Joshụa 18:16 - Ika

¹⁶ gha ebẹhụ kpọtu, shi ukun Ugu hụn bu ihun zinmẹ Ọdanmgbugbu Bẹn-Hinọm, hụn rị ẹbamịn-ugu Ọdanmgbugbu ndị Rẹfa; ọ nọ nwan ghasọnmẹ Ọdanmgbugbu Bẹn-Hinọm, ghakọ nkpọtu obodo ndị Jebusu (wụ Jerusalẹm) d'e ru Ẹn-Rogẹlụ.

Joshụa 18:16 Iomraidhean Croise

Samuẹlụ Nke Ẹbụọ 17:17

Jonatanị lẹ Ahimaazị, ụmụ ndị nchụn-ẹjannị rị Mirin-Rogẹlụ ogẹnni. Nwagbọọ ohu wụ odibo wụ onyẹ hụn e wejẹnni wẹ ozi, wẹ nwẹn e jẹn d'a gwa Eze wụ Defidi; ẹrịra kẹ wẹ e mẹ ẹ amamgbe w'a hụn wẹ ebe wẹ rị a banye imẹ obodo.

Samuẹlụ Nke Ẹbụọ 5:18

Ndị Filistia a pụhagụọ, werisọnmẹ ọnọdị agha imẹ Ọdanmgbugbu ndị Rẹfa;

Ndị-nze Nke Ibuzọ 1:9

Adonija nọ gi atụnrụn lẹ efin bu ọda lẹ ụmụ-efin wẹ zụntọ chụn ẹjan elu Ọmụma Zohẹlẹtị hụn nọkunmẹ Isi-mirin Rogẹlụ. Ndị ọ kpọ wụ umunẹ ẹ ikẹnnyẹ ile, ya wụ ikẹnnyẹ ile eze mụ, lẹ ndị Juda ile hụn a rụnnị eze ọrụn;

Ndị-nze Nke Ẹbụọ 23:10

Josaya e mẹrụzịghọ Tofẹtị hụn rị Ọdanmgbugbu Bẹn-Hinọm, makẹ wẹ ghazị e gi ụmụ wẹ ikẹnnyẹ lẹ ikpoho a chụnnị Molẹkị ẹjan w'a dụn ọkụn.

Ihiẹn Mẹni Nke Ibuzọ 14:9

Ogẹn hụ, ndị Filistia a bịaọlẹ, maye ndị bi Ọdanmgbugbu ndị Rẹfa.

Ihiẹn Mẹni Nke Ẹbụọ 28:3

Ọ chụn ẹjan wẹ dụn ọkụn imẹ Ọdanmgbugbu Bẹn-Hinọm, gi ụmụ a ikẹnnyẹ chụn ẹjan w'a dụn ọkụn. O mẹsọnmẹ ihiẹn rụnị, hụn alị ndị hụ Osolobuẹ chụpụ buche ndị Izrẹlụ e mẹ.

Ihiẹn Mẹni Nke Ẹbụọ 33:6

O mẹ ụmụ a ikẹnnyẹ gha imẹ ọkụn imẹ Ọdanmgbugbu Bẹn-Hinọm, e buche ẹka ihiẹn eje-mmọn, a gba ẹfa, e gi ikẹn ọzọ a rụn, e jẹn ẹfa, e buru ndị wẹ lẹ mmọn wị e ku; o mẹkẹmẹkẹ ihiẹn bu ọda rịlẹni mma ẹnya Osolobuẹ. Iwe nọ we Osolobuẹ.

Azaya 30:33

O tekẹmẹkẹ wẹ kwademẹ Tofẹtị ebe wẹ nọ a dụn ihiẹn ọkụn; a kwademẹgụọ w'a tọnị eze. E mẹgụọ wẹ mgbugbu ọkụn a miwaye, shịawaye, ọkụn lẹ nkụn e jun ẹ; umẹrẹn Osolobuẹ hụn rị e hupụha lekẹ nsịn-ẹnyanwụn rị e nwun ọkụn, e d'a mụ ọkụn ye ẹ.

Jerimaya 19:11

sị wẹ: Osolobuẹ ihiẹn ile rị okpuru ẹ sị, ‘M k'e tikpọ ndị alịnị lẹ obodoni nọkẹ ite-ụrụa hụn o mẹ ni o tikpọ, w'a ra sazị ẹka e dọnzi ẹ. Wẹ k'e li ozun jun Ọdanmgbugbu Tofẹtị ebeni d'e ru nị ahụnkọzị wẹ ebe w'e liye wẹ.

Jerimaya 19:2

Shi ni Ọdanmgbugbu Nwa-Hinọnụ, hụn nọkunmẹ ebe wẹ gha a banye Ọnụ-mgbọn Mpekele-ite. Nọ ebẹhụ hị ihiẹnni m jẹnkọ d'a gwa ị.

Jerimaya 19:6

“Lee ni nwan ẹnya, ogẹn lala hụn wẹ k'e gi kpọbehi ebeni ‘Tofẹtị’ mọbụ ‘Ọdanmgbugbu Nwa-Hinọnụ’, kpọma a ‘Ọdanmgbugbu-Ogbugbu.’

Jerimaya 32:35

A tụnsọnmẹ wẹ ukpo wẹ nọ a rụa Baalụ ye imẹ Ọdanmgbugbu Bẹn-Hinọm, a nọ ebẹhụ e gi ụmụ wẹ ikẹnnyẹ lẹ ikpoho a chụnyeni mmọn wụ Molẹkị ẹjan — bụ ezini m wẹ, obi m eshitudẹni izi wẹ d'e mẹ arụ nọ ẹnịna; wẹ nọ gi ẹ dọ Juda ye imẹ njọ.

Joshụa 15:63

Ndị Juda asanị ẹka chụpụ ndị Jebusu bi Jerusalẹm; ndị Jebusu bikwọ nwan ebahụn d'e ru tannị.

Joshụa 18:28

Zẹla, Hẹlẹfụ, obodo ndị Jebusu (wụ Jerusalẹm), Gibia lẹ Kiriatị — obodo mmẹnọ lẹ ụmụ-alị wẹ. Ọnwan wụ ukuu ndị ebọn Bẹnjamini lẹ ikpụlọ ndị rịn'a.

Ndị Han Eṅẹn 1:21

Nke ndị Bẹnjamini, asanị wẹ ẹka chụpụ ndị Jebusu bi Jerusalẹm; ndị Jebusu bikwọ nwan igunrun ndị Bẹnjamini ebẹhụ d'e ru tannị.

Ndị Han Eṅẹn 1:8

Ndị Juda nọzị maye obodo Jerusalẹm ọgụn, weri ẹ. Gi ọpịa-agha gbu ndị obodo hụ, yi ẹ ọkụn.

Ndị Han Eṅẹn 19:10

Kanị, okẹnnyẹ hụ a chọzịnị n'ọ nọru uhinhin ọzọ, ya ọ nọ buli, dọn ihun Jebusu (hụn wụ Jerusalẹm), ya lẹ jaki ẹ ẹbụọ bu ibu lẹ mgba a.