Joshụa 15:11 - Ika

¹¹ Ọ nọ ghashi ẹbamịn-ugu Ẹkrọnụ, gbegi shi Shikẹrọnụ, ghafe shi Ugu Baala, pụha Jab'nilu. Ohimin Uku Mẹditerenia k'o jẹndemẹ.

Joshụa 15:11 Iomraidhean Croise

Ndị-nze Nke Ẹbụọ 1:16

Ẹlaịja nọ sị eze, “Lee ihiẹn Osolobuẹ ku: ‘Chuku arịdẹ Izrẹlụ hụn ị k'a jụ ọnụ ra, i gi zi wẹ d'a jụ Baalụ-Zẹbubu wụ mmọn ndị Ẹkrọnụ? Makẹ ihiẹnni i mẹ, y'e lihikọ elu-bẹdi ahụn i dinẹ; ị k'a nwụnrịrị.’ ”

Ndị-nze Nke Ẹbụọ 1:6

Wẹ nọ sị a, “Okẹnnyẹ ohu bịa d'e kunrun ẹnyi ụzọ, sị ẹnyi, ‘Kin ni azụụn d'e kunrun eze zini ụnụ. Sị n'a, “Lee ihiẹn Osolobuẹ ku: Chuku arịzị alị Izrẹlụ haịn i gi zikọ wẹ d'a jụ Baalụ-Zẹbubu mmọn ndị Ẹkrọnụ ọnụ? Y'e lihikọ nwan bẹdi ahụn i dinẹ. Ị k'a nwụnrịrị!” ’ ”

Ihiẹn Mẹni Nke Ẹbụọ 26:6

Ọ lụsọn ndị Filistia agha, kụtu mgbọn wẹ tụnhunmẹ obodo Gatị lẹ mgbọn Jabnẹ lẹ mgbọn Ash'dọdụ. Ọ rụndọnzi obodo ndị nọkunmẹ Ash'dọdụ lẹ ebe rị ichẹn-ichẹn imẹ alị ndị Filistia.

Ọgụngụn 34:6

“Ohimin-uku Mẹditerenia lẹ mkpẹnrẹn ẹ k'a wụchanrịn okẹn ibe ẹbamịn ọdịdan-ẹnyanwụn.

Joshụa 15:10

ebahụn k'ọ gha gbegi, dọn ihun ẹbamịn ọdịdan-ẹnyanwụn, gha Baala pụha Ugu-Sẹẹ, ghafe shi nkpọtu Ugu-Jiarim (ya wụ, Kẹsalọnụ), gha a ẹbamịn-ugu, ghafe shi Bẹt-Shẹmẹshi, fetu pụha Timna.

Joshụa 15:12

Ẹbamịn ọdịdan-ẹnyanwụn, Ohimin-uku Mẹditerenia k'ọ ghasọnmẹ. Ọhụn wụ ebe alị ebọn Juda lẹ ikpụlọ ndị rịn'a rusọnmẹ.

Joshụa 15:45

Ndịnị rịzị Juda: Ẹkrọnụ lẹ ụmụ-alị lẹ alị-ọfịa a;

Joshụa 15:9

Alị wẹ ghazị mkpọnụnụ ugu hụ d'a pụha isi-mirin Nẹf'tụa, gha ebẹhụ pụha obodo ndị rị Ugu-Ẹfrọnụ; ọ nọ ghasọnmẹ nkpọtu shi Baala (ya wụ, Kiriatị-Jiarim);

Ndị Han Eṅẹn 1:18

Ndị Juda nọzị gi agha weri Gaza, Ash'kẹlọnụ lẹ Ẹkrọnụ, wẹ lẹ alị ndị fihunmẹni wẹ.

Samuẹlụ Nke Ibuzọ 17:52

Ya kẹ ndị-agha Izrẹlụ lẹ Juda nọ zụnpụha, yi oro agha, chụ ndị Filistia, chụkwọ wẹ rị d'e ru ẹbụ Gatị lẹ ọnụ-ụgba Ẹkrọnụ. Ozun ndị Filistia e jun Ụzọ Shaaraim, d'e rukwọrị Gatị lẹ Ẹkrọnụ.

Samuẹlụ Nke Ibuzọ 5:10

E buzi wẹ Ẹkpẹti Chuku shi obodo wẹ ọzọ wụ Ẹkrọnụ. Hụn Ẹkpẹti Chuku gihụ banhan Ẹkrọnụ, ndị Ẹkrọnụ nọ kwan ụya, sị, “E buhẹ wẹ Ẹkpẹti mmọn Izrẹlụ d'e gbu ẹnyi lẹ ndị nke ẹnyi!”

Samuẹlụ Nke Ibuzọ 5:8

Ya wẹ nọ kpọkikomẹ ndị-ọkịkị obodo isẹn rị alị Filistia, jụma wẹ sị, “Nanị ẹnyi e mẹ Ẹkpẹti mmọn ndị Izrẹlụ?” Ndị ahụn rị a kịnị nọ sị wẹ, “Bu ni Ẹkpẹti-mmọn Izrẹlụ shi obodo Gatị.” Ya wẹ nọ bu Ẹkpẹti Chuku Izrẹlụ la obodo wẹ ọzọ wụ Gatị.

Samuẹlụ Nke Ibuzọ 7:14

Obodo ile rị gha Ẹkrọnụ d'e ru Gatị hụn ndị Filistia te narịnsọnmẹ Izrẹlụ nọ banzị ndị Izrẹlụ ẹka, Izrẹlụ nọzị narịn wẹ ẹgbẹrẹ hụ ile. Udọn hụzị ẹgbata ndị Izrẹlụ lẹ ndị Amọ.