Joshụa 22:34 - Ika

³⁴ Ndị Rubẹni lẹ ndị Gadị nọ ye ukpo nchụn-ẹjan hụ ẹfan, “nị ọshẹri k'ọ wụ ẹgbata ẹnyi nị Osolobuẹ kẹ ẹnyi e fe.”

Joshụa 22:34 Iomraidhean Croise

Jẹnẹsisi 31:47

Ya Labanị nọ kpọ ebahụn “Jẹga-Sahaduta”, Jekọpụ a kpọ a “Galidi” — ẹfan ẹbụbụọnị wụ “Elumelu Shịa-ẹri”.

Jẹnẹsisi 31:48

Ya Labanị nọ sị, “Elumelu ọmụmanị wụ ọshẹri hụn rị ẹgbata mmẹ lẹ yụ tannị.” Ya haịn wẹ gi kpọ a Galidi.

Ndị-nze Nke Ibuzọ 18:39

Ogẹn ndị ahụn ile gi hụn ihiẹnni, wẹ nọ tụha enwẹn wẹ ye alị, bu ihun kpumẹ alị, yimẹ “Osolobuẹ, ịya wụ Chuku! Osolobuẹ, ịya wụ Chuku!”

Azaya 19:19

O ruzi ogẹn hụ, ukpo wẹ nọ a chụnyeni Osolobuẹ ẹjan k'a rị etintinnaị alị Ijiptu, a rụn wẹ ihiẹn wẹ e gi a nyanhan Osolobuẹ ye ebe alị Ijiptu ru.

Azaya 43:10

Osolobuẹ sị, “Ụnụ wụ ọshẹri m, odibo m hụn m họrị n'ọ marịn m, kweri oku m, ghọtazịkwọ nị mmẹ rọ. Onwọnni mmọn buni m ụzọ, onwọnzikwọnị hụn k'a nọkin ẹnya m.

Matiu 4:10

Ya kẹ Jizọsị nọ sị a, “Ekwensụ, pụ ebeni! Makẹni, e degụọ w'a imẹ Ẹkụkwọ-nsọ, sị, ‘Osolobuẹ wụ Chuku i k'i k'a kụnị isi-alị; ịya sụọ k'i k'e fe.’ ”

Joshụa 22:27

kama, n'ọ wụrụ ọshẹri ẹgbata ẹnyi lẹ ụnụ lẹ ẹgbata agbọ ile lalanị, nị ẹnyi sikọ d'e fesọnmẹ Osolobuẹ ihun ẹ, a chụnyen'ẹ ẹjan w'a dụn ọkụn lẹ ẹjan ndị ọzọ lẹ ẹjan-ekele. Ihun, ọ nịkọzị ụmụ ụnụ sị ụmụ ẹnyi, “Onwọnni hụn biri ụnụ lẹ Osolobuẹ.” ’

Joshụa 24:27

Joshụa nọ sị wẹ ile, “Lee n'ẹ, ọmụmanị k'a shịagbu ẹnyi ẹri. Ọ nụgụọ oku ile Osolobuẹ gwa ẹnyi; ya k'a shịagbu ụnụ ẹri, amamgbe ụnụ e gi ntụ sọn Osolobuẹ ụnụ.”