Joshụa 22:9 - Ika

⁹ Ya ndị Rubẹni lẹ ndị Gadị lẹ mgbube Manasẹ ndị ẹbamịn ọwụwa-ẹnyanwụn Iyi-Jọdanị nọ la ndị Izrẹlụ ibe wẹ tọ imẹ Shilo rị Kenaanị, shi alị Gilẹdị, azụụn nke wẹ hụn ru wẹ ẹka kẹ Osolobuẹ dọn gwa Mozizi.

Joshụa 22:9 Iomraidhean Croise

Samuẹlụ Nke Ẹbụọ 2:9

nọ ebẹhụ kin ẹ eze Gilẹdị lẹ Ashuru lẹ Jezriẹlụ lẹ Ifrem lẹ Bẹnjamini — eze Izrẹlụ ile.

Ihiẹn Mẹni Nke Ibuzọ 5:9

Ẹbamịn ọwụwa-ẹnyanwụn, alị wẹ bi ruzidẹ mkpẹnrẹn alị-ọkpọnkụn hụn ya lẹ Iyi Yufretisi nọ okẹn nkọnị, makẹni anụ wẹ a barahịgụọ imẹ Gilẹdị ebe wẹ rị.

Ẹbụ-ọma 60:7

ẹgbẹrẹ Gilẹdị wụzị nke m; alị ebọn Manasẹ wụzịkwọ nke m; alị ndị Ifrem wụdẹ okpu-agha m; ndị Juda wụ ọkpọ-ọkịkị rị m ẹka!

Ọgụngụn 32:1

Ebọn Rubẹni lẹ ebọn Gadị nwọn efin lẹ atụnrụn lẹ ewu ọda-ọda. Ogẹn wẹ gi hụn nị alị Jaza lẹ Gilẹdị a rịka mma w'a nọ kpa anụ,

Ọgụngụn 32:20

Ya kẹ Mozizi nọ sị wẹ, “Omẹni ụnụ e mẹghọ ẹrịra, omẹni o ru ogẹn hụ ụnụ e kọnrin d'a lụnị Osolobuẹ agha,

Ọgụngụn 32:22

ya wụ nị, Osolobuẹ mẹrigụ alị hụ, ụnụ nwọn nwan ikẹn lụakin ebeni makẹni ụnụ a rụngụọ ogbo wẹ ye ụnụ rụnnị Osolobuẹ lẹ Izrẹlụ — alịnị e họnrin nke ụnụ nke-esi ẹnya Osolobuẹ.

Ọgụngụn 32:26

ụmụ ẹnyi lẹ inyẹnmẹ ẹnyi lẹ ewu lẹ atụnrụn ẹnyi lẹ efin ẹnyi jẹnkọ d'a nọdị obodo ndịnị rị Gilẹdị ebeni.

Ọgụngụn 32:29

sị, “Omẹni ebọn Gadị lẹ ebọn Rubẹni, ikẹnnyẹ wẹ ile, e kọnringhọ agha, sọn ụnụ fetu Iyi Jọdanị kẹ Osolobuẹ dọn chọ, ụnụ mẹrigụ alị hụ, ụnụ e we alị Gilẹdịnị ye wẹ weri.

Ditrọnọmi 3:18

M gwa ụnụ ndị Rubẹni lẹ ndị Gadị lẹ mgbube Manasẹ hụn wẹ ile wị oku ogẹn ahụn, sị, “Osolobuẹ wụ Chuku ụnụ e yegụọ ụnụ alịnị weri. Kanị ndị ile ka ẹhụ imẹ ụnụ sikọ d'e kọnrinrịrị agha, buruni umunẹ ụnụ ndị Izrẹlụ họdụnị ụzọ, wẹ fetukọnị Iyini d'e werisọnmẹ alị nke wẹ.

Ditrọnọmi 3:20

Osolobuẹ yegụ umunẹ ụnụ alị nke wẹ w'a nọ zu ikẹn k'o dọn ye ụnụ, nị wẹ nwẹn e werigụ alị hụn Osolobuẹ wụ Chuku rị e ye wẹ nfetu Jọdanị, onyẹ-onyẹ imẹ ụnụ nwọn nwan ikẹn kinhẹn ebeni m ye ụnụ.”

Ditrọnọmi 34:1

Ya Mozizi nọ gha alị aradan Mụabụ nyinrin Ugu-Nebo, shi Mkpọnụnụ Pisga, hụn rị nfetu Jẹriko. Osolobuẹ nọ gha ebahụn ghọsịchanrịn a alị ahụn, gha Gilẹdị d'e ru Danị;

Joshụa 13:11

ẹgbẹrẹ Gilẹdị lẹ nke ndị Gẹshọ lẹ ndị Maaka rịzị imẹ ẹ, ya lẹ Ugu Hẹmọnụ ile lẹ ẹgbẹrẹ Bashanị ile d'e ru Salẹka;

Joshụa 13:25

Ẹgbẹrẹ Jaza, obodo ile rị Gilẹdị lẹ ahanmahan alị ndị Amọnụ ile d'e rukwọrị Arụa rị ihun Raba rịchanrịn imẹ ẹ;

Joshụa 13:31

wẹ kebe Gilẹdị ẹbụọ, azụụn ohu rịn'a lẹ Ash'tarọtụ lẹ Ẹdrẹi, obodo ẹbụọ Ọgụ nọ kị Bashanị, kẹ wẹ keye mgbube Manasẹ hụn wụchanrịn mgbube ụmụ Makiri nwa Manasẹ.

Joshụa 22:10

Ogẹn ebọn ẹbụọ-lẹ-mkpikpi ahụn gi ru ẹgbẹrẹ Gẹlilọtụ nọkunmẹ Jọdanị nkọ Kenaanị, nị wẹ d'e fetu Iyi-Jọdanị, wẹ nọ tụn ukpo nchụn-ẹjan hi-ogbe ye ẹhụ Jọdanị ebẹhụ.

Ndị Han Eṅẹn 20:1

Ya Izrẹlụ ile, gha Danị d'e ru Biẹshẹba lẹ ndị rị Gilẹdị nọ zu pụha, wẹ ile nọ zu ihun Osolobuẹ imẹ Mizpa.

Ndị Han Eṅẹn 5:17

Ndị Gilẹdị a pụhanị, a tọ wẹ nfetu Iyi-Jọdanị wẹ rị. Ndị Danị nwan? Kị wẹ tọzịnị ẹhụ ụgbọ-mirin wẹ? Ndị Asha nkẹ a tọ alị wẹ mkpẹnrẹn Ohimin, tọ ebẹhụ ụgbọ-mirin e ziẹntọ.