Joshụa 15:7 - Ika

⁷ Ọ nọ ghazị Ọdanmgbugbu Ekọ pụha Debẹ, gha ebahụn gbegi shi ẹbamịn-ugu, ghapụha Gil'galụ hụn rị nchetarị ihun ebe wẹ gha e fetu ugu Adumim, hụn rị nkọ ẹka-ekpẹn Ọdanmgbugbu Ekọ hụ; ọ nọ jẹnsọnmẹ d'e ru mirin ndị ahụn rị Ẹn-Shẹmẹshi, d'a pụha Ẹn-Rogẹlụ.

Joshụa 15:7 Iomraidhean Croise

Samuẹlụ Nke Ẹbụọ 17:17

Jonatanị lẹ Ahimaazị, ụmụ ndị nchụn-ẹjannị rị Mirin-Rogẹlụ ogẹnni. Nwagbọọ ohu wụ odibo wụ onyẹ hụn e wejẹnni wẹ ozi, wẹ nwẹn e jẹn d'a gwa Eze wụ Defidi; ẹrịra kẹ wẹ e mẹ ẹ amamgbe w'a hụn wẹ ebe wẹ rị a banye imẹ obodo.

Ndị-nze Nke Ibuzọ 1:9

Adonija nọ gi atụnrụn lẹ efin bu ọda lẹ ụmụ-efin wẹ zụntọ chụn ẹjan elu Ọmụma Zohẹlẹtị hụn nọkunmẹ Isi-mirin Rogẹlụ. Ndị ọ kpọ wụ umunẹ ẹ ikẹnnyẹ ile, ya wụ ikẹnnyẹ ile eze mụ, lẹ ndị Juda ile hụn a rụnnị eze ọrụn;

Azaya 65:10

Alị Sharọnụ k'a wụzị ebe atụnrụn nọ a kpa nni, Ọdanmgbugbu-Nsọngbu a wụrụ ebe efin a nọ e zu ikẹn — m k'e mẹni ndị nke m hụn e feni m ya.

Hosia 2:5

Nnẹ wẹ a gbaọlẹ ịgbaraja; nnẹ mụnị wẹ e mẹọlẹ ihiẹn ifẹnrẹn — o gi sị enwẹn ẹ, ‘M k'a gbasọnmẹ ndị mmẹ lẹ wẹ rị a sụọ, uwẹ e ye m ihiẹn m'e ri lẹ mirin m'a ra lẹ oruru lẹ ẹṅẹnrẹn-anụ m gi a kpa ẹwuru; uwẹ e ye m ofigbọn lẹ udẹn, e ye m manya m'a ra.

Joshụa 10:43

Ya Joshụa lẹ ndị Izrẹlụ ile ya lẹ wẹ wị nọ kinhẹnzi ebẹhụ wẹ ziẹntọ imẹ Gil'galụ.

Joshụa 15:15

Ọ nọ gha ebẹhụ jẹn d'a lụsọn ndị bi Debẹ ọgụn. (Ihiẹn w'a kpọ Debẹ mbụ wụ Kiriatị-Sẹfa).

Joshụa 15:6

ọ nọ jẹnsọnmẹ d'e ru Bẹt-Họg'la, d'a pụ ẹbamịn-ugu Bẹt-Araba, gha a d'e ru Ọmụma Bohanị nwa Rubẹni.

Joshụa 18:17

Ọ nọ dọn ihun ẹbamịn-ugu, pụha Ẹn-Shẹmẹshi, gha ebẹhụ shi Gẹlilọtụ hụn bu ihun zinmẹ ebe wẹ gha e fetu ugu Adumim, ghasọnmẹ ẹrịra d'e ru Ọmụma Bohanị nwa Rubẹni,

Joshụa 4:19

Nke akp'ọhịn iri imẹ ifọn ibuzọ kẹ ndị Izrẹlụ gi fetu Iyi-Jọdanị, ziẹntọ Gil'galụ hụn rị ebe obodo Jẹriko ru ẹbamịn ọwụwa-ẹnyanwụn.

Joshụa 7:24

Ya Joshụa lẹ ndị Izrẹlụ ile nọ weri Ekanị nwa Zẹra lẹ siliva hụ lẹ ẹkwa hụ lẹ ogbe goru hụ lẹ ụmụ a ikẹnnyẹ lẹ ụmụ a ikpoho lẹ efin ẹ lẹ Jaki ẹ lẹ atụnrụn a lẹ ọdụ o bi lẹ ihiẹn ile o nwọn, we wẹ shi Ọdanmgbugbu Ekọ.

Joshụa 7:26

Ya wẹ nọ kpọn ikpọn ọmụma hi-ogbe kwasị Ekanị. Ikpọn ọmụma hụ rịkwọ nwan ebẹhụ d'e ru tannị. Ya kẹ olulu Osolobuẹ nọ rọ. Ihiẹn w'a kpọ nwan ebẹhụ d'e ru tannị wụ Ọdanmgbugbu Ekọ hụn wụ Ọdanmgbugbu Nsọngbu.