgụn-iri kwasị nnụnaị ọsọ, mmadụ ẹbụọ a han mmadụ nnụ-uku iri wẹ gbama ọsọ — mmanị Onyẹ wụ Ọmụma wẹ e regụọ wẹ, mmanị Osolobuẹ e wegụọ wẹ ye wẹ mẹri.

Joshụa 10:42

Mgbe ohu ahụn Joshụa pụha d'a lụsọn wẹ agha k'o gi mẹrisọnmẹ ndị nze ndịnị ile lẹ alị wẹ, mẹrichanrịn wẹ, makẹni Osolobuẹ wụ Chuku Izrẹlụ lụnị Izrẹlụ ọgụn.

Joshụa 23:11

Dọnrin ni nwan ẹnya e nwọn ihiẹn-ọsụsụọ Osolobuẹ wụ Chuku ụnụ.

Joshụa 23:3

Ụnụ lẹ enwẹn ụnụ a hụngụọ ihiẹn ile Osolobuẹ wụ Chuku ụnụ gi ufiri ụnụ mẹ ndị alị ndịnị wẹ; Osolobuẹ wụ Chuku ụnụ wụ onyẹ hụn lụnị ụnụ ọgụn.

Ndị Han Eṅẹn 15:15

Ọ hụn ọkpụkpụ agban jaki oyiyi ebẹhụ, ọ nọ tịnpụ ẹka weri ẹ, gi ẹ gbu ndị Filistia nnụ-uku (1,000).

Ndị Han Eṅẹn 3:31

Ogẹn Ehudu a ghafegụ, Shamga nwa Anatị nọ pụha. Shamga gi ẹgbe wẹ gi e du efin gbu ndị Filistia ọgụn-iri kwasị nnụ (500). Ẹrịra kẹ ya nwẹn gizi gbapụha Izrẹlụ.

Samuẹlụ Nke Ibuzọ 14:6

Jonatanị nọ nwan sị okorọbịa hụ e bun'ẹ ihiẹn ọgụn, “Bịa nị ẹnyi fetu d'e kunrun ndị Filistia ndịnị kwalẹni ugun ghalẹni e fe Osolobuẹ. Ikẹnkwọ Osolobuẹ e mẹyeni ẹnyi. Makẹni, onwọnni hụn Osolobuẹ ghalẹni e gi a zụọpụha, kẹ ndị bu ọda kẹ ndị bulẹni ọda!”