Joshụa 2:18 - Ika

¹⁸ sokpan y'e kẹnmẹghọ ụdọ-ufieni ye windoni ị gha dọtu ẹnyi, lẹni y'e wẹhẹghọ nẹdi i lẹ nnẹ i lẹ umunẹ i ikẹnnyẹ lẹ ikpoho lẹ ikpụlọ nẹdi i ile iwe i ebeni ogẹn ẹnyi e gi bịa d'a lụsọn alịnị agha.

Joshụa 2:18 Iomraidhean Croise

Jẹnẹsisi 12:2

M k'e gi i mẹmẹ okẹn alị; m k'a gọzi i; m k'e mẹ wẹ nụ ẹfan ị — kẹni ị wụrụ ngọzi.

Jẹnẹsisi 7:1

Ya kẹ Osolobuẹ nọ sị Nụa, “Banye imẹ ụgbọ, yụ lẹ ikpụlọ ị, makẹni a hụnọlẹ m nị yụ sụọ e bi obibi rị mma ẹnya m imẹ agbọnị ile.

Ẹsta 8:6

Nanị m'a dọn saẹka din ẹ omẹni eje-ihiẹn m hụngụ e kunrun ndị nke m? Nanị m'a dọn saẹka din ẹ omẹni e gbuchanrịn wẹ ndị nke m?”

Ọpụpụ 12:13

Ẹdeke ahụn k'a rị ọnụmụzọ ụnụ k'a wụrụ ahịma ụnụ ye ụlọ ndị hụ ụnụ rị; m hụn ẹdeke ahụn, a ghafe m ụnụ; nsọngbuni e gbuni erukọ ụnụ ẹhụ ogẹn m'e gi mẹ Ijiptu ihiẹn m k'e mẹ ẹ.

Ẹbụ Solomọnụ 4:3

Ụgb'ọnụ ị e nwun ufie-ufie kẹ eriri-ẹkwa ufie; ọnụ ị a maka mma. Nti i ẹbụbụọ rị a chan pọị kẹ imẹ gova-pomegraneti wẹ wabe — imẹ ẹkwa hụ i gi kpumẹ ihun.

Lẹvitikọsụ 14:4

onyẹ nchụn-ẹjan k'a sị wẹ wẹhẹ nnụnụ ẹbụọ rị ndụn, rị ọchan lẹ osisi sida lẹ oruru-ododo lẹ ẹrurushin hisopu ọ kpagiri, nị wẹ gi mẹzi onyẹ hụ rị ọchan;

Ọgụngụn 19:6

Onyẹ nchụn-ẹjan ahụn sikọ d'e weri mkp'osisi sida lẹ ẹrurushin-hisopu lẹ oruru ufie, tụ wẹ ye imẹ ọkụn hụ rị a onyẹnnyẹ-efin hụ.

Ọgụngụn 4:8

A bịa wẹ d'e gi ẹkwa e nwun ufie-ufie gbama elu ihiẹn ndịnị, gi akpụkpọ efin-ohimin kpumẹ ẹkwa hụ, bu akp'osisi ndị hụ wẹ gi e bu ẹ che ọnọdị wẹ.

Luku 19:9

Ya Jizọsị nọ sị a, “Nzụọpụha a bịaọlẹ ezi-lẹ-ụlọnị tannị, makẹni okẹnnyẹni wụzịkwọ nwa Ebraham.

Ọrụn Ndị-ozi 10:27

Pita lẹ Kọnẹlusu hụkwọ e ku oku d'e ru nị ọ banye imẹ ụlọ; ọ nọ hụn a nị igunrun ịhịan a gbakikomẹgụọ ebẹhụ.

Ọrụn Ndị-ozi 10:33

Ya m nọ zi wẹ d'a kpọ ị ozigbo. Y'e mẹkẹ i gi bịa. Ẹnyi ile rị nwan ihun Osolobuẹ ebeni kẹni ẹnyi nu ihiẹn ile Di-nwọnni-ẹnyi sị ị gwa ẹnyi.”

Ọrụn Ndị-ozi 11:14

O k'e zi i ozi yụ lẹ ikpụlọ i ile e gi nwọn nzụọpụha.’

Timoti Nke Ẹbụọ 1:16

Osolobuẹ ya mẹni ezi-lẹ-ụlọ Onẹsiforọsụ omikẹn, makẹni Onẹsiforọsụ a gbaka m umẹ! Ifẹnrẹn ẹgan m e mẹdẹn'ẹ.

Hibru 9:19

Makẹni, ogẹn Mozizi gi gwachanrịngụ ndị hụ ihiẹn ile Iwu hụ sị wẹ e mẹ, ọ nọ weri ẹdeke nwa-efin lẹ ewu wẹ gbu lẹ mirin, gi ẹṅẹnrẹn anụ e nwun ufie-ufie lẹ ukun ẹfịfịa w'a kpọ ẹrurushin-hisopu deri ẹdeke lẹ mirin hụ, fekpusọnmẹ kẹ Ẹkụkwọ-Iwu hụ lẹ enwẹn ẹ kẹ ndị Izrẹlụ ile —

Joshụa 2:21

Ọ nọ sị, “E kwerighọ m ihiẹn ụnụ ku.” Omẹgụ, ọ nọ sị wẹ, “Ijẹn-ọma nị”; ya ọ nọ kẹnmẹ ụdọ-ufie ahụn ye windo hụ.

Joshụa 6:23

Ya ikorọbịa hụ lele alị hụ nọ banye, wepụha Rehabụ lẹ nẹdi ẹ lẹ nnẹ ẹ lẹ umunẹ ẹ ikẹnnyẹ lẹ ndị nke ẹ ile. Wẹ nọ wepụhachanrịn ikpụlọ a ile, bugụ wẹ tọ ụzọ ohu, ẹhụ ebe ndị Izrẹlụ ziẹntọ.

Joshụa 6:25

Kanị Joshụa egbuni ịgbaraja hụ wụ Rehabụ lẹ ikpụlọ nẹdi ẹ lẹ ndị nke ẹ ile, makẹni Rehabụ zuemẹ ndị Joshụa zi d'e gi nzuzue lele kẹ alị Jẹriko nọ. Rehabụ bikwọ nwan igunrun ndị Izrẹlụ d'e ru tannị.